#முன்களப்பிணியாளர்கள் இஷ்டப்படி மேய்க்கப்படுகிற மந்தைகளா நாம்?

"இன்றைய தேதிக்குத் தமிழில் இருக்கிற ஒரே இலக்கிய பத்திரிகை இந்து தமிழ் திசைதான். ஒரே இலக்கிய எழுத்தாளர் சமஸ்தான்!" அது சிறுபத்திரிகை இல்லையோ? "அதான் இலக்கிய பத்திரிகைனு சொல்லிட்டனே. தனியா வேற சொல்லணுமா. ஒரே வித்தியாசம் நிக்காம தொடர்ந்து வந்துக்கிட்டு இருக்குங்கறதுதான்!" இப்படி எழுத்தாளர் விமலாதித்த மாமல்லன் முகநூலில் சொன்னது கொஞ்சம் கூடப் பிசகில்லை! இந்து நாளிதழ் வெளியிடுகிற செய்தியின் தரம், சுறுசுறுப்புக்கு உதாரணமாக இந்த ஹாட்லீக்ஸ்! செய்தியில் அப்படி ஹாட்டாக ஒன்றுமே இல்லை என்பது ஒருபக்கம்! இமேஜ் பூஸ்டர் ரகம்தானே என்று கேட்டால் இதே விஷயம் ஒன் இந்தியா தளத்தில் சிலதினங்களுக்கு முன்பே வெளியானது என்பதுதான் விஷயம் தமிழ்நாடு அரசியல் விவகாரங்களில் என்னமாதிரிப் பேசுவது, என்ன கருத்தை வலியுறுத்துவது என்பதில் ஊடகங்களே தடுமாறுகிற அளவில்தான் இங்கே அரசியல் நடக்கிறது

உப்பின் ஞானத்தைக் கூட சமந்தா வந்துதான் சொல்ல வேண்டியிருக்கிற ஒரு தேசத்தில் ஜனங்களுக்கும் ஊடகங்களுக்கும் உப்பின் உபயோகத்தைப்பற்றி யார் வகுப்பெடுப்பது?  

முகநூலில் ஸ்டேன்லி ராஜன் 

கொரோனா காலத்தில் உயிரிழக்கும் பத்திரிகையாளருக்கு 10 லட்சம் கொடுக்கப் படும் தமிழக அரசு அறிவிப்பு

தமிழகத்தில் நடக்கும் கொடுமைகளில் மாபெரும் கொடுமை இதுதான், கொரொனாவினை விட கொடிய கொடுமை இது தமிழக பத்திரிகையாளர்கள் தனியார் ஊழியர்கள், ஒவ்வொரு மீடியாவும் தனியார் சொத்து , செய்தி ஊடகங்களின் முதலாளிகளின் பணியாளர்கள் அவர்கள்

அரசின் தூதர்ஷன் உள்ளிட்ட பணியாளர் செத்தால் அரசு கொடுக்கலாம், எவ்வளவும் கொடுக்கலாம் அது சரியானது. ஆனால் அரசியல் கட்சிகள் நடத்தும் மீடியாக்களின் அதாவது தனியார் ஊழியருக்கு எதற்கு அவ்வளவு நிதி என்பதுதான் தெரியவில்லை ஒவ்வொரு மீடியாவும் செல்வத்தில் கொழிக்கின்றன, பத்து லட்சம் என்பது அவர்கள் இருமணி நேரத்தில் சம்பாதிக்கும் பணம்.அதை அவர்கள் கொடுக்காமல் மக்கள் பணத்தில் ஏன் கொடுக்கின்றார்கள் என்பதுதான் தெரியவில்லை.

உதாரணத்துக்கு பாருங்கள், சன்டிவியின் ஒரு நாள் வருமானம் கிட்டதட்ட 80 லட்சம் ஆனால் இனி சன்டிவி நிருபர் செத்தால் அரசு நிதிவழங்கும்.கலைஞர் டிவி ஒரே வருடத்தில் 200 கோடி சம்பாதித்த கட்சி என்பது ஸ்பெக்ட்ரம் வழக்கில் சொல்லபட்ட வாதம். இனி அந்த டிவிக்காரன் அதாவது ஸ்டாலினின் சொந்த டிவிக்காரன் செத்தால் முதல்வர் ஸ்டாலின் 10 லட்சம் வழங்குவார்.தன் கம்பெனி காசினை வணங்காமல் அரசு காசை எடுத்து தன் டிவியில் வேலை செய்தவனுக்கு வழங்குவார், எப்படிப் பட்ட அருமையான திட்டம்?

இப்படி ஒரு விசித்திரமான அரசியல் கொள்ளை, திட்டமிட்ட கபட நாடகம் பகிரங்கமாக நடத்தப் படுவதெல்லாம் தமிழகத்தில்தான் சாத்தியம்.

இது பத்திரிகையாளர்கள் மொக்கையாக பந்து வீச  செய்யபட்ட மேட்ச் பிக்ஸிங், பகிரங்கமான மேட்ச் பிக்ஸிங் அதாவது அவர் அவுட்டானாலும் சிக்ஸர் என கேமராவில் காட்ட வேண்டும் அதை மக்கள் நம்ப வேண்டும் என்ற ஏற்பாடு

பாசவலை திரைப்படத்துக்காக பட்டுக்கோட்டை கல்யாணசுந்தரம் எழுதிய பாட்டைப் பாடியிருப்பவர் சி எஸ் ஜெயராமன்.

"குட்டி ஆடு தப்பி வந்தா குள்ளநரிக்குச் சொந்தம்…

குள்ளநரி மாட்டிக்கிட்டா குறவனுக்குச் சொந்தம்…

தட்டுக்கெட்ட மனிதர் கண்ணில் பட்டதெல்லாம் சொந்தம்…

சட்டப்படி பார்க்கப்போனா எட்டடிதான் சொந்தம்..."

பாடலும் பாடியவரும் பழசுதான். பட்டுக்கோட்டை  கல்யாண சுந்தரத்தின் வரிகள் இன்றைக்கும் சுளீர் சுளீரென்று உறைக்கிறதே! பாடல் வரிகள் முழுதையும் இங்கே பார்க்கலாம்,  

இதேபடத்தில் இன்னொரு பாடலும் கூட ஆட்டை வைத்துத்தான் கேட்கலாம்  ஊடகங்களைத் திருத்த முடியாது தான்! ஆனால் அவர்கள் திரித்துச் சொல்கிற அத்தனையையும் நம்பிவிட நாம் ஆட்டுமந்தைகளா என்ன? அல்லது வாத்துமடையர்களா? 

  

.மீண்டும் சந்திப்போம்  

இட்லி வடை பொங்கல்! #62 CAA எதிர்ப்பு அரசியல்! எங்கே போகிறோம்?

டில்லியில் ஒரு ஷாஹீன்பாக் மாதிரி தமிழகத்திலும் சென்னை வண்ணாரப்பேட்டை பகுதியிலும் சாலைகளை மறித்துக் கும்பலாக அராஜகம் செய்வது நேற்றிரவு ஆரம்பித்திருக்கிறது கல்வீச்சு, தடியடி, சிலர் கைது, கைது செய்ததை எதிர்த்து மாநிலத்தில் பலபகுதிகளிலும் ஆர்ப்பாட்டம், கைதானவர்கள் விடுதலை என்று வளர்ந்து, வண்ணாரப்பேட்டையில் இன்றும் 2வது நாளாக தர்ணா தொடர்கிறது.

நாடாளுமன்றத்தில் நிறைவேற்றப்பட்ட ஒரு சட்டத்தை அதில் என்ன சொல்லப்பட்டிருக்கிறது என்றே புரிந்து கொள்ள விடாமல் காரணமற்ற அச்சத்தை, அரசுக்கு எதிரான போராட்டமாக மாற்ற சில அரசியல் கட்சிகள் இரண்டு மாதங்களுக்கும் மேலாகவே  செய்து வருகின்றன.

வீடியோ 15 நிமிடம் 

CAA பிரச்சினை இருந்தால் விவாதிக்கத் 

தயார்!:: அமித் ஷா  

இங்குள்ள இஸ்லாமியர்களைத் தூண்டிவிட்டு கலவர பூமியாக்க SDPI, PFI, TNTJ முதலான அமைப்புக்கள் முயற்சிசெய்வதும் வெளிப்படையாகவே தெரிகிறது. ஆரோக்கியமான ஒரு  உரையாடலுக்குத் தயாராக இல்லாத அவர்களுடைய   போக்கு, ஒரு சிவில் சமூகமாக கவலை கொள்ளச் செய்கிறது. 

தமிழக அரசும், காவல்துறையும் இந்த விஷயத்தை எப்படி டீல் செய்யப்போகிறார்கள்?  வெறும் சட்ட ஒழுங்குப் பிரச்சினையாகவா? அராஜகத்துக்கு வித்திடும் நபர்களைக் கண்டறிந்து களையெடுப்பதிலா? இப்போதைக்குப் பிரச்சினை ஓய்ந்தால் போதுமென்றா?

இந்த 37 நிமிட விவாதத்தைக் கொஞ்சம் கவனமாகக் கேளுங்கள்! இங்கே விவாதங்கள், கருத்து சுதந்திரம், முதலான எல்லாமே ஒருதலைப்பட்சமாகவே நடப்பது பற்றி எப்போதாவது கவலைப்பட்டிருக்கிறோமா? நக்கீரன் கோபால்களுக்கும் ஆளூர் நவாஸ்களுக்கும் கொடுக்கும் கவனத்தில் ஒரு பகுதியாவது, இவர்கள் சொல்வது உண்மைதானா, இன்னொரு தரப்பு என்ன என்று தெரிந்துகொள்வதில் காட்டியிருக்கிறோமா? நாராயணி பாசு புத்தகம் எழுதினால் அது சர்ச்சை ஆக்கப்படுகிறதே எதனால் என்று கொஞ்சமாவது யோசித்துப் பார்த்திருக்கிறோமா? JNU முதலான மத்திய அரசுபல்கலைக்கழகங்கள், இடதுசாரிக் குறுங்குழுக்களின் பிரச்சாரக்களமாகவே இருப்பதை இன்னமும் சகித்துக் கொண்டே இருந்தாகவேண்டுமா?

எழுபது வருடங்களுக்கும் மேலாக இப்படி ஒருதலைப் பட்சமான உரையாடல்களையே கேட்டுப் பழக்கப் பட்டுவிட்டோம், மீட்சி எப்போது என்ற கேள்விகள் எழுவது இயல்பு. விடைகாண முயற்சிப்பதும் கூட இயல்புதான்!   

சீரியசாகவே போயிட்டிருந்தா எப்படி? சற்றே நகுக!        

அடடே! மதி என்னமோ கற்பனையாகக் கார்டூனில் நேரு மீது அபாண்டமாகப் பழிசுமத்திவிட்டார் என்று பொங்க விரும்பினால் பொங்கிக் கொள்ளுங்கள்! அதற்கு முன்னால் ஒரே ஒரு கேள்வி மட்டும்!

எங்கே போகிறோம்? மீண்டும் சந்திப்போம்  

நேற்று பொது வேலைநிறுத்தமாமே! பார்த்தீர்களா? என்ன நடந்ததாம்?

ஒரு முப்பது வருஷங்களுக்கும் மேலாக தொழிற்சங்க ஈடுபாட்டோடு தீவிரமாக இருந்திருக்கிறேன். ஒரு இடதுசாரி அரசியலையும் சேர்த்தே  முன்னெடுத்திருக்கிற அனுபவத்தில் நாடு தழுவிய வேலைநிறுத்தம் அல்லது பொது வேலை நிறுத்தம் என்பது மாதிரியான அரசியல் மோசடி வேறெதுவும் இருக்கமுடியாது என்பதை அழுத்தம் திருத்தமாகச் சொல்லுவேன்! நேற்று ஜனவரி 8 ஆம் தேதி கூட இடதுசாரிகள் உள்ளிட்ட எதிர்க்கட்சிகள் அவை சார்ந்த தொழிற்சங்கங்கள் எல்லாம் சேர்ந்து ஒரு பொது வேலை நிறுத்தத்தை வெற்றிகரமாக நடத்தி முடித்திருப்பதாக செய்தி ஊடகங்களில் மட்டும் ஒரு பரபரப்புச் செய்தி தொடர்ந்து ஊதப்பட்டு வருகிற வேடிக்கையை கவனித்தீர்களா? பொத்தாம்பொதுவாக சிலபல நிறைவேற்றமுடியாத கோரிக்கைகளை  சும்மா லுலுலாயிக்கு தொழிலாளர்களுக்குச் சொல்லிவிட்டு, குடியுரிமைச் சட்டத்துக்கு எதிராகவும் போராடுவதான தங்களுடைய அரசியல் அஜெண்டாவையும்  நடத்திக் கொள்வது, இப்போது புதிதாக நடப்பது அல்ல. வருடா வருடம் குறைந்தது ஒருமுறையாவது நடக்கிற கூத்துதான்!

ஒருபக்கம் பொதுவேலை நிறுத்தம்! இன்னொருபக்கம் பாரத் பந்த் என்று அறிவிப்பு! என்ன நடந்தது? எப்படி நடந்தது? யாராவது பார்த்தீர்களா? குறிப்பிட்டு இந்தத் துறையில் வேலைநிறுத்தம் முழுமையாக நடந்தது என்ற தகவல் இருக்கிறதா? எந்த மாநிலத்திலாவது  பாரத்  பந்த் பாதியளவாவது வெற்றி பெற்றதாக செய்தி எதையாவது பார்த்தீர்களா? ஆனால் சென்னை அண்ணாசாலையில் விசிக திருமா, தொமுச, சிஐடியு ஆசாமிகள் சாலைநடுவே அமர்ந்து மறியல் செய்தபோது போலீசாரால் கைதுசெய்யப்பட்டு வேனில் ஏற்றப்பட்டபோது சாலையில் உருண்டு புரண்டதாக சுமார் 1200 பேரம் கூடவே  கைதுசெய்யப்பட்டு பக்கத்தில் இருந்த திருமண மண்டபத்துக்கு அழைத்துச்  செல்லப்பட்டதாக ஒன் இந்தியா தளத்தில் பில்டப் கொடுக்கப்பட்டதைத் தாண்டி வேறேதாவது impact இருந்ததா?  பார்க்க முடிந்ததா?

நேற்றிரவு புதியதலைமுறை டிவியில் ஒரு 49 நிமிட விவாதத்தில் நெறியாளர் கார்த்திகேயன் என்னமாய் இந்த பொதுவேலைநிறுத்தம் / பாரத் பந்த் பற்றி ஏகத்துக்கும் பில்டப் கொடுக்கிறார், குறுக்குச்சால் ஓட்டிக் கேணத்தனமாய்க் கேள்விகள் கேட்கிறார் என்கிற காமெடியைக் கொஞ்சம் அனுபவித்துப் பாருங்களேன்! ஒரு சங்கம் வேண்டும் எதற்காவது உதவும் என்ற நம்பிக்கையில் பெரும்பாலான தொழிலாளர்கள், குறிப்பாக வங்கி ஊழியர்கள், LIC ஊழியர்கள் (இவர்களில் பெரும்பாலானோருக்கு strike என்பது ஒரு non paid holiday என்பதற்கு மேல் பெரிதாக அபிப்பிராயம் இருப்பதில்லை!) கொஞ்சநேரம் தங்கள் அலுவலகம், அல்லது ஒரு பொது இடத்தில் கோஷங்கள் போட்டுக் கலைந்துவிடுவார்கள் என்பது பார்த்துப் பார்த்துச் சலித்துப்போன விஷயம்! இடதுசாரிகள் இத்தனை வருடங்களாகத் தலைகீழாக குட்டிக்கரணம் போட்டுப் பார்த்தும் கூட இந்தியத் தொழிலாளர்களை அவர்கள் நினைத்தபடி அரசியல்படுத்தமுடியவில்லை என்பதை இடதுசாரி இயக்கங்களின் மிகப்பெரிய தோல்வியாகவும், சறுக்கலாகவும் இருப்பது புரிகிறதா?

அதனால் தானோ என்னவோ இங்கே தமிழகத்தில் இடதுசாரிகள் மார்க்சீயம் பேசுவதைக் கூட மறந்து விட்டு திராவிடர் கழகம், தி மு கழகம், விசிக என்று குறுகிய பார்வைகொண்ட இயக்கங்களின் பின்னால் போய் ஒட்டிக்கொண்டிருக்கிற பரிதாபநிலைக்குத் தள்ளப்பட்டிருக்கிறார்கள்!

ஒரு காலத்தில் நம்பிக்கைக்குரியவர்களாக இருந்த இடது சாரிகள் இன்றைக்கு கழகங்களிடம் காசுக்காகவும் கையேந்துகிறவர்கள் என்கிற அவப்பெயரை சம்பாதித்ததோடு, ஒரு அரசியல் சக்தியாக இருக்கிற தகுதியையும் இழந்து விட்டு பரிதாபமான முட்டுச்சந்துக்குள் நிற்கிறார்கள்.

ஆனாலும் வாயமட்டும் காதுவரை நீளுவது இன்னமும் குறையவில்லை என்பது இன்னொரு சோகம்.

மீண்டும் சந்திப்போம்.      
         

26/11 மும்பை மீது தாக்குதல் நிகழ்ந்த 11 வது ஆண்டு!

போகும் திசை மறந்து போச்சு! இங்கே பொய்யே வேதமுன்னு ஆச்சு! இப்படி  இங்கே எழுதிக்கூட 10 வருஷம் ஆகிப்போச்சே நண்பர்களே!

 

மும்பை நகரத்தில் பாகிஸ்தானியத் தீவீரவாதிகள் நடத்திய தாக்குதல்கள் நடந்து ஓராண்டு நிறைவடைந்திருக்கிறது.

இதைத் தீவீரவாதிகளின் வெற்றி என்று சொல்வதை விட, பலவீனமான அரசியல் தலைவர்கள், எதற்கெடுத்தாலும் அடித்துக் கொள்வது என்பதைத் தவிர வேறு அஜெண்டா இல்லாத அரசியல் கட்சிகள், ஊழல்மயமான அரசு இயந்திரம், செயல் திறனற்றுப்போன உளவுத்துறை, செயல் பட முடியாத காவல்துறை, இப்படி, நம்மிடம் இருக்கும் பலவீனத்தையே மறுபடி மறுபடி வெளிச்சம் போட்டுக் காண்பிக்கிற மாதிரி இருப்பதை எவரும் இங்கு உணர்ந்ததாகத் தெரியவில்லை. ஏற்கெனெவே, இந்தப் பக்கங்களில், தலைமைப் பண்பு, சீனப் பெருமிதம், விமரிசனம் என்ற தலைப்புக்களில், நேரு, சாஸ்திரி இருவரது முடிவெடுக்கும் திறனைப் பற்றிக் கொஞ்சம் பேசியிருக்கிறோம்.

வெளியே எல்லாத் திசைகளிலும், இந்தியாவுடன் பகைமை பாராட்டும் நாடுகள், ஒவ்வொரு நாட்டிடமிருந்தும் தொடர்ந்து வரும் பிரச்சினைகள், அச்சுறுத்தல்கள் என்று ஒருபக்கம், உறுதியான அரசியல் முடிவுகளை எடுக்கத் தைரியமில்லாத, ஆண்மையற்ற அரசியல் தலைவர்கள், ஊழல் மயமாக இருப்பதில் மட்டுமே கவனம் செலுத்தும், முன்னெச்சரிக்கை என்றால் என்ன என்று கேட்கும் அரசு நிர்வாகம், காவல்துறை இத்தியாதிகள் இதெல்லாம் ஒருபுறம் என்றால், ஜனங்களுடைய அலட்சிய மனோபாவம், கையறுநிலை, அல்லது தட்டிக் கேட்க வேண்டிய நேரத்தில் தட்டிக் கேட்பதும், குட்ட வேண்டிய நேரத்தில் குட்டுவதும் நம் கைகளிலேயே இருக்கிறது என்பதை உணராத பொறுப்பற்ற தன்மையும் சேர்ந்து, இந்த மாபெரும் தேசத்தைத் தலை குனிய வைத்துக் கொண்டிருக்கிறது.

நம்முடைய முன்னுரிமைகள், அல்லது பிரதானமான கவனமெல்லாம் எங்கே இருக்கிறது?

இந்த ஒரு கேள்விக்கு, சரியான பதிலைக் கண்டு கொள்ள முடிந்தாலே, பிரச்சினை என்ன என்பதையும், அதற்குத் தீர்வு என்ன என்பதையும் நம்மால் புரிந்து கொள்ள முடியும். ஆனால் இங்கே என்ன நடந்து கொண்டிருக்கிறது?

ஆங்கில ஊடகங்களில் 26/11-மும்பை மீதான போர்! ஓராண்டு நிறைவு என்று கூவிக் கூவிப் பழைய செய்திகளை ஒட்டிக் கொண்டிருக்கிறார்கள். இந்தக் கூத்துக்களைப் பார்த்துத் தொலைய வேண்டியிருக்குமே என்பதற்காக, வழக்கமாகப் பார்க்கும் செய்தி சானல்களைக் கூட இன்றைக்குப் பார்க்க வேண்டாம் என்றே இருந்தேன்.

வெட்கம் கெட்ட மும்பை அரசும், அரசியல்வாதிகளும், மும்பை மீதான தாக்குதலில் உயிர்த் தியாகம் செய்தவர்களுக்கு அஞ்சலி செய்வதாக, வீதிகளில் அணிவகுப்பை நடத்தி, தங்களைப் புனிதர்களாக ஆக்கிக் கொள்ள முயற்சித்துக் கொண்டிருக்கிறார்கள். அரசியல் ஆதாயம் ரொம்ப என்றால் ரத யாத்திரையும், கம்மி என்றால் அறிக்கைப் போரும், கேள்விகள் எழுப்புவது மட்டுமே என்று வழக்கமாக வைத்துக் கொண்டிருக்கும் அத்வானி பாராளுமன்றத்தில் மும்பைத் தாக்குதலில் உயிரிழந்தவர்களுக்கு இழப்பீடும், நிவாரணமும் வழங்குவதில் அரசு மெத்தனமாக இருப்பதாகக் கவலை தெரிவித்திருக்கிறார்.

பழைய ஞாபகத்தில் ரத யாத்திரை என்றெல்லாம் கிளம்பிவிடாமல் ஏதோ கேள்வியோடு கவலையை முடித்துக் கொண்டாரே என்பதைப் பாராட்டக் கூட நிதியமைச்சர் பிரணாப் முகர்ஜிக்கு மனசு வரவில்லை. பதிலுக்குக் கோபத்தில் கடித்துக் குதறியிருக்கிறார்!

மும்பைத் தாக்குதல்களில் உயிரிழந்த, காயமடைந்தவர்களுக்கு அரசு அறிவித்திருக்கும் நிவாரணம் மரணம் என்றால் மூன்றுலட்சம், வெறும் காயமென்றால் ஐம்பதாயிரம் தான்! இந்த அற்பத் தொகையுமே கூடப் பெரும்பாலானவர்களுக்கு, தாக்குதல்கள் நடந்து ஓராண்டாகியுமே கூட  வழங்கப் படவில்லை என்பது எப்போதும் போல் நடக்கிற கூத்துத் தான்! அதே நேரம், தாஜ் ஹோட்டலுக்கு ஏற்பட்ட சேதங்களுக்காக, இன்ஷ்யூரன்ஸ் தொகை ரூ.167 கோடி வழங்கப்பட்டு விட்டது என்ற செய்தியோடு சேர்த்துப் பார்த்தால் தான், பிரச்சினையைக் கொஞ்சமாவது புரிந்து கொள்ள முடியும்.இந்தியன் எக்ஸ்ப்ரெஸ் பத்திரிகையில் வந்திருக்கும் செய்தியில் உள்ள நிவாரணம் வேண்டி வந்த மனுக்கள் எண்ணிக்கைக்கும், எகனாமிக் டைம்ஸ் பத்திரிகையில் அதே செய்தியை வெளியிட்டதில் வந்திருக்கும் எண்ணிக்கைக்குமே நிறைய வித்தியாசம் இருக்கிறது.

பாராளுமன்றத்திற்கு வெளியே பிஜேபி கட்சியைச் சேர்ந்த அலுவாலியா, ஐந்து நட்சத்திர ஹோட்டல் தாக்கப் பட்டதினாலேயே, இந்தத் தீவீர வாதிகளுடைய தாக்குதல் பற்றிய செய்தி, மீடியாக்களினால் பரபரப்புச் செய்தியாக்கப் பட்டதாக வருத்தப் பட்டிருக்கிறார்.

பத்திரிகையாளர்களிடம் பேசும்போது, "காஷ்மீர், சாட்டிஸ்கார், ஆந்திரா, ஒரிசா என்று நிறைய இடங்களில் இந்த மாதிரித் தாக்குதல்கள் நடந்துகொண்டே இருக்கின்றன.ஆனால், மும்பையில் நடந்ததை மட்டும் நீங்கள் பெரிதுபடுத்திப் போடுகிறீர்கள்! காரணம் அது ஐந்துநட்சத்திர ஹோட்டல் தாஜ் மீது நடந்தது என்பதால் தானே?"

அலுவாலியா உண்மையைத் தான் பேசியிருக்கிறார்! தாஜ் ஹோட்டல் மீது அல்லாமல், அன்றைக்கு சத்ரபதி சிவாஜி டெர்மினலில் (ரயில் நிலையம்) மட்டுமே தாக்குதல் நடந்திருந்தால், பத்திரிகையாளர்களும், தொலைக் காட்சி ஊடகங்களும் இவ்வளவு பெரிதாக, கோரசாக, ஊது ஊதென்று ஊதியிருப்பார்களா என்பது சந்தேகம் தான்! மும்பையில், ஐபிஎன் அலுவலகம் தாக்கப் பட்டதற்கு ஹிந்து என் ராம் கொதித்தெழுந்தார்!  உள்ளூரில், வேறு பத்திரிக்கை நிறுவனங்கள் தாக்கப்பட்ட போதோ அல்லது வேறு அராஜகங்கள் நடந்தபோதோ இதே  கனவான் எல்லாவற்றையும் பொத்திக் கொண்டு  வேறு வேலையைப் பார்த்துக் கொண்டிருந்தார்!

என் ராமைக் குறை சொல்லிக் கொண்டு, ஹிந்துவை வாங்காதே, தினமலரை வாங்காதே என்று பானர் தயாரித்துப் போட்டுக்  கொண்டு பதிவுகளில் கிழி கிழி என்று கிழித்துக் கொண்டிருக்கும் தமிழ் வலைப் பதிவர்களாவது .......ம்ம்ஹூம்!

தாஜ் ஹோட்டல் மாதிரி ஐந்து நட்சத்திரம் கூட வேண்டாம்! நட்சத்திரம் என்று வெறுமே சொன்னால் போதும்! அவர் ரேட் என்ன என்று புவனேஸ்வரி- பெயர் சொல்லி ரேட் நிலவரம் சொல்கிறார்  என்று தலைப்பும்,சும்மா  ஒரு படமும் போட்டால் போதுமே, மொய்த்துவிட மாட்டார்களா!

அவர்கள் வரிசையாக வருவார்கள்! தாக்குதல் நடத்துவார்கள், நாம் இங்கே ஆண்டு விழா மட்டும் கொண்டாடிக் கொண்டிருப்போம். அப்படித்தானே! 

சிவசேனாக்காரர்கள் சீரியஸாக ஜோக்கடித்துக் கொண்டிருக்கிறார்கள்! மும்பைத் தாக்குதலின் ஓராண்டு நிறைவை ஒட்டி, அஜ்மல் அமீர் கசாபைத் தூக்கில் போட வேண்டுமென்று  ஆர்ப்பாட்டமும் நடத்தியிருக்கிறார்கள்! ஏற்கெனவே கசாப் என்ற அந்த பிடிபட்ட தீவீரவாதி, நம்முடைய நீதித் துறையில் உள்ள ஓட்டைகளை வைத்து செம காமெடி பண்ணிக் கொண்டிருந்தது போதாதென்று,இப்போது இந்தக் கோமாளிகளும்....!

சாமீ! புண்ணியவான்களே! எங்கே போய்க் கொண்டிருக்கிறோம்! உங்களுக்காவது ஏதாவது திக்கு திசை புரிகிறதா?

மீள்பதிவுதான்! இன்றைக்கு மஹாராஷ்டிரா அரசியலில் நடந்து கொண்டிருக்கும் கூத்தை எல்லாம் பார்க்கும்போது, இங்கே எழுப்பப்பட்ட கேள்விகளுக்கு இன்னமும் நேர்மையான பதில் கிடைக்கவில்லையே!  தாவூத் இப்ராஹிமோடு கூட்டாளியாக இருந்து அவனைத் தப்ப விட்ட சரத் பவார், அகமது படேல் இவர்களையெல்லாம்  கூண்டில் நிறுத்த முடிந்ததா? மராத்தா பெருமிதம் பேச சரத் பவாருக்குத் தகுதி இருக்கிறதா? 

 மீண்டும் சந்திப்போம். 

இட்லி வடை பொங்கல்! #50 Quo Vadis எங்கே போகிறோம்?

Quo Vadis எங்கே போகிறோம் என்று கேட்டுக்கொள்வது தனிமனிதனுக்கும் சரி, ஒரு சமூகமாகவும்  சரி மிகவும் முக்கியமான கேள்வி! சரியான திசையில் தான் போய்க் கொண்டிருக்கிறோமா? அதை உறுதி செய்து கொள்ளவும், அப்படி இல்லா விட்டால் சரிசெய்து கொள்ளவும் உதவுகிற ஆதாரமான கேள்வி! நம்மை அவ்வப்போது கேட்டுக் கொளகிறோமா?

  

இந்த 16 வயது குஜராத்திப் பெண் 10 வருடங்களாக முடி வெட்டிக் கொள்ளாமல் வளர்த்ததில் கூந்தல் 5 அடி 7 அங்குலமாம்! கின்னஸ் உலக சாதனையில் இடம் பெறுகிற அளவுக்கு. இதே போல 80 சாதனையாளர்கள், அனைவரும் இந்தியர்கள் 2020 இல் வெளிவரவிருக்கும் கின்னஸ் சாதனை புத்தகத்தில் இடம் பெறுகிறார்கள் என்பது என்ன மாதிரியான செய்தி? என்ன மாதிரியான சாதனை? கொஞ்சம் சொல்லுங்கள் பார்க்கலாம்!

 

பிணராயி விஜயன் அரசைச் சாடுவதில் அ. மார்க்ஸ் முதலானவர்கள் குரல் எழுப்பியிருப்பது ஆச்சரியமில்லை. இவர்களைப் போன்ற உதிரிகளை நான் எப்போதுமே பொருட்படுத்தியதில்லை!  ஆனால், தனித்து நிற்கத் தெம்பில்லாத, மார்க்சிஸ்டுகளோடு ஒட்டிக் கொண்டு கேரள அரசில் அங்கம் வகித்துக் கொண்டேவலது கம்யூனிஸ்டுகள் (CPI) குரல் கொடுப்பது என்ன ரகத்தில் சேர்த்தி? அமைச்சரவையின் கூட்டுப் பொறுப்பு என ஒன்று இருப்பது தெரிந்து பேசுகிறார்களா? 

      

Expressing displeasure at the way four Maoists were gunned down in the forests near Palakkad this week by the Thunderbolt wing of the Kerala Police, the Communist Party of India (CPI) state leadership on Friday condemned the act as one that was "state-sponsored" and sought a magisterial probe. 

பூனை இளைத்ததென்றால் எலிகூட ஆத்தோரமா வாரியா என்று கேட்கிற கதையாக இடதுசாரிகளுக்கிடையிலான தோழமை, ஒற்றுமை, உறவுவிவகாரங்களும்  ஆகிவிடும் என்பதற்கு கூட்டணி அரசில் அங்கம் வகித்துக் கொண்டே வலது கம்யூனிஸ்டுகள், மார்க்சிஸ்ட் கம்யூனிஸ்ட் கட்சியை மறைமுகமாக சாடியிருப்பது ஒரு உதாரணம். அவர்கள் அரசியல் அது என்பது வேறு விஷயம். 

இந்த விஷயத்தில் நான் முன்னிலைப்படுத்த விரும்பும் ஒரே விஷயம் அமைச்சரவையின் கூட்டுப் பொறுப்பு என்பது மட்டும் தான். இப்படி ஒரு விஷயம் இருப்பதை அறிந்து வைத்திருக்கிறீர்களா? 

இந்த 39 நிமிட விவாதத்தைப் பகிரலாமா வேண்டாமா என்று   இரண்டு நாட்களாக யோசனை செய்து விட்டு, கொஞ்சம் தாமதமாகப் பகிர்கிறேன். நாடாளுமன்றத் தேர்தல் சமயத்தில் மட்டுமல்ல,  இடதுசாரிகள், பாமக, விசிக முதலான உதிரிகளை முற்றொட்டாகப் புறக்கணிக்க வேண்டும் என்பதைத் தொடர்ந்து வலியுறுத்தி வருவதை இங்கே வரும் நண்பர்கள் நினைவு வைத்திருப்பீர்கள் என்று நம்புகிறேன். திருமா இங்கே சில ஒப்புதல் வாக்குமூலங்கள் மாதிரிப் பேசுகிறார்.விசிக மாதிரி உதிரிகள், களைகளாக இருந்தென்ன லாபம்?  மறுபடி யோசிக்க வைக்கிற விவாதம்.

மீண்டும் சந்திப்போம்.                                                        

கொறிக்கக் கொஞ்சம் சுவாரசியமான சங்கதிகள்!

இன்னும் சிலநாட்களுக்கு சீன அதிபரின் மாமல்லபுரம் விஜயம் மட்டும் தான் இங்கே பரபரப்புச் செய்தியாக இருக்கும் என்பதில் நம்மூர் அச்சு ஊடகங்கள், சேனல்களின் அசட்டுத் தனம் நிறையவே வெளிப்படும் என்பதால் கொஞ்சம் அந்த அசடுகளின் விஷயத்தை ஒதுக்கி வைத்துவிட்டு வேறு சுவாரசியமான  சங்கதிகளைப் பார்க்கலாமா? 

அமெரிக்க அதிபர் டொனால்ட் ட்ரம்ப் மீது தகுதி நீக்கம் (impeachement) செய்யும் முயற்சிகளை  ஜனநாயகக் கட்சி தொடங்கி இருப்பதில், ஒத்துழைக்கப்போவதில்லை என்று டொனால்ட் ட்ரம்ப் அறிவித்திருக்கிறார். ஆனால் அமெரிக்க நாடாளுமன்ற அமைப்புகளில் ஒன்றான காங்கிரசில் டெமாக்ரட் கட்சிக்கு, அதிக வாக்குகள் இருக்கிறதே! இந்த 11 நிமிட வீடியோ, ஜனநாயகம் எப்படி எப்படியெல்லாம் ஹைஜாக் செய்யப்படலாம் என்பதற்கான க்ளூ இருக்கிறது. செய்தி ஊடகம் CNN -டொனால்ட் ட்ரம்ப் இருதரப்புக்குமான முட்டல் மோதல், 2016 தேர்தல் காலத்திலேயே ஆரம்பித்து விட்டது. சொல்லப்போனால் Fox News தவிர (இன்றைக்கு அவர்களும் ஆதரிப்பதை நிறுத்திக் கொண்டுவிட்டார்கள்)   மற்ற  அமெரிக்க ஊடகங்கள் எல்லாமே  ட்ரம்ப்புக்கு எதிராகத்தான் இருந்தன. ஆனால் டொனால்ட் ட்ரம்ப் ஜெயிப்பதற்கு என்னென்ன உள்ளடி வேலைகள் பின்னணியில் இருந்தன என்பதை  இந்தப் பதிவில் சொல்லியிருந்ததற்கு நண்பர் பந்து எழுதிய கமென்ட் கொஞ்சம் நினைவு படுத்திக்கொள்ளவேண்டிய சுவாரசியம்!  

bandhuSeptember 11, 2019 at 8:08 PM

இன்றைய தேதியில் உலகிலேயே மனிதனுக்கு அழிவை தரக்கூடிய நிறுவனங்களில் முதன்மையானது Facebook என உறுதியாக நம்புகிறேன். நாம் பார்க்கும் ஒவ்வொரு வீடியோவும், அதில் உள்ள ஒரு சுட்டியை அழுத்தும் செயலும், சிறியதாக உள்ள ஒரு படத்தை பெரியதாக நாம் அதன் மேல் செய்யும் க்ளிக்கும், Facebook இனால் சேமிக்கப் படுகின்றன. இதை வைத்து நம் profile build செய்யப்படுகிறது. அதன்மூலம் நாம் எப்படிப்பட்டவர் என்ற பிம்பம் அவர்களுக்கு தெளிவாகிறது.

உதாரணத்துக்கு, நான் அமெரிக்காவில் வாழும் இந்தியன். நான் க்ளிக் செய்து படிக்கும் பலவும் இந்தியா தொடர்பான செய்திகள். நண்பர்கள் பலரும் இந்தியாவில் வாழ்பவர்கள். இப்போது ட்ரம்ப் தேர்தலுக்கு என் வாக்கும் தேவை என்றால் ட்ரம்ப் இந்தியா பற்றி சொன்ன நல்ல விஷயங்கள் / இந்தியா உடன் வர்த்தகம் வளர்ப்பது பற்றி ட்ரம்ப் சொன்னது / பாகிஸ்தானுக்கு எதிராக சொன்னது / போன்ற நியூஸ் என் facebook பக்கத்தில் தோன்ற ஆரம்பிக்கும். மறுபடி மறுபடி அதை பார்க்கும்போது, ட்ரம்ப் இந்தியருக்கு நெருக்கமானவர் என்ற பிம்பம் கட்டமைக்கப் படும். இதில் உள்ள நியூஸ் பெரும்பாலும் பொய்யாக இருக்காது. என்ன. ட்ரம்ப் இந்தியாவுக்கு எதிராக சொன்னது என் facebook பக்கத்தில் தோன்றாது!

data scienceக்கு பல நல்ல பலன்கள் உள்ளன. அது ஒரு கருவி மட்டுமே. அதை எதற்கு உபயோகப் படுத்துகிறோமோ அதன் படி பலனும்!

அதற்குமுன் Ukraine dishonesty blitz: Trump made 66 false claims last week என்றதலைப்பிட்டு ஒரு செய்திக்கட்டுரையில் Trump's total was up from the week prior, when he made 59 false claims. He is now averaging 60 false claims per week for the 13 weeks we have checked at CNN.என்று விரிவாகப் பட்டியலிட்டிருப்பதை நேரமிருந்தால் படித்துப் பாருங்கள்! 

டொனால்ட் ட்ரம்ப் தேர்தல் பிரசாரங்களில் உள்ள ஜோ பிடன் மீதான பொய்யான தகவல்களை நீக்க முகநூல் நிர்வாகம் மறுத்து விட்டது என்பதுதான் டொனால்ட் ட்ரம்ப்பை மிஞ்சிய சுவாரசியம்!  “Our approach is grounded in Facebook's fundamental belief in free expression, respect for the democratic process, and the belief that, in mature democracies with a free press, political speech is already arguably the most scrutinized speech there is,” wrote Katie Harbath, Facebook’s public policy director for global elections, in a letter to the Biden campaign. “Thus, when a politician speaks or makes an ad, we do not send it to third party fact checkers.”  இது முகநூல் தரப்பு வியாக்கியானம்! முழுச்செய்தியும் இங்கே 

சுருக்கமாக, இது அமெரிக்கத் தேர்தல் முறைகளில் உள்ள குறைபாடுகளை, அதிபர் முறையில் ஒரே நபரிடம் எல்லா அதிகாரங்களும் குவிந்திருப்பதில், தகுதியில்லாத ஒருவர் பதவிக்கு வந்துவிட்டால், கடிவாளம் போடுவது எவ்வளவு கடினம் என்பதைக் காட்டுவதாக மட்டுமே பார்க்க முடிகிறது. அமெரிக்க ஜனநாயகம் இன்னும் முதிர்ச்சி பெற வேண்டுமானால் தேர்தல்முறைகளில் மாற்றங்கள் தேவைதான்!

தேர்தல் ஜனநாயகம் என்பதே இன்னமும் முழுமைபெறாத பரிசோதனை முயற்சிதான்! மிகச் சமீபத்தியதுதான்! என்பதில் தேர்தல் பாதை திருடர்கள் பாதை என்று எக்ஸ்ட்ரீம் நிலைக்குப் போக்கவேண்டியதில்லை! அதேநேரம் இது உண்மையிலேயே ஜனங்களுடைய கருத்தை அப்படியே எதிரொலிக்கிற ஆகச் சிறந்த ஆட்சிமுறை என்று தூக்கிவைத்துக் கொண்டாடவேண்டிய அளவிலும் இல்லை. 

இங்கே எழுப்பிய கேள்வி இன்னமும் பதிலுக்காகக் காத்துக் கொண்டிருக்கிறதே! 

மீண்டும் சந்திப்போம். 

வெள்ளிக்கிழமை! #அரசியல் காமெடிகள்!

 காமெடி 1 : "பொதுவாக ஆளுநர்கள், முதலமைச்சர்களைத்தான் அழைத்துப் பேசுவது வழக்கம். ஆனால், தமிழக ஆளுநர், எதிர்க்கட்சித் தலைவரை அழைத்துப் பேசியுள்ளார். இது தி.மு.கவுக்கு கிடைத்த வெற்றி. `அமித் ஷா பேசியது தவறாகப் புரிந்துகொள்ளப் பட்டுள்ளது' என்று ஆளுநர் தி.மு.க தலைவரிடம் கூறியுள்ளார். அதற்கு தி.மு.க தலைவர், 'இது உங்களுடைய கருத்தா அல்லது அமித் ஷாவின் கருத்தா?' என்று கேட்டுள்ளார். உடனே ஆளுநர், `அமித் ஷா சொன்னது தவறாகப் புரிந்துகொள்ளப்பட்டுள்ளது. இது அவருடைய கருத்துதான்' என்று சொல்லியுள்ளார். இதுவே தி.மு.க-வுக்கு கிடைத்த மிகப்பெரிய வெற்றி. இந்தியை இந்தியை தமிழகத்தில் திணிப்பதை எதிர்த்து, தி.மு.க அறிவித்த போராட்டத்தைக் கண்டு அமித் ஷா பயந்துவிட்டார் அதனால்தான், தன் கருத்தை மாற்றிக் கொண்டுவிட்டார் அமித் ஷா"

இந்தமாதிரிக் காமெடி செய்ய திமுகவினரைத் தவிர வேறு எவருக்கு முடியும் சொல்லுங்கள்! மூன்றாம் கலீஞர் என்று சொல்லப்படுகிற உதயநிதி நேற்று கரூர் பக்கம் உலாத்தப் போன சமயத்தில் பெனாத்தியது இது என்று விகடன் தளத்தில் படித்தது செம காமெடியாக இருந்தது. ஆளுநரைச் சந்தித்தபிறகு இன்று நடத்தப்போவதாக அறிவிக்கப்பட்டிருந்த இந்தி எதிர்ப்புப்போராட்டம் தற்காலிகமாக ஒத்திவைக்கப் படுவதாக இசுடாலின் ஜகா வாங்கியதை உபிக்கள் வேறெப்படி சொல்வார்களாம்? நேற்று முழுவதும் திமுக ஜகா வாங்கியதைப் பற்றி முகநூலில் நிறையப்பேர் கழுவிக்கழுவி ஊற்றிக் கொண்டிருந்தார்கள்.

Bala G

15 மணி நேரம் · 

ஒருத்தர் முகத்திலும் அருள் இல்லை..

தங்கள் போராட்டத்திற்கு எதிர்தரப்பு பயந்திருந்தால் எப்படி கொண்டாட்டத்தில் இருந்திருப்பார்கள்..

அதுவும் துரைமுருகன் இப்படியா தலை தொங்கி இருப்பார்..

கூப்பிட்டு வச்சு.. போராட்டம் பண்ணா..
பிச்சு பிச்சு.. என்று ஏஜெண்ட் தாத்தா மிரட்டி அனுப்பியிருப்பதாகவே தகவல் .

அதனாலயே இந்த சோக ராகம்..

வெளியே வந்து ஆளுநர் விளக்கம் கொடுத்தாராம். இவிங்க ஏத்துக்கிட்டு போராட்டத்தை வாபஸ் வாங்கிட்டாங்க என்று சீனைப்போட்டுக் கொண்டிருக்கிறார்கள்..

2009 ஈழப்படுகொலையின் போது காங்கிரசின் மிரட்டலுக்கு பயந்து தந்தை எப்படி பல நாடகங்கள் நடித்து மடை மாற்றினாரோ.. அதே பாலிஸிதான் இப்போது ஸ்டாலினுக்கும் கை கொடுக்கிறது..

மத்திய அதிகாரத்தை வைத்து எல்லா மாநில கட்சிகளையும் சோலிய முடிக்கப் போகிறார்கள்..

அதிலிருந்து தப்ப.. "பாஜக ஒன்றும் தீண்டதகாத கட்சி அல்ல".. என்று தந்தை போட்டுக்கொடுத்த பாதையில் விரைவில் பயணிப்பார் ஸ்டாலின்..

சட்டமன்ற தேர்தல் நெருங்கும் வேளையில் இதுபோல் நிறைய காமெடிகளை பார்க்க தமிழர்கள் தயாராக இருக்கவும்.. ;)

-கார்ட்டூனிஸ்ட் பாலா

   

காமெடி 2: ஒரு மாறுதலுக்காக ஒரு அயலூர் காமெடி! தேர்தல் நெருங்கும் சமயத்தில் அரசியல்வாதிகள் அனைவருமே கோமாளிகளாய் மாறிவிடுவது உலகெங்கும் பொதுவானது தான் போலிருக்கிறது! கனடாவில் இன்னும் நான்கு வாரங்களில் பொதுத்தேர்தல் நெருங்கிவரும் நேரத்தில் கனடா பிரதமர் ஜஸ்டின் ட்ரூடோ, 18 வருடங்களுக்கு முன்னால்  தன்னுடைய 29 வயதில் பள்ளி ஆசிரியராக இருந்த சமயம், அரேபிய இரவுகள் என்ற நிகழ்ச்சிக்காக கறுப்பு வண்ணம் பூசிக் கொண்டு போஸ் கொடுத்த புகைப்படம் வெளியாகி தர்மசங்கடத்தைக் கொடுத்ததும், அது இனவெறியாகக் கருதப்படும் என்று தெரியாமல் செய்தது, தவறுதான் என்று மன்னிப்புக் கேட்டார்! அடுத்து அதே நிகழ்ச்சியின் வீடியோ வெளியானதும் நேற்று மீண்டும் விரிவாக மன்னிப்புக் கோரிய செய்தி!  "If everyone who is going to be standing for office needs to demonstrate they've been perfect every step of their lives," Trudeau said, "there is going to be a shortage of people running for office."

ஜஸ்டின் ட்ரூடோ தன்னுடைய குடும்பத்துடன் இங்கே இந்தியாவுக்கு பிக்னிக் வந்த மாதிரி நடந்துகொண்டது, கனடாவில் உள்ள சீக்கிய வாக்குகளுக்காக,  அமிர்தசரஸ் பொற்கோவிலுக்குப்போய்  பாரம்பரிய உடை அணிந்து  போஸ் கொடுத்தது, கூடவே ஒரு காலிஸ்தான் பிரிவினை ஆசாமியுடன் போட்டோவுக்குப் போஸ் கொடுத்தது முதலான சிறுபிள்ளைத்தனமான விஷயங்களை ஏற்கெனெவே பார்த்திருப்பதால், இந்த தேர்தல் ஸ்டன்டில்  எந்த சீரியசான விஷயமும் இருப்பதாகத் தெரியவில்லை! வெறும் காமெடியாக மட்டுமே இருக்கிறது. 

But Trudeau's argument would carry more weight had his war room not spent the week prior furiously digging up reasons why his opponents should be disqualified — reasons that include what they once said, once advocated for, or with whom they previously associated.None of those claims were close to as bad as a grown man wearing blackface on multiple occasions. Had Trudeau been a regular candidate of any party, including the Liberals, he would've been closing up his campaign office by now என்று சொல்கிறார் ராபின் உர்பாக். அவர் சொல்கிற மாதிரி The Liberal leader's days as a progressive icon are over என்றுதான் எனக்கும் தோன்றுகிறது. 

அரசியல் என்றால் காமெடிதானே என்று ஒதுங்கிப்போய்விட முடியுமா? அப்படி ஒதுங்கிப்போய்த்தானே தகுதியில்லாத நபர்களிடம் சிக்கிக் கொண்டிருக்கிறோம்! என்ன செய்யப் போகிறோம்?  இது இந்த வெள்ளிக்கிழமைக் கேள்வியாக! 

மீண்டும் சந்திப்போம்.  

எது பொருளோ அதைப் பேசுவோம்! #2 மோசடிகள்! அரசியல்வியாதிகள்!

எது எதிலோ நம்முடைய கவனத்தை வைத்து, அதனால் பல முக்கியமான விஷயங்களைக் கோட்டை விட்டு விடுகிறோம் என்பதை முந்தைய பதிவில் J & K Bank விவகாரத்தில் காஷ்மீரி அரசியல்வாதிகள் புகுந்து விளையாடியதை ஒரு கோடி காட்டியிருந்தும் கூட இங்கேயோ அல்லது இணையத்திலோ எந்தவொரு அதிர்வையும் பார்க்க முடியவில்லை. இது எனக்கு ஆச்சரியம், அதிர்ச்சி எதையும் தரவில்லை. நேற்றைக்கு பெங்களூரு சிவாஜி நகர் காங்கிரஸ் MLA  ரோஷன் பெய்க் 400 கோடி ரூபாய் வாங்கித் திருப்பித்தராமல் ஏமாற்றிவிட்டார் என்று ஒரு தற்கொலை மிரட்டல் ஆடியோ வைரலாகப் பரவியதில்  IMA Jewels நிறுவனத்தில் அதிக வட்டி, வரும்படி கிடைக்கும் என்று நம்பி ஏமாந்தவர்கள் கண்ணீர்! புகார்! மோசடி செய்யப்பட்ட தொகை 2000 கோடியைத் தொடும் என்கின்றன பெங்களூரு செய்திகள்!  

Revathi Rajeevan

@RevathiRajeevan

Investors who have come to file complaints against Mansoor Khan, MD of IMA jewels after an audio clip, allegedly Khan's, claiming to end his life due to financial problems, surfaced.

12:32 PM · Jun 11, 2019 · Twitter for Android

ANI

@ANI

Karnataka CM HD Kumaraswamy: IMA Jewels issue has been taken seriously. Government understands the situation of investors. I have also spoken to Home Minister MB Patil about the issue, case handed over to CCB (Central Crime Branch). Action will be taken against culprits.

Quote Tweet

ANI

@ANI

· 4h

Karnataka: Investors of IMA Jewels, protest outside its office in Bengaluru after they allegedly received a message from founder-owner Mohammed Mansoor Khan, saying he is "tired of bribing corrupt politicians & bureaucrats"

Show this thread

3:32 PM · Jun 11, 2019 · Twitter Web Client  

INDIA FIRST

@Satish_2000

·

1h

Replying to

@ANI

@hd_kumaraswamy

Stop fooling the public... Till date not a single person in Karnatakas history has been arrested... When every politician/(YOU) is feasting Briyani with the culprit.... How will you dare catch him.... Congress MLA & HDD leaders are all hand in glove with the CHOR

1

  

A huge crowd gathered outside a jewellery store owned by I Monetary Advisory (IMA), an Islamic banking and halal investment firm, in Bengaluru’s Shivajinagar on Monday, after an audio clip of its founder-promoter Mohammed Mansoor Khan went viral. 

In the audio clip, the IMA founder threatened to commit suicide stating he is tired of bribing politicians and bureaucrats. He also alleged that Congress leader and Shivajinagar MLA Roshan Baig took Rs 400 crore from him and refused to return it. Khan also claimed that there is a threat to his life and his family members என்கிறது டைம்ஸ் நவ் செய்தி. 

இந்தக் காட்சியை ஏற்கெனெவே தமிழகத்தில் அனுபவ் நடேசன் முதற்கொண்டு, பாலு ஜூவல்லர்ஸ் என்று வரிசை கட்டிப் பார்த்திருக்கிறோம்! இப்போதுகூட சாரதா Scam என்று மேற்கு வங்கத்தில் மம்தா பானெர்ஜியும் கட்சிக்காரர்களும் இதே மாதிரி Ponzi திட்டங்களில் 40000 கோடி ரூபாய் வரை மோசடிப்புகாரில் சிக்கியிருப்பதாகச் செய்திகளில் பார்த்துப் பழகியதால், மரத்துப் போய் விட்டதோ?  
  

 

எவ்வளவு பட்டாலும் எவ்வளவு ஏமாந்தாலும் ஜனங்களுக்கு ஏன் உறைக்கவே மாட்டேனென்கிறது? திரும்பத்திரும்ப இந்த மாதிரி மோசடிப்  பேர்வழிகளிடமும். அயோக்கிய அரசியல் வியாதிகளிடமும் ஏமாந்து கொண்டே இருக்க வேண்டுமென்று விதியா என்ன?

எங்கே போகிறோம்? என்ன செய்யப் போகிறோம்?

மீண்டும் சந்திப்போம்.