ராஜா காது கழுதைக் காதுதான்! சந்தேகமிருக்கிறதா என்ன?

சமீபத்தில் நெல்லை கண்ணன் என்கிற காங்கிரஸ் உளறுவாயன் நரேந்திர மோடியின் திருமண வாழ்க்கை குறித்தும், கூட்டத்தைச் சிரிக்கவைக்கிறேன் பேர்வழி என்று தமிழக முதல்வர், துணைமுதல்வர், அமித்ஷா என்று பலரையும் சகட்டுமேனிக்கு கீழ்த்தரமாகப் பேசியதற்காகக் கைது செய்யப்பட்டதும். நெல்லை கண்ணன் பேசியது சரிதான் என்ற ரீதியில் இன்னும் இங்கே விவாதங்கள் நடந்து கொண்டிருப்பதையும் பார்த்துச் சலித்திருப்பீர்கள்! ஒரு மாறுதலுக்காக, நடிகை பாயல் ரோஹட்கி! என்ன பேசி விட்டார் என்று கைது,  9நாட்கள் சிறை அப்புறம் ஜாமீன் என்று?

      வீடியோ 13 நிமிடம் 

நேரு மற்றும் வாரிசுகளுடைய கதை பொதுவெளியில் இன்றைக்கும் சந்திசிரித்துக் கொண்டிருப்பதுதான்! பொதுவெளியில் எல்லோரும் தெரிந்துகொள்கிற மாதிரி இருக்கிற தகவல்களைச் சொன்னதனாலேயே நேரு மற்றும் வாரிசுகளைப்பற்றி அவதூறாகப் பேசி விட்டார் என்று முடிவு செய்துவிடுவதா? காங்கிரஸ் காரனைப் பொறுத்தவரை இந்திரா காந்தி என்று இருப்பதில் ஒரிஜினல் காந்திக்கு எந்தவித சம்பந்தமும் இல்லை என்று உண்மையைச் சொன்னால் மிகவும் அசௌகரியமாக இருக்கிறது. கருத்து சுதந்திரமாவது மண்ணாவது!

Arrest

Rohatgi claimed that Jawaharlal Nehru, first prime minister of India, was not legitimate child of Motilal Nehru but born out of an illicit relationship of Kamala Nehru with another man in Facebook video in October 2019.^[8] She also alleged that Motilal Nehru had five wives.^[55] Youth Congress leader lodged police complaint against her for insulting the Nehru family.^{[56][57][58][59]} Later, she offered public apology to Priyanka Gandhi and Sonia Gandhi.^[60] On 15 December, she was detained by Bundi Police in Ahmedabad due to her remarks on Nehru-Gandhi family.^[61] She was later arrested. On 16 December 2019 Court sent her in Judicial custody for 9 days till 24 December 2019.^[62]  என்று அம்மணியைப் பிரபலமாக்கிய அல்லது ராஜாகாது கழுதைக்காது என்பதை பல்லக்கு தூக்குகிறவர்களே  ஒப்புக்கொண்ட விதத்தை விக்கிபீடியா பக்கம் சொல்கிறது. அதென்ன ராஜாகாது கழுதைக்காது என்று அப்பாவியாகக் கேட்பவர்களுக்காக ஒரு பழைய தமிழ்ப்படக் காமெடி இங்கே வீடியோவாக!   விக்கி சொல்வதெல்லாம் உண்மை என்று நான் சர்டிபிகேட் கொடுக்கவில்லை, ஆனாலும் ஒரு குறைந்தபட்ச, ஆரம்பநிலைத் தகவல்களைத் தருகிற இடமாக விக்கிபீடியா இருக்கிறது என்பதை மறுக்க முடியாது! இந்த விஷயத்தோடு முந்தைய பதிவில் நம்மூர் அரசியல் பெரும் புள்ளிகளுடைய கதையை biopic ஆக எடுத்தால் என்ன ஆகும் என்ற கேள்வியையும் சேர்த்துப் பாருங்கள்! 

Queen வெப் சீரிசில் நடித்த அனுபவம் பற்றி ரம்யா கிருஷ்ணன் இந்த 11 நிமிட வீடியோவில் பகிர்ந்து கொள்கிறார். கதையமைப்பும் இயக்குனரும் தான் சொதப்பினார்களே தவிர ரம்யா கிருஷ்ணன் மாதிரி கலைஞர்கள் அல்ல. உண்மையான ஜெ. மிக மர்மமான பெண்மணியாகவே இந்த சீரீஸ் கொடுமைக்குப் பிறகும் இருக்கிறார்! அவ்வளவுதான்!

மொக்கையாக எடுப்பாராம்! ஆனால் rubbish ஆ குறை சொல்லாதீங்க என்றும் கௌதம் மேனன் சொல்வாராம்! முன்னோட்டம் சேர்த்து 19 நிமிடம். இரண்டாவது, மூன்றாவது சீசன்களும் இருக்கிறதாம்! இப்போதே பயமாக இருக்கிறதே! சொன்னால் உனக்கு வெப் சீரீஸ் பற்றி ஒண்ணுமே தெரியாதென்று கௌதம் மேனன் சண்டைக்கு வந்துவிடுவாரே! 

வெப் சீரீசை வைத்து  இங்கே சொல்வதும் கூட நிஜத்துக்கும் கிரியேட் செய்யப்பட்ட பிம்பத்துக்கும் கொஞ்சம் கூட சம்பந்தமே இருக்காது! வெறும் கற்பிதங்கள் உண்மையாக இருக்காது என்பதை நேரு, வாரிசுகள் விஷயத்திலும்  ராஜா காது கழுதைக்காது தான் என்பதை மறுபடியும் வலியுறுத்திச் சொல்வதற்காக மட்டுமே!

மீண்டும் சந்திப்போம்.              

தொடர்புடைய பதிவு

ராஜா காது கழுதைக்காது தான்! அதுக்கென்னவாம் இப்போ?

           

மண்டேன்னா ஒண்ணு! #அரசியல்! Queen! கிறிஸ்டின் கீலர்!

குடியுரிமைச் சட்டத்திருத்தம் சொல்வதென்ன என்பதைத்  தெரிந்துகொள்ளாமலேயே அர்த்தமற்ற போராட்டங்கள், கலகங்கள், வன்முறை என்று இந்திய அரசியலைத் திசை திருப்ப இடதுசாரிகள், திமுக, காங்கிரஸ் இன்னும் பல உதிரிகள் தொடர்ந்து முயற்சிப்பதன் 2வது பகுதி நேற்றைக்கு JNU பல்கலைக் கழகத்தில் ஆரம்பம் ஆகியிருக்கிறது

,

H ராஜாவை வெறுப்பவர்கள், அவர் எழுப்பும் கேள்விகளை எதிர்கொள்ள முடியாதவர்களே! இந்த 17 நிமிட வீடியோவில் ஒவ்வொரு கேள்விக்கும் தயங்காமல் தெளிவான பதில் சொல்வதை, சில விஷயங்கள்  ஏற்கெனெவே கேட்டிருந்தாலும், இன்னொரு முறை தெளிவாக  உள்வாங்கிக் கொள்வதற்காக கேட்பதால் தவறேதுமில்லையே!  CAA பற்றி மட்டுமல்ல, வங்கிகளின் வராக்கடன் சுமை, அண்மையில் நடந்துமுடிந்த உள்ளாட்சித் தேர்தல்களில் பிஜேபி அதிமுக கூட்டணி இருந்ததா என்று பலவிதமான கேள்விகளுக்கும் பதில் சொல்கிறார். முன்பே சொன்னதுபோல H ராஜா எழுப்புகிற கேள்விகளும் சரி, அவரிடம் கேட்கப்படும் கேள்விகளுக்குச் சொல்கிற பதில்களும் சரி, இங்கே காங்கிரஸ் மற்றும் திராவிடங்களுக்கு அசௌகரியமாக இருப்பது, அவர்கள் பதிலுக்கு வாரியிறைக்கும் வன்மம் கலந்த பேச்சுக்களே சாட்சி. 

Queen! இது ஜெ.வுடைய கதை என்று சொல்லாமல் ஆனால் பூடகமாக இது அவருடைய கதைதான் என்று கௌதம் வாசுதேவ மேனன் இயக்கி வெளிவந்திருக்கிற வெப் சீரீஸ் மிகுந்த ஏமாற்றத்தைக் கொடுத்திருக்கிறது. நம்மூரில் அரசியல் தலைவர்களுடைய கதையைப் படமாக்குவது மிகவும் risky என்பதை மணிரத்னம் அந்த நாட்களில் இருவர் படம் எடுத்துச் சுட்டுக்கொண்டார். அன்றிலிருந்து தமிழ்நாட்டில் அரசியல்படம் பண்ணுவது ஒருபக்கச் சார்பாகவே போய்க்கொண்டிருக்கிற சங்கதி தெரியும் தானே!? கௌதம் மேனன் எடுத்த வெப் சீரிசில் ஜெயலலிதா என்கிற அரசியல் தலைவர் உருவான விதம் சரியாகச் சொல்லப்படவில்லை. நிறைய இடங்களில் சொதப்பியிருக்கிறார். 11 எபிசோடுகளில் முதல் 8 எபிசோடுகள் நத்தைவேகத்தில், அரை குறைத்தனமாக நகர்ந்து, கட்சித்தலைமை அவர் கைகளுக்கு வந்துசேர்ந்ததைக் கூட சரியாகச் சொல்லாமல் .  முடித்திருப்பது என்னமாதிரி biopic என்பதை கௌதம் மேனன் தான் சொல்லவேண்டும்! ஆனால் அவரைத்தவிர மற்றவர்கள் மட்டும்தான் என்னென்னமோ சொல்லிக் கொண்டு இருக்கிறார்கள்! இதில் கிட்டத்தட்ட ஐந்தரை மணி நேரத்தை வீணாக்கிவிட்டேனே என்பதுதான்  என்னுடைய கருத்து! மேலே சௌகார்ஜானகி சீரிசைப் பார்க்காமலேயே தன்னுடைய அபிப்பிராயத்தை அல்லது ஜெ மீதிருந்த பழைய கோபங்களைச் சொல்லிக் கொண்டிருக்கிறார். வீடியோ 17 நிமிடம்.

    The Trial of Christine Keeler 

BBC One சீரிசிலிருந்து ஒரு ஸ்டில் 

56 வருடங்கள் ஆனபின்னாலும் கூட  Profumo Affair என்கிற பெண்பிள்ளை சங்காத்தத்தால் வீழ்ந்த மந்திரி ஒருவருடைய  விவகாரம், ஆறுபகுதிகள் கொண்ட web seriees ஆக BBC One இல் சென்ற ஞாயிறு, திங்கள் என்று முதலிருபகுதிகளும்  தொடங்கி நேற்றோடு மூன்றுபகுதிகள் ஒளிபரப்பாகி விட்டன. பிரிட்டனுடைய துரதிர்ஷ்டம், நீண்ட வரலாற்றுப் பாரம்பரியம் தான் இல்லையென்றால், ஆட்சியே கவிழ்கிற அளவுக்குப் போன Profumo விவகாரம் ஒன்றுதான் தம்பட்டம் அடித்துக் கொள்கிற அளவுக்கு இன்று வரை இருக்கிறது என்று தெரிந்தால் மிகவும் ஆச்சரியப்படுவீர்கள்! இங்கே மணிரத்னங்களும் கௌதம் மேனன்களும் தடுமாறுகிற மாதிரி எல்லாம் இல்லாமல், ஓரளவுக்குப் பிரச்சினையை நியாயமாகவே படமாக்கி இருக்கிறார்கள். பாதிவரைதான் ஒளிபரப்பாகி இருக்கிறது, இன்னும் 3 எபிசோடுகள் பாக்கி இருக்கின்றன. DH Lawrence  எழுதிய Lady Chatterley’s Lover நாவலில் கொஞ்சம்  செக்ஸ் பேசப்பட்டிருந்தது என்பதற்காக 1960 வரை தடை விதிக்கப்பட்டிருந்த ஒரு நாடு பிரிட்டன்  என்பது பிரிட்டிஷ் சமூகத்தின் போலிக் தனத்துக்கு ஒரு நல்ல உதாரணம் என்பது கொசுறு தகவல். இப்படியாகப்பட்ட கண்ணியவான்கள் நாட்டில் ஒரு செல்வாக்குள்ள மந்திரி John Profumo கிறிஸ்டின் கீலர் என்ற ஒரு விபச்சாரியுடன் 1961 முதலே காமவசப் பட்டிருந்தார் என்கிற விவகாரமே 1963 இல் தான் பூதாகாரமாய் வெடித்துக் கிளம்பியது. பிரிட்டிஷ் பார்லிமென்டில் காரசாரமான விவாதம், மந்திரி முதலில் மறுத்துப் பார்த்தார், பிறகு வேறு வழியே இல்லாமல் ராஜினாமா செய்தார். ஒரு விலைமாதுடன் உறவு என்ற பிரச்சினைக்காக அல்ல, அந்தப் பெண்ணின் சில  நண்பர்கள் ரஷ்ய உளவாளிகள் என்று தெரியவந்ததால் தான் என்பது கதைச் சுருக்கம். அமெரிக்க அதிபராக இருந்த பில் கிளிண்டன் மோனிகா லெவின்ஸ்கி விவகாரத்தோடு ஒப்பிட்டால், வெறும் சப்பை மேட்டர்! ஆனால் பிரிட்டிஷ் மக்களுக்கு வரலாறுதான் இல்லையென்றால் இந்த மாதிரி மேட்டர் கூட சப்பை என்பது எவ்வளவு பெரிய சோகம்?!

ஜான் ப்ரொஃயூமோ ராஜினாமா செய்துவிட்டு அமைதியாக ஒரு தொண்டுநிறுவனத்தில் தன்னுடைய பணிகளை செய்துவந்தார். 1975 இல் மார்கரெட் தாட்சர், ராணி எலிசபெத்துடன் ஒரே வரிசையில் அமர்ந்து கௌரவிக்கப்பட்டார் என்று உள்ளதைச் சொல்வது ஆன்டி க்ளைமேக்சாக உங்களுக்குத் தெரியலாம்! ஆனால் அதுதானே அரசியல்! கிறிஸ்டின் கீலர் தான் பாவம்! மந்திரி நாடாளுமன்றத்தில் மறுப்புத் தெரிவித்த சமயத்தில் ஸ்பெயினுக்கு ஓடி நிம்மதியற்ற ஒரு வாழ்க்கை. 2017 டிசம்பர் 5 அன்று நுரையீரல் தொற்று நோயால் 75 வயதில் மரணத்தைச் சந்திக்கிற வரை கிறிஸ்டின் கீலரைத் துரத்திக் கொண்டே இருந்தது போல. 

, 

இப்போது எனக்கிருக்கிற ஒரே கேள்வி, ஜவஹர்லால்  நேரு, அவர் தங்கை விஜயலட்சுமி பண்டிட், மகள் இந்திரா இப்படியான பிரசித்திபெற்ற நபர்களுடைய வெளியே தெரியாத இன்னொரு பக்கத்தைத் துணிச்சல் உள்ள ஆசாமி யாராவது எப்போது இந்தமாதிரி சீரியல் எடுத்து  ஆவணப் படுத்துவார்கள் என்பதுதான்! M O மத்தாய் புத்தகத்தின் மீதான தடை இன்றுவரை நீக்கம் செய்யப்படவில்லை என்பதாவது  தெரியுமா?இல்லையா?

The Nation wants to know, Sir! மீண்டும் சந்திப்போம்