1956 பிப்ரவரி 29! ஸ்ரீ அரவிந்த அன்னையின் அனுபவம்!

Meditation on Wednesday, the 29th February 1956. She gave us a passage from her own diary of experiences and realisations:
"This evening the Divine Presence, concrete and material, was there present amongst you. I had a form of living gold, bigger than the universe and I was facing a huge and massive golden door which separated the world from the Divine. As I looked at the door, I knew and willed, in a single movement of consciousness, that "the time has come", and lifting with both hands a mighty golden hammer I struck one blow, one single blow on the door and the door was shattered to pieces.
"Then the supramental Light and Force and Consciousness rushed down upon earth in an uninterrupted flow."
This reminds us of the 15th mantra of the Isha Upanishad as translated by Sri Aurobindo:
"The Face of Truth is covered with a brilliant golden lid; that do thou remove, O Fosterer, for the law of the Truth, for sight."
Sri Aurobindo goes on to explain the significance of the word "Fosterer": "In the inner sense of the Veda Surya, the Sun-God, represents the divine Illumination of the Kavi which exceeds mind and forms the pure self-luminous Truth of things.....
"He is the Fosterer or Increaser, for he enlarges and opens man's dark and limited being into a luminous and infinite Consciousness....His rays are the thoughts that proceed luminously from the Truth, the Vast, but become deflected and disordered in the reflecting and dividing principle, Mind. They form there the golden lid which covers the face of the Truth..."
In his New Gayatri mantra, Sri Aurobindo enthrones the Mother as the Devata of the mantra, whereas the original Gayatri mantra had placed the Lord or the Fosterer in the form of the Sun.

Amal Kiran Remembers...
Now again in 1956 I had to go to Bombay at the end of February. As 1956 was a leap year, it was actually on February 29 that I left Pondicherry. I was to catch the morning train to Madras. So I met the Mother pretty early in the day. She said: "I don't want you to stay away long. Can you come back by the 29th of March?" Evidently she was expecting "great things" once more - the Supramental Manifestation, though she did not specify anything - and she was expecting it within a month's time, perhaps on the 29th of March itself, the date on which, 42 years earlier, she had first come to Pondicherry. I replied, "Mother, I shall surely be back by then." Then I left.
That very day, in the evening, the stupendous thing happened! If I had known, I would never have gone. But I had a strange experience the same night. I need not recount it in detail, for I have told it elsewhere. At Madras I had caught the night-train to Bombay. I was alone in my compartment and I soon fell asleep. Almost at once I had a dream. I saw a huge crowd in an open place - something like the Ashram Playground - and I was on the fringe of the crowd. The Mother was sitting somewhere inside the open place and everybody was going in to do Pranam to her. I also wanted to do it, but somehow I couldn't get the slipper off my left foot - the lame one as you know. I was shaking the foot and trying to fling away the blessed slipper. In the final jerk of that action I woke up. when my eyes opened, I saw the Mother standing in front of me in the compartment. I am a very sceptical fellow as a rule; so I thought I was imagining things. I shut my eyes; I opened them again, and there she still was. I shut my eyes once more and opened them. She was yet standing. This was too much. So I shut my eyes now for a long time. When I opened them, she was gone. Perhaps I should have kept looking and not allowed the sceptic in me to have play. I might have had a deeper experience. But the benefit now was that the sceptic got completely routed. And indelible wonder filled me. And the memory of that strange calm translucent figure has stayed for ever with me.
I wrote of the experience to the Mother, but received no reply.. Only on my return to the Ashram she explained what had occurred. It sounds too self-glorifying to talk of it, but it was a very glorious thing to hear from her. She said: "There were only five people who knew about the Supramental Manifestation - two in the Ashram and three outside." I blurted out: "Then what's the idea of staying in the Ashram?" (laugher) She said: "I don't mean that anybody actually knew the Supermind had manifested, but something extraordinary happened to some people. Among those three who were outside, I count you." Puzzled, I asked: "How's that?" She answered: "Didn't you write to me that on February 29 at night you had seen me in the railway compartment?" I said: "Yes, but what did happen?" She replied: "Do you remember I promised in 1938 to inform you ? I came now to fulfil my promise." I was absolutely overwhelmed. My God! what Grace the Divine could give to a poor fool! I fell at the Mother's feet in deepest gratitude.
Light and Laughter Pg. 89

ISTM முகநூல் குழுவிலிருந்து நன்றியுடன் இங்கேயும் பகிர்ந்து கொள்ளப்பட்டது 

பிப்ரவரி 29 Golden Day நம்பிக்கையோடு சிலவிஷயங்கள்!

இரண்டாவது உலகப் போருக்குப் பின்னால், மிகப் பெரிய அழிவை ஜப்பான் சந்தித்தது. அணுகுண்டு வீசப்பட்டது மட்டுமல்ல, அவர்களுடைய தேசியப் பெருமிதமே பெரும் சரிவைச் சந்தித்தது. தன்னை விடப் பெரிய வஸ்தாத் எவனுமில்லை என்று இறுமாப்போடு அட்டகாசம் பண்ணிக் கொண்டிருந்த ஒருவன், அவனுடைய  ஆணவத்தின் மீது, பெருமிதத்தின் மீது விழுகிற அடி மாதிரிக் கொடுமையான அனுபவம், பிரச்சினை வேறு ஒன்று இருக்க முடியுமா?

ஜப்பானிய மக்கள் துவண்டு விடவில்லை. தங்களுக்கு விழுந்த அடியை, வலியை ஏற்றுக் கொண்டார்கள். அழிவில் இருந்து மீண்டு வருவதற்கு நம்பிக்கையோடு உறுதி கொண்டார்கள்.

அடித்துத் துவம்சம் செய்து விட்டு அப்புறம் தடவிக் கொடுப்பது போலப் பொருளாதார உதவிகளை, அமெரிக்கா செய்தது. உற்பத்தி செய்யப் படும் பொருட்களை வாங்கிக் கொள்ளக் கதவைத் திறந்தது.

ஆனால், ஆரம்ப காலங்களில் மேற்கத்திய மக்களுடைய விருப்பங்கள், தேவைகள் என்ன என்பது, அவர்களுடைய ஆங்கில மொழி போலவே, ஜப்பானியர்களுக்குப் புரியவில்லை. தயாரித்து விற்பனை செய்த பொருட்கள் எல்லாம், தரக் குறைவாக, கேலிக்குரியவைகளாக இருந்தன.

ஜப்பானிய மக்கள், அந்த ஏளனத்தையும் சகித்துக் கொண்டார்கள். சகித்துக் கொண்ட விதம், வேறு வழியில்லை என்ற விரக்தியின் வெளிப்பாடாக இல்லை! தம்முடைய குறைகள் என்ன என்பதை, பதறாமல் சிந்தித்தார்கள். தயாரிப்பதில் ஏற்டும் குறைகள் என்ன என்பதை, தயாரிக்கப் படும் கட்டத்திலேயே கண்டுபிடித்து அங்கேயே சரி செய்தது மட்டுமல்ல, முன்னை விட இன்னும் அதிகம் பயனுள்ளதாக, ஒரு வளர் நிலை மாற்றத்தை, இயல்பான பண்பாடாகவே வளர்த்துக் கொண்டார்கள். ஜப்பானியத் தயாரிப்பு என்றாலே தரம் மிகுந்தது என்ற உத்தரவாதத்தை, மிகக் குறைந்த காலத்திலேயே சாதித்துக் காட்டினார்கள்.

இங்கே நாம் பார்க்க வேண்டிய முக்கியமான அம்சம், என்ன செய்யப் போகிறோம் என்பது தெரியாமல் நம்மைத் திகைக்க வைக்கிற, முடக்கிப் போட்டுவிடுகிற சூழ்நிலைகள் அவ்வப்போது வந்துகொண்டே தான் இருக்கும்! 2012  இல் உலகம் அழிந்து விடப் போகிறது  என்று ஒரு கற்பனை உலவிக் கொண்டிருந்தது அல்லவா, அதே மாதிரி! கொஞ்சம் நிதானித்துப் பார்த்தீர்களேயானால், இதற்கு முன்னாலும் கூட இதே மாதிரி அச்சம், பீதி ஏதோ வடிவத்தில் கிளப்பி விடப்பட்டுக் கடைசியில்  ஒன்றுமே இல்லாமல் போயிருப்பதைப் பார்க்க முடியும்!

இத்தனைக்கும் ஆதார சுருதியாக இருப்பது நம்பிக்கை! நம்மால் முடியும் என்கிற தன்னம்பிக்கை! கூடி வாழ்ந்தால் கோடி நன்மை என்பது என்றோ எவனோ வேலையில்லாமல் எழுதி வைத்துப் போனதல்ல, கூடி வாழும்போது மட்டுமே மனிதர்களால் உன்னதமான தருணங்களை எட்டிப் பிடிக்க முடிகிறது என்பதைப் புரிந்து கொள்ள முடிவது தான்!

நானும் நீங்களும் வேறுபட்டுத் தனித்தனியாக நிற்பதற்கு தனித்தனியாக ஆயிரம் ஆயிரம் காரணங்களைச் சொல்ல முடிகிற போது, நாம் எப்படி ஒன்றாக இருக்க முடியும் என்பதற்கு ஒரே ஒரு காரணத்தையாவது கண்டுபிடிக்க முடியாதா என்ன! வேறுபாடுகளை வளர்த்துக் கொண்டு, பகைமையை, வெறுப்பை வளர்த்துக் கொண்டு போவது மிருகங்களுக்கு வேண்டுமானால்  இயல்பானதாக இருக்கலாம்.


"In the ignorance and darkness of the beginning, faith is the most direct expression of the Divine Power which comes to fight and conquer. "

அறியாமையும், இருளும் கூடிய தொடக்கத்தில், நம்பிக்கைஒன்றே மனிதனுக்குத் துணையாக வழங்கப்பட்ட சாதனமாக இருக்கிறது, என்று ஒரு உரையாடலில்  ஸ்ரீ அரவிந்த அன்னை தெளிவுபடச்சொல்கிறார். இன்னொரு இடத்தில், இன்னும் கொஞ்சம் விரிவாக,

“Faith is the movement of the soul whose knowledge is spontaneous and direct.

Even if the whole world denies and brings forward a thousand proofs to the contrary, still it knows by an inner knowledge, a direct perception that can stand against everything, a perception by identity.

The knowledge of the psychic is something which is concrete and tangible, a solid mass. You can also bring it into your mental, your vital and your physical; and then you have an integral faith - a faith which can really move mountains.”

 -ஸ்ரீ அன்னை 

இன்று பிப்ரவரி 29. 1956 ஆம் ஆண்டு இதேநாளில் ஸ்ரீ அரவிந்த அன்னை, ஸ்ரீ அரவிந்தர் தவத்தின் பலனான பொன்னொளியின் (Supramental Light) இருப்பை உறுதியாகக் கண்டறிந்து, அறிவித்த நாள். பாண்டிச்சேரி ஸ்ரீ அரவிந்தர் ஆசிரமத்தில் தரிசன நாளாகவும்! இன்றைய தரிசனநாள் செய்தியாக!


இந்தநாளில் தேசத்தைப் பீடித்திருக்கிற பிடிவாதங்கள், முரண்பாடுகள், பிரச்சினைகள் முற்றிலுமாக நீங்கவேண்டும் என ஸ்ரீ அரவிந்தர், ஸ்ரீ அரவிந்த அன்னையிடத்தில் பிரார்த்தனை செய்துகொள்வோம்.

1971 இந்தியாவைப்  போர்மேகங்கள் சூழ்ந்தபோது. ஸ்ரீ அரவிந்த அன்னை அருளிய ஒரு பிரார்த்தனை இந்த நேரத்துக்கும் பொருத்தமாக இருக்கும்.

Supreme Lord! Eternal Truth!
Let me obey Thee alone and live according to Truth

ஓம் ஆனந்தமயி சைதன்யமயி சத்யமயி பரமே        

தமிழக அரசியல்! திரைப்பட அரசியல்! பதவிக்காக! #சுஜாதா

தமிழக அரசியலின் ஆஸ்தான திராவிட நிரந்தரக் கோமாளிகள்  கி வீரமணி. சுபவீ இருவரையும் சில நாட்களாகக் காணோமே என்று பார்த்ததில் விகடன் வெப் டிவி நேற்றைக்கே கி வீரமணியை கூட்டி வந்திருப்பதை இன்றைக்குத்தான் பார்த்தேன். Enjoy 23 minutes nonstop comedy! இதையும் கூடப் பார்க்க வைத்தது வீடியோவுக்கு கொடுத்திருந்த "ரஜனிக்கு விளம்பரம் தர விரும்பவில்லை" என்கிற தலைப்புதான்! ஜனவரி 14 துக்ளக் ஆண்டுவிழாவில் ரஜனிகாந்த் திராவிடர் கழகத்துக்குக் கொடுத்த மிக அற்புதமான விளம்பரம் இப்படி முன்னெச்சரிக்கையாகச் சொல்ல வைத்ததோ?

திமுகவுக்கு பிரசாந்த் கிஷோர் உத்திவகுக்க ஒப்பந்தம் போட்டிருப்பது பற்றிக்  கேட்க உரிமையில்லையாம்! கி.வீரமணி நிலைமை இந்த அளவுக்கு ஆகிப்போகும் என்பது கூட  மு.க.அழகிரி மகன் தயாநிதி  ஓசிச்சோறு வீரமணி என்று சொன்ன நாளிலிருந்தே தெரிந்தது தான்! சேய்க்கழகம் தாய்க்கழகத்தின் கட்டுப்பாட்டில் இல்லை என்பதை ஒப்புக்கொள்ள வேண்டிய நேரமும் வந்து விட்டது. சென்னையில் புதன்கிழமையன்று தமிழர் ஒற்றுமை மேடை என்ற போர்வையில் நடந்த கூட்டத்தில்  தமிழர் தலைவர் என்று சொல்லிக் கொள்கிற கி.வீரமணியோ விசிகவின் திருமாவளவனோ தென்படவில்லை என்பதில் ஏதாவது புலப்படுகிறதா?  நிகழ்ச்சியின் முழு வீடியோவும் கிடைக்கவில்லை என்பதால் உறுதியாகச் சொல்ல முடியவில்லை! மாநாட்டு விளம்பர போஸ்டர் பார்த்த சென்னைவாசிகள் யாராவது தகவல் சொன்னால் இங்கேயும் மாற்றிக் கொள்ளலாம்!

முதல் டீசரிலேயே 45 லட்சம் பார்வையாளர்கள் கவனத்தை மிகவும் ஈர்த்த திரௌபதி திரைப்படம் இன்று திரையரங்குகளில் ரிலீசாகி விட்டது. கூடவே கலவையான எதிர்வினைகளும் விமரிசனங்களும் வெளியாக ஆரம்பித்து விட்டன. Crowd Funding வழியாக தயாரிப்புச் செலவுக்கான மூலதனத்தைப் பெற்று வெளியாகும் திரைப்படம் இது என்பது கூடுதல் விசேஷம். பலநூறு கோடிகள் செலவழித்து, ஊரில் உள்ள தியேட்டர்களில் பாதிக்கும் மேற்பட்டவையில் ரிலீசாகி அப்புறமும் தயாரிப்பாளரின் கையைக் கடிக்கும் படங்களுக்கு மாற்றாக இதுமாதிரி முயற்சி வளரவேண்டும் என்பது திரைப்படங்களை நேசிக்கும் அனைவருடைய ஆசையாகவும் இருக்கிறது. நண்பர் உண்மைத்தமிழன் இதே மாதிரிக் களத்தில் வேறு மாதிரியான டிராக்கில்  நடிகர் போஸ் வெங்கட் முதன் முறையாக இயக்குனர் அவதாரமெடுத்து இயக்கியிருக்கிற கன்னிமாடம் படத்துக்குப் பாராட்டு மழைபொழிகிற சாக்கில் திரௌபதி படத்துக்கு கண்டனம் தெரிவிக்கின்ற மாதிரி முகநூலில் எழுதி இருக்கிறார். ஒவ்வொருவர் ரசனையும் பார்வையும் ஒரு விதம், அவ்வளவுதான்!

சுஜாதா எழுதிய 24 ரூபாய் தீவு நாவலை முடித்துவிட்டு இன்று மீள்வாசிப்புக்காக எடுத்துக் கொண்ட இன்னொரு நாவல் பதவிக்காக. இந்த அட்டைப்படம் வெறும் represetational ஆக மட்டுமே. (உயிர்மை புத்தகம் எதையும் நான் இதுவரை வாங்கியது இல்லை) 

மீண்டும் சந்திப்போம்.  

#ஊர்வம்பு ஒரு பிரிட்டிஷ் "கோமகனின் காதல்" ஒரு புத்தகம்!

பொதுவாக காதல் திருமணங்கள் என்றாலே கூடவே சர்ச்சைகளும் சேர்ந்தே வரும்! ராஜகுடும்பத்துக் காதல் என்றால்? அதுவும் தலைக்கனம் பெருத்த பிரிட்டிஷ் அரச குடும்பத்துக் காதல் என்றால் தனியாகக் கேட்கவே வேண்டாம்! பிரிட்டிஷ் ராணி எலிசபெத்தின் பேரன், டயானாவின் இரண்டாவது மகன் ஹாரி ஒரு அமெரிக்க டிவி நடிகையைத் திருமணம் செய்து கொண்டதில் ராஜகுடும்பத்தில் ஏக சலசலப்பு! அதற்கு நிறையக் காரணங்கள்! சமீபத்தில் ஹாரி - மேகன் தம்பதியினர் அரச குடும்பத்திலிருந்து வெளியேறுவதாக அறிவித்ததில் இருந்து பிரிட்டிஷ் ஊடகங்களின் ஹாட் டாபிக்காக இந்தத் தம்பதிகளைச் சீண்டுவது இருக்கிறதென்றால் என்ன சொல்வீர்கள்?

   வீடியோ 26 நிமிடம் 
பழைய கதையை ரீவைண்ட் 

மேகன் மார்க்கலை நக்கலடிக்கிற விதமாக பிரிட்டிஷ் ஊடகங்கள் இந்தத் தம்பதி விவதாரங்களை #Megxit என்றே குறிப்பிடுவது கொஞ்சம் அதீதமாகத் தெரிகிறது இல்லையா? ஆனால்  அரசகுடும்பத்தைத் தங்களுடைய அடையாளமாகவும் வரலாற்றுப்பெருமிதமாகவும் நினைக்கிற ஒருபகுதி பிரிட்டிஷ் மக்களுடைய மன வக்கிரம் அப்படிப்பட்டது. அதற்கேற்ற மாதிரியே விக்டோரியா முதல் இப்போதைய ராணி இரண்டாம் எலிசபெத் வரையில் பழமைவாதத்தைக் கட்டிக் காப்பாற்றி வருவதை முதலில் உடைத்தவர் ஹாரியின் அம்மா (இளவரசி) டயானா! பழம்பெருமைக்காக ஒரு பிரபுத்துவக் குடும்பத்தில் பிறந்த டயானாவை, காதல் இல்லாமலே கல்யாணம் செய்து கொண்ட இளவரசர் சார்லசுடைய இமேஜை உடைத்த கதை தெரியும் இல்லையா? டயானா அரசகுடும்பத்தின் பெருமையை உடைக்கிற மாதிரி ஒரு இஸ்லாமியரைத் திருமணம் செய்து கொள்ளப்போவதாக செய்திகள் வந்து கொண்டிருந்த சமயத்தில், சௌகரியமாக ஒரு கார் விபத்தில் சோலியை முடித்துவிட்டதாகவும் அந்த நாட்களில் பரபரப்பாகவும் பேசப்பட்டதுண்டு. 

ஒருவர் கேட்கிறார்: தாரளமயமாக்கல், உலகமயமாக்கல் என்றால் என்ன?

அதற்குப் பதில் வருகிறது பாருங்கள்!! "இளவரசி டயானாதான்!"

எப்படி என்று மேலும் விளக்கம் கேட்பதற்கு முன்னாலேயே வருகிறது.

"ஒரு பழமைவாதப் பெருமை பேசும் ஆங்கிலேய அரச குடும்பத்துப் பெண், இளவரசி தன்னுடைய எகிப்துக் காதலனோடு, பிரெஞ்சு  சுரங்கப்பாதையில் டச்சு எஞ்சின் பொருத்திய ஜெர்மன் காரை
பெல்ஜியத்தை சேர்ந்த டிரைவர் ஸ்காட்ச் விஸ்கியைக் குடித்துவிட்டு ஓட்ட, இத்தாலியப் பத்திரிகையாளர் துரத்த எங்கேயோ எப்படியோ இடிபட்டு விபத்தாகிக் காயப்பட்டு,  அமெரிக்க டாக்டர் பிரேசிலிய மருந்தைக் கொடுத்து சிகிச்சை அளித்தும் பயனில்லாமல் இறந்து போனாரே அது தான்!"

தாராளமயம், உலகமயம் என்பதை இதை விட சுருக்கமாக, பொருத்தமாக சொல்லிவிட முடியாது என்று தான் தோன்றுகிறது.

இதை இந்தப்பக்கங்களில் எழுதி ஒன்பதே கால் வருடங்கள் ஆகிவிட்டன!
இங்கே உலகமயம்,தாராளமயம்  என்றால், எங்கோ ஒரு வெளிநாட்டில் பிறந்தவர்  இங்கே வாழ்க்கைப்பட்ட  ஒரே காரணத்தால், அந்தக் குடும்பத்துக்குக் கூஜா தூக்குவதற்கென்றே ஆட்களும் அதிகாரிகளில் சிலரும் இருப்பதால் கட்சி ஆட்சி இரண்டையும் கைப்பற்ற முடிகிறது.அந்தக் குடும்பத்தில் பிறந்த ஒரே காரணத்தால் அனுபவமே இல்லாத ஒரு சிறுபிள்ளை, வருங்காலப் பிரதமராக சித்தரிக்கப்படுகிறார். இத்தனை தாராளம், உலகமயம் வேறெந்த நாட்டில் நடக்கும்? இதுவும் கூட அப்போதே என்னை நானே கேட்டுக் கொண்டதுதான்! பதில் சொல்லச் சிரமப்படவேண்டாம் தோழமைகளே!😂😉  

ஆனந்த விகடனில் சாவி என்கிற சா.விசுவநாதன் தொடராக எழுதி 1969 இல் மெர்க்குரி புத்தகக் கம்பெனி வெளியீடாக புத்தகமாகவும் வந்ததே, நினைவிருக்கிறதா? இது தொடராக வந்தநாட்களில், வேறு ஊர்வம்பு எதுவும் கிடைக்காமல் இருந்ததனால்   வரவேற்பு இருந்திருக்கும்! முதல் பதிப்பும் அதே காரணத்தால் விற்றிருக்கலாம்! அல்லயன்ஸ் வெளியீடாக மறுபடியும் முன்னூற்றுச் சொச்சம் பக்கங்களில், 131 ரூபாய்க்குக் கிடைக்கிறது. அல்லயன்ஸ் பதிப்பகம் என்ன நம்பிக்கையில் இந்தப்புத்தகத்தை மறுவெளியீடு செய்தார்கள் என்பது இப்போதுகூட எனக்குப் புரியவில்லை!

கதை என்னவோ பிரிட்டிஷ் அரச குடும்பத்தில் சுமார் 86 ஆண்டுகளுக்கு முன்னால் நடந்த கதைதான்! எட்டாம் எட்வார்ட் என்று பிரிட்டனின் அரசனாக முடிசூட்டிக் கொண்ட ஒரு கோமகன்! இப்போதைய 2ஆம் எலிசபெத் ராணிக்குப் பெரியப்பா. Edward VIII, later Prince Edward, Duke of Windsor (Edward Albert Christian George Andrew Patrick David; 23 June 1894 – 28 May 1972), was King of the United Kingdom and the Dominions of the British Empire, and Emperor of India, from 20 January 1936 until his abdication on 11 December of same year. இம்சை அரசன் 23ஆம் புலிகேசிக்கு சேவகன் துதி பாடுகிறமாதிரி ரொம்பவும் இம்சையாக இல்லை? 

என்ன செய்வது கோமகன் என்றாலே இம்சைதானே! இந்த எட்டாம் எட்வார்டுக்கு ஒரு அமெரிக்கக் காதலி!  இரண்டுமுறை விவாகரத்தான வாலிஸ் சிம்ப்சன் என்கிற பெண்மணியைத் திருமணம் செய்து கொள்ள விரும்பியபோது ஒரு அரசியல் சாசனச் சிக்கல், இடியாப்பச் சிக்கலாக எழுந்தது. காரணம் இங்கிலாந்தில் அரசன் அல்லது அரசி தான் இங்கிலாந்து சர்ச்சின் தலைமைப்பொறுப்பையும் வகிப்பவர். விவாகரத்தானாலும் இரு மாஜி கணவர்கள் உயிரோடிருக்கும்போது, அந்தப்பெண் நாட்டின் அரசி ஆகமுடியுமா என்ற சர்ச்சை ஒருபக்கம், நாடாளுமன்ற எதிர்ப்பு இன்னொருபக்கமாக ஒரு இடியாப்பச் சிக்கல்! விதவை மறுவிவாகம் செய்துகொள்வதற்குக்  கூட உலகத்துக்கே நாகரிகத்தைக் கற்றுக் கொடுத்ததாகச்  சொல்லிக்கொள்ளும் இங்கிலாந்து சர்சே  தடையாக இருந்தது என்பது திராவிட வரலாறு மட்டும் படித்தவர்களுக்கு அதிர்ச்சியாக இருக்கலாம்! 

எட்டாம் எட்வார்டாக அரசனாகவும் இருந்து கொண்டு காதலியைத் திருமணம் செய்துகொள்ளமுடியாது என்று உறுதியானவுடன், அரசபட்டத்தைத் துறந்து, காதலிக்கு இரண்டாவது கணவனிடமிருந்து விவாகரத்து கிடைக்கிற வரை காத்திருந்து 1937 ஜூனில் திருமணம் செய்து கொண்ட காதலுக்காக அரசையே துறந்த அந்தத் தியாகம்  சாவியை ரொம்பவுமே கவர்ந்து விட்டது போல! காதலுக்கு என்ன மரியாதை என்று வியந்து மயங்கி இதையும் ஒரு தொடராக எழுதினார் என்பது இப்போது திரும்பிப்பார்க்கையில் மிகவும் கேலிக்குரியதாகத் தோன்றுவதில் வியப்பென்ன? அந்த நாட்களில் வேறு ஊர்வம்பு எதுவும் கிடைக்கவில்லை என்றுதான் நினைக்கத் தோன்றுகிறதா இல்லையா!?
கோமகன் காதல் என்றாலே கொஞ்சம் வில்லங்கம் கொஞ்சம் ஊர்வம்பு என்ற கலவையாக இருப்பது பிரிட்டிஷ் ராஜ குடும்பம் ஒன்றுதான்! உலகில் வேறு பல ராஜகுடும்பங்கள் இருந்தாலும் இந்தக் குடும்பத்தைப் போல, அந்தரங்க விஷயங்கள் ஊடகங்களில் அலசிக் காயப்போட்டது மாதிரி வேறெதுவும் இல்லை!

ஊர்வம்பு பொரணி பேசுவதில் பிரிட்டிஷ் டேப்ளாய்ட்  The Sun இற்கு ஈடு இணை ஏதுமில்லை. இங்கே அரச குடும்பத்தின் ஆஸ்தான புகைப்படக்காரர் ஆர்தர் எட்வார்ட்ஸ், ஹாரி மறுபடியும் அரசகுடும்பத்திற்குத் திரும்பிவிடுவார் என்று அடித்துச் சொல்கிறார்! இதை மேலும் விவரித்துச் சொல்லப்போவதில்லை!

மீண்டும் சந்திப்போம்.     

யார் வாய்ஸ் கொடுத்து என்ன செய்ய? தீர்வை விரும்புகிறோமா?

ரஜனி வாய்ஸ்! இசுடாலின் வாய்ஸ்! இன்னும் என்ன வேண்டும்? என்று நேற்றிரவு எழுதியபிறகு அங்கேயே இன்னும் கொஞ்சம் விரிவாகப் பேசியிருக்கலாமோ என்று தோன்றுகிற அளவுக்குக் காலையில் இதைப் பற்றியே ஏகப்பட்ட குரல்கள்! போதாக்குறைக்கு கமல் காசரும் ரஜனி வாய்சுக்கு ஆதரவு தெரிவித்தது வேறு ஒரு சர்ப்ரைஸ். ஆக ரஜனி வாய்சுக்கு முன்னால் இசுடாலின் வாய்ஸ் எடுபடாமலேயே போய்விட்டதை இங்கே யாராவது கவனித்தீர்களா?  திமுகவினர்  ஏன் தொடர்ந்து ரஜனியின் அரசியல் பிரவேசத்தைக் குறித்து அதிகம் எரிச்சல்படுகிறார்கள் என்பதைத் தெளிவாகவே புலப்படுத்துகிற விஷயம் இது. 


கமல் காசருடைய ரெண்டுங்கெட்டான்தனமான பாராட்டைவிட, செலெக்டிவாக கண்டனம் தெரிவித்த பகுதிக்கு மட்டும் நியாயமானது என்று ஹிந்து என்.ராம் சர்டிபிகேட் கொடுத்திருப்பது இடதுசாரிகளின் பித்தமும் வன்மமும் எந்த அளவுக்குத் தலைக்கேறி இருக்கிறது என்பதன் அடையாளம். இரும்புக்கரம் கொண்டு டில்லி போராட்டங்களை ஒடுக்கியிருக்க வேண்டும் என்று ரஜனிகாந்த் சொன்னதை நியாயம் என்று என்.ராம் ஒப்புக்கொள்வதாக எடுத்துக் கொள்ளலாமா? அதென்ன செலெக்டிவாக ஒரு வாக்கியத்தை மட்டும் எடுத்துக் கொள்வது? எதையும் முழுமையாகப் பார்க்கவோ புரிந்து கொள்ளவோ முடியாத இடதுசாரி கோமாளிகளால் என்ன செய்துவிட முடியும்?
ராஜன் ராதாமணாளன்! வால்பையன் பதிவர் அருணுடைய சேக்காளி! கொஞ்சம் குத்தல், நக்கல் தூக்கலாக இருக்கிற எழுத்துக்குச் சொந்தக்காரர். ரஜனி பேச்சு - கமல் பாராட்டுக்குக் கொஞ்சம் விரிவாகவே எள்ளிநகையாடி முகநூலில் பகிர்ந்திருக்கிறார். அதற்கு அப்புறம் வந்த 2வது ரவுண்டு நக்கல் இது!   
ஆர்னாப் கோஸ்வாமி நேற்று ரிபப்லிக் டிவியில் நேற்று நடத்திய 53 நிமிட விவாதம் கொஞ்சம் உருப்படியான தகவல்களோடு இருந்தது. நிறையாக கேள்விகளும்!

விடையைத் தேடுகிறோமா என்ன? எனக்கு இப்படி ஒரு சந்தேகத்தையும் எழுப்பிய விவாதம்.

மீண்டும் சந்திப்போம்.                           

ஒரு புதன்கிழமை! வழக்கம்போல கேள்விகளுடன்!

நாடும்  நாமும் எங்கே போய்க்கொண்டு இருக்கிறோம் என்பதான கேள்விகளே ஒருபுதன்கிழமை என்று தலைப்பிட்டு எழுதுவதில் இடம்பெறுவதைக் கவனித்திருப்பீர்கள். இன்றைய ஊடகச் செய்திகள். சேனல் விவாதங்களில் டில்லி முழுதுமே பற்றி எரிகிற மாதிரி ஒரே கூக்குரல்! வன்முறைக்குப் பொறுப்பேற்று அமித் ஷா பதவியை ராஜினாமா செய்யவேண்டும் என்பதுதான் சோனியா காங்கிரசுடைய  டக்கு! ஞாயிறு முதல் அமித் ஷா எங்கேபோனார் என்று வரிசையாக ஆறு கேள்விகளைக் கேட்டிருக்கிறார் சோனியா! பப்பு எங்கேபோனார் என்று சொல்லியிருக்கலாமே! 

"We wanted to walk till Home Minister's house and demand his resignation, but police stopped us," says Priyanka Gandhi. "Delhi is your city and it is being destroyed. The government has failed to maintain peace,"  இது ப்ரியங்கா வாத்ராவின் டக்கு! பப்பு எங்கே காணோமே என்று பார்த்தால், வழக்கம்போல வெளிநாட்டுக்கு உல்லாசப்பயணம் போய்விட்டாராம்!

டில்லி சட்டசபையில் அரவிந்த் கெஜ்ரிவால் வன்முறையில் ஆம் ஆத்மி எவரும் இறங்கவில்லை. வெளியிலிருந்து வந்த விஷமக்காரர்கள் வேலை என்று  சொல்லியிருக்கிறார். AAPயின் கோபால் ராயும் டில்லி உயர்நீதிமன்றமும் ஒரேமாதிரியாக பிஜேபியின் கபில் மிஸ்ரா வெறுப்பைவளர்க்கும் விதத்தில் பேசியதுதான் காரணம் என்று சொல்வது மிகவும் விசித்திரம்.

சதீஷ் ஆசார்யாவுக்கு டொனால்ட் ட்ரம்ப் வந்துவிட்டுப் போனதில் பித்தம் நாளுக்குநாள் கூடிக்கொண்டே போகிறது என்பது வரைந்துதள்ளும் கார்டூன்களில் வெளிப்படுகிறது!  

இப்ப என்ன செய்வீங்க? இதுக்கு பதில் சொல்லுங்க!

ராஜ கண்ணப்பன்! அதிமுக அமைச்சராக இருந்தவர். சிவகங்கையில் பானாசீனாவை எதிர்த்துப் போட்டியிட்டு தேர்தல் முடிவுகளில் தில்லுமுல்லு நடந்ததாக வழக்கும் தொடுத்தவர். யாதவர் சமூகத்தின் பிரதிநிதியாக அறியப்படுபவர். #சாதிஒழிப்புகட்சி திமுகவில் கடந்த ஞாயிறன்று மதுரை யானைமலை ஒத்தக்கடையில் பெரும் செலவில் கூட்டம் கூட்டி இசுடாலினுக்கு வெள்ளிச்செங்கோல் எல்லாம் கொடுத்து இணைந்திருக்கிறார். கோனார் வாக்குகள் அப்படியே திமுகவுக்கு விழுந்துவிடுமோ என்ற கிலியை அதிமுகவுக்கு ஏற்படுத்தியிருக்கிறார் என்கிற முக்கியமான செய்தியை சொல்லாமல் விடலாமா?

டில்லியில் ஷாஹீன் பாக் சாலையை மறித்துப் போராட அனுமதித்தது இப்படி வளர்ந்து மூன்று நான்கு நாட்களாக டில்லி பற்றி எரிகிறது. இங்கே சென்னை வண்ணாரப்பேட்டை  கலவரமும் பரவுகிற அபாயம் இருக்கத்தான் செய்கிறது. அதிசயம் என்னவென்றால் பிரதமர் நரேந்திர மோடி இவைமீது ஒரு உறுதியான நடவடிக்கையை எடுப்பார் என்கிற நம்பிக்கை  இன்னமும்  இருக்கிறது பாருங்கள், அதுதான்!   

மீண்டும் சந்திப்போம்.  

இவ்வளவுதான்! #அரசியல் இவ்வளவுதான்!

வரலாற்றில் டில்லியை சமாதிகளுடைய நகரம் என்று சொல்வதுண்டு. முகலாய ஆட்சியின் எச்சமாக எங்கு பார்த்தாலும் சமாதிகள் என்று அதற்கு காரணம் வேறு சொல்வார்கள். CAA எதிர்ப்பாளர்கள் அதை மீண்டும் நிலைநாட்ட விரும்புகிற மாதிரி நேற்றும் இன்றும் டில்லியின் வடகிழக்குப் பகுதியில் வன்முறை வெடித்து இதுவரை 7 பேர் பலி என்ற செய்தி வேறு. நாட்டின் தலைநகருக்கு அமெரிக்க அதிபர் வந்திருக்கிற சமயம், இப்படி நடந்திருப்பதில், இதற்கு காரணமானவர்களை நினைத்து நாம் அனைவருமே வெட்கித் தலைகுனிய வேண்டிய செய்தியாகவும் இருக்கிறது. இது போதாது என்று  காங்கிரஸ் கட்சியும் மிக அற்பத்தனமாக நடந்துகொண்டிருக்கிற தகவலும் ஹிந்து நாளிதழில் கொஞ்சம் தம்பட்டமடிக்கப்பட்டிருக்கிறது. 

குடியரசுத்தலைவர்  இன்றிரவு அமெரிக்க அதிபர் வருகையை ஒட்டி அளிக்கவிருக்கும் விருந்தில் கலந்து கொள்ள எதிர்க்கட்சியான காங்கிரசுக்கு முன்னாள் பிரதமர் என்றவகையில் மன்மோகன் சிங் மக்களவைக்கட்சித்தலைவர் அதிர் ரஞ்சன் சவுத்ரி மாநிலங்களவகட்சித்தலைவர் குலாம் நபி ஆசாத் மூவருக்கும் அழைப்பு விடுக்கப்பட்டிருந்தும், யாரும் கலந்துகொள்ளப் போவதில்லை என்று அறிவித்து விட்டார்கள். காரணம் சோனியாவுக்கு அழைப்பு இல்லை, டொனால்ட் ட்ரம்ப்புடன் சோனியா சந்திக்க அழைப்பில்லை என்ற மிக அற்பமான காரணம் தான்! அமெரிக்காவில் சென்ற வருடம் HOWDY MODI நிகழ்ச்சியில் ட்ரம்ப் கலந்துகொண்ட மாதிரியே டெமாக்ரட்டுகளும் கலந்து கொண்டமாதிரி, இங்கேயும் அகமதாபாத் நமஸ்தே ட்ரம்ப் நிகழ்ச்சிக்கும் தங்களை அழைக்கவில்லை என்ற குறையும் இருக்கிறது Mr. Chowdhury said the Government of India should have insisted with the U.S. authorities to follow the ‘time-honoured principle’. He told The Hindu that the decision to skip the banquet was a ‘personal’ one. He objected to Congress leaders being left out of Monday’s ‘Namaste Trump’ event in Ahmedabad.  என்கிறது ஹிந்து. இடதுசாரிக் கோமாளிகளுக்கு வேறுவிதமான வருத்தம்!

இங்கே தான் இப்படிக் கோமாளித்தனங்கள் என்றால் அங்கே அமெரிக்காவிலும் அதே மாதிரித் தானாம்! டெமாக்ரட் கட்சியின் அதிபர் வேட்பாளராகத் தேர்ந்தெடுக்கப்பட அதிக வாய்ப்புள்ள பெர்னி சாண்டர்ஸ் செய்திருக்கிற அரசியல் காமெடி இது:

இதற்குப் பதில் ட்வீட்டாக ஒருவர் கீழே உள்ள படத்தைப் போட்டு 30 வருடங்களில் பெர்னி சாண்டர்ஸ் என்ன செய்தார் என்று நக்கலாகக் கேட்டிருக்கிறார். 

அமெரிக்காவோ இந்தியாவோ தேர்தல் ஜனநாயகம் என்றால் இப்படித்தான் இருக்கும் போலிருக்கிறது! ஒரே வித்தியாசம் அமெரிக்காவில் இடதுசாரிக் கோமாளித தனங்கள் கொஞ்சமும் எடுபடாது என்பது தான்! 78 வயதான சான்டா்ஸை அவரது சோஷலிஸ கொள்கைகளுக்காக ‘கிரேஸி பொ்னி’ என்று புனைப் பெயரிட்டு, டிரம்ப் விமா்சித்தாா் என்கிறது தினமணி செய்தி.  

சேகர் குப்தா அமெரிக்க அதிபர் நேற்று அகமதாபாதில் பேசியத்தைக் கொஞ்சம் அனலைஸ் செய்கிறார். இது முழுக்க முழுக்க அவர்பார்வை  வீடியோ 15 நிமிடம் 

அரசியல் என்றால் இவ்வளவுதானா? நிச்சயமாக இல்லை! அரசியல், தெரியாதவர்கள், தகுதியில்லாதவர்கள் கைகளில் சிக்கிக்கொண்டு குறுகிப் போய்க்கிடக்கிறது! அவ்வளவுதான்!

மீண்டும் சந்திப்போம்.       

மண்டேன்னா ஒண்ணு! #அரசியல் நாகரிகம்!

டொனால்ட் ட்ரம்ப் என்கிற தனிநபர்,அரசியல்வாதி மீது எனக்கு கடுமையான விமரிசனங்கள் உண்டு. ஆனால் டொனால்ட் ட்ரம்ப் அமெரிக்க அதிபராக, அமெரிக்க மக்களுடைய பிரதிநிதியாக இன்றைக்கு இந்தியாவுக்கு வந்திருக்கிறார். மரியாதையுடன் உபசரிப்பதுதான் ஒரு தேசமாக நமக்கு அழகு. ஆனால் இங்கே NDTV முதலான சில சேனல்கள், சில அச்சு ஊடகங்கள் நரேந்திர மோடி மீதான காழ்ப்பு, பயத்தினால் இந்த வருகையைக் கொச்சைப் படுத்திக் கொண்டிருப்பதைப் பார்க்கையில், இவர்களை நினைத்துக் கோபப்படுவதா அல்லது பரிதாபப்படுவதா என்று புரியவில்லை.

நேற்று NDTV யில் ஒளிபரப்பான இந்த 21 நிமிட விவாதத்தை இன்று காலையில் தான் பார்த்தேன். கொஞ்சம் கூட சகித்துக் கொள்கிற மாதிரி இல்லை!  வர்த்தக ஒப்பந்தம் இப்போதைக்கு இல்லை என்ற ஒரு காரணத்தை வைத்தே அமெரிக்க அதிபர் வருகை பயனற்றது என்று எப்படி முடிவு செய்கிறார்கள்? வளரும் நாடு என்பதிலிருந்து வளர்ந்த நாடாக ட்ரம்ப் வந்து மாற்றிவிட்டார். வர்த்தகத்தில் நமக்கிருந்த சலுகை, சாதகம் போய்விட்டது என்று கூவுவது மிகக் கேவலமாக இருக்கிறதா இல்லையா?  இதே மாதிரி ஒரு அபத்தமான உரையாடலை ஆதன் தமிழ் யூட்யூப் சேனலில் ராமசுப்ரமணியம் என்கிற வலதுசாரி (RSS அபிமானி என்பதாக நினைவு) பேசிக் கேட்டேன். 

இந்தியா டுடே மட்டும் NDTVக்குச் சளைத்ததா என்ன? இன்று மதியம் இந்த  20 நிமிட விவாதத்தை நடத்தித் தங்கள் அரிப்பைத் தீர்த்துக் கொண்டு விட்டார்கள்!  உருப்படியான தகவலேதும் இருந்ததா?  இன்னமும் யோசித்துக்கொண்டுதான் இருக்கிறேன்.

இந்த வருகையின் போது எந்த வர்த்தக ஒப்பந்தமும் கையெழுத்தாகாது என்பதில் இந்தியத்தரப்பின் மீது குறை சொல்ல முடியாது. அமெரிக்கத்தரப்பு விரும்புகிறபடி உடன்பாடு எட்டப்படாததால் அவர்களே வெளியேறிவிட்டார்கள். பாதுகாப்புத்துறைக்காக கொஞ்சம் அமெரிக்க ஆயுதங்கள் வாங்கும் ஒப்பந்தம் கையெழுத்தாகலாம். அதுபோக ஒருசில அணு உலைகள் வாங்க அமெரிக்க நிறுவனங்களுடன் ஒப்பந்தம் கையெழுத்தாகலாம் என்பதெல்லாம் ஊகங்களே! அப்படியானால் டொனால்ட் ட்ரம்ப் இத்தனை ஆர்வத்தோடு இந்திய சினிமாக்களைத் தொட்டு ட்வீட் செய்து, ஒரு 36 மணிநேர வருகைக்குத் தயாராவானேன்? இது நேற்றைய பதிவிலேயே எழுதியது.

அகமதாபாத் மோடரா ஸ்டேடியத்தில் நமஸ்தே ட்ரம்ப் வரவேற்புக்கு பதிலளித்து டொனால்ட் ட்ரம்ப் பேசியதன் முழுக்க காணொளியும் இங்கே.

டொனால்ட் ட்ரம்ப் அனேகமாக இந்தமாத இறுதியில் ஆப்கானிஸ்தான் தாலிபான்களுடன் ஒரு உடன்பாட்டை எட்டக்கூடும். எட்டாமலும் போகலாம். அதன்பிறகு என்ன நடக்கிறது அல்லது நடக்காமல் போனது என்பதை வைத்துத்தான் டொனால்ட் ட்ரம்ப்பின் இந்திய வருகையைப் பற்றி ஒரு தெளிவான முடிவுக்கு வரமுடியும். 

அதுவரை காத்திருப்பது ஒன்றுதான் சரியானது. மீண்டும் சந்திப்போம்/           

#1200 சண்டேன்னா மூணு! டொனால்ட் ட்ரம்ப்! ஷாஹீன் பாக்! தா பாண்டியன்!

டொனால்ட் ட்ரம்ப் இந்திய வருகை Khangress கட்சியில் ஏகத்துக்கும் காண்டு கிளப்பியிருக்கிறது. அதே போல டாக்டர் சுப்ரமணியன் சுவாமியும் இந்த வருகையால் இந்தியாவுக்கு ஒரு பயனுமில்லை என்று சொல்லி விட்டார். ஆனால் டொனால்ட் ட்ரம்ப்பையும் அவரது பரிவாரத்தையும் வரவேற்பதற்கு ஏற்பாடுகள் வெகு மும்முரமாக நடந்து கொண்டிருக்கின்றன என்பதில் ஒரு சராசரி இந்தியன் கண்ணுக்குப் படுகிற விஷயங்களையும் தாண்டி வேறுவிஷயங்களும் இருக்கின்றன. 

 வீடியோ 26 நிமிடம் 

இந்த வருகையின் போது எந்த வர்த்தக ஒப்பந்தமும் கையெழுத்தாகாது என்பதில் இந்தியத்தரப்பின் மீது குறை சொல்ல முடியாது. அமெரிக்கத்தரப்பு விரும்புகிறபடி உடன்பாடு எட்டப்படாததால் அவர்களே வெளியேறிவிட்டார்கள். பாதுகாப்புத்துறைக்காக கொஞ்சம் அமெரிக்க ஆயுதங்கள் வாங்கும் ஒப்பந்தம் கையெழுத்தாகலாம். அதுபோக ஒருசில அணு உலைகள் வாங்க அமெரிக்க நிறுவனங்களுடன் ஒப்பந்தம் கையெழுத்தாகலாம் என்பதெல்லாம் ஊகங்களே! அப்படியானால் டொனால்ட் ட்ரம்ப் இத்தனை ஆர்வத்தோடு இந்திய சினிமாக்களைத் தொட்டு ட்வீட் செய்து, ஒரு 36 மணிநேர வருகைக்குத் தயாராவானேன்? இங்கே இந்தியர்கள் அமெரிக்காவை அமெரிக்க அதிபரை அண்ணாந்து பார்க்கிற மாதிரி. டொனால்ட் ட்ரம்பும் அமெரிக்க இந்தியர்களுடைய வாக்குகளை மனதில் வைத்துக்கொண்டே வருகிறார்! இத்தனைக்கும் அமெரிக்க இந்தியர்கள் மத்தியில் டொனால்ட் ட்ரம்புக்கான அப்ரூவல் ரேட்டிங் நாலில் ஒரு பங்கு மட்டுமே இருப்பதாக செய்தி. ட்ரம்ப் தலைமுடியும் சும்மா ஆடாது என்றிருக்க Khangress ஓவராகப் பொருமுவானேன்? இதுதானய்யா காங்கிரசு! 

டில்லி ஷாஹீன் பாக் போராட்டத்தின் உண்மையான முகம் வெளிப்பட ஆரம்பித்திருக்கிறது. ஷேக்ஸ்பியர் நாடகமான Merchant of Venice இல் வருகிற ஷைலக் தனக்குச் சேரவேண்டிய pound of flesh நெஞ்சுக்கறிக்காக கெடுபிடி செய்கிற மாதிரியே! AAPக்கு ஓட்டுப்போட்டு ஜெயிக்க வைத்தோம் இல்லையா? CAA /NRC /NPR இவைகளுக்கு எதிராக டில்லி சட்டசபையிலும் தீர்மானம் நிறைவேற்ற வேண்டுமாம்! வெறும் 500 இஸ்லாமியப்பெண்கள் கும்பலாகக் கூடி டில்லி ஜாபராபாத் மெட்ரோ ரயில் நிலையத்துக்குப் போகவிடாமல் ரகளை செய்ததில் மெட்ரோ ஸ்டேஷன் மூடப்பட்டதும் பயணிகள் அவதிக்கு உள்ளானதும்தான் மிச்சம்! 

தா பாண்டியன்! வலது கம்யூனிஸ்ட் கட்சி எப்படி எல்லாம் சீரழிந்தது சீரழித்தது என்பதற்கு வாழும் உதாரணமாக இருப்பவர் என்று சொல்வதோடு நிறுத்திக் கொள்வது மிகவும் உத்தமம்!  வீடியோ 38 நிமிடம்.

டிஸ்கி 1: இட்லி வடை பொங்கல்! #63 நேற்றே வெளியாகியிருக்க வேண்டியது! எழுதியதை பாதியில் மூடி விட்டேன். இன்று காலை, தலைப்பை மட்டும் அப்படியே வைத்து, இன்றைய செய்திகளை வைத்தே புதிதாக எழுதி வெளியிட்டாயிற்று.

இது இந்தப்பக்கங்களில் 1200வது பதிவு.       

இட்லி வடை பொங்கல்! #63 கேலிக்கூத்தாகும் அரசியல்!

நாளை அமெரிக்க அதிபர் டொனால்ட் ட்ரம்ப் தனது மனைவி, மகள், மாப்பிள்ளை இவர்களுடன் தனது நிர்வாகத்தின் முக்கியமானவர்கள் (துணை அதிபர் நீங்கலாக) அத்தனைபேருடன் அரசுமுறைப் பயணமாக இந்தியா வருகிறார். அகமதாபாதில் நமஸ்தே ட்ரம்ப் நிகழ்ச்சியிலும் கலந்து கொள்கிறார். இந்தச் செய்தியும் உலகத்தின் பார்வை முழுதும் இந்தியா, பிரதமர் நரேந்திர மோடி மீதே இருப்பதில் Khangress  கட்சிக்கு முழு காண்டு இருப்பதில் ஆச்சரியமில்லை தான்! காங்கிரசின் ரந்தீப் சிங் சுர்ஜீவாலா பிரதமருக்கு ஐந்து கேள்விகள் கேட்டிருக்கிறார். ட்வீட்டரில் அக்கப்போர் வேறு! அடுத்துவரும் 2 வீடியோவும் தலா 3 நிமிடம் தான்.

இப்படி ட்வீட்டரில் அக்கப்போர் செய்வதை விட்டு விட்டு சத்ருகன் சின்காவுடன் பாகிஸ்தான் போய் இருந்தால், இன்னும் அதிகமான பப்ளிசிட்டி அங்கேயாவது கிடைத்திருக்குமே! சத்ருகன் சின்கா எதற்காகப் பாகிஸ்தான் போனாராம்?

ஒரு திருமணத்துக்காக பாகிஸ்தான் போன சத்ருகன் சின்கா அப்படியே பாகிஸ்தான் ஜனாதிபதியையும் சந்தித்து காஷ்மீர் விவகாரத்தைப் பற்றியும் பேசினாராம்! காங்கிரஸ்காரன் உளறுவதையும் கூட பொறுமையாகக் கேட்பதற்கு பாகிஸ்தானில்தான் ஆளிருக்கிறது என்பது எவ்வளவு பெரிய வரலாறு! வரலாற்றுச் சோகம்!!  ராமசந்திர குகா எங்கேப்பா? 

திமுக பிரசாந்த் கிஷோர் ஒப்பந்தம் பற்றி யார்யாரோ பேசிவிட்டார்கள்! நானும் கூட இசுடாலினுக்கு என்ன மாதிரி image makeover செய்துவிடமுடியும் என்ற கோணத்தில் இந்தப்பக்கங்களில் பலமுறை எழுதியாகி விட்டது. அப்புறம் என்ன? எஸ் பி லட்சுமணன்!  இப்படி ஒரு பத்திரிகையாளர் இருப்பதாக இதுநாள்வரை இங்கு யாருக்குமே தெரியாது. சமீபகாலங்களில் டிவி விவாதம் என்று பார்க்கையில் ஒருசில சேனல்களில் ரெகுலராகப் பார்க்க முடிகிறது. இவர்பங்குக்கு என்ன சொல்கிறார் என்று பார்த்துவிடலாமே! வீடியோ 15 நிமிடம்.

நடிகர் விஜய்க்கு ஏழர அல்லது மிகப்பெரிய எதிரி அவர் தகப்பன் S A சந்திரசேகர் தவிர யாராக இருக்கமுடியும்? ஒவ்வொருமுறையும் அவர் ஊடகங்களிடம் வாயைத் திறக்கும் போதெல்லாம் ஏழரையைக் கூட்டியதைத் தவிர வேறொன்றும் செய்ததில்லை. அதையும் ஒரு கலையாகவே வளர்த்துக் கொண்டிருக்கிறார் என்பது News 18 தமிழ் செந்திலுக்கு அண்மையில் அளித்த நேர்காணல், அதை வைத்தே குணசேகரன் ஒரு காலத்தின் குரல் நிகழ்ச்சியை நடத்தியதில் புலனாகியது. இப்போது ரங்கராஜ் பாண்டேவுடன் சுமார் 62 நிமிடம் உரையாடுகிறார். இவரும் இவர் மகனும் தப்பித்தவறி அரசியலுக்கு வந்துவிட்டால், ஏற்கெனெவே திராவிடங்களிடம் சிக்கிச் சீரழிந்து கொண்டிருக்கும் தமிழக அரசியல் என்னவாகும்? கற்பனை செய்வதற்கே முடியவில்லை!

மீண்டும் சந்திப்போம்.         

அரசியல் இன்று ! செய்திகள், தாக்கங்கள், யோசனைகள்!

சேகர் குப்தா! முன்பு இந்தியன் எக்ஸ்பிரஸ் நாளிதழின் ஆசிரியராக இருந்தவர். இப்போது The Print தளத்தின் தலைமை ஆசிரியராக. முழுக்க முழுக்க காங்கிரஸ் சார்புள்ள, அனுபவமுள்ள பத்திரிகையாளர். மாற்றுக்  கருத்துடையவர்கள் என்ன சொல்கிறார்கள் என்பதைக் கவனிப்பதற்காகவே இவரையும் தொடர்ந்து பார்த்து வருவதில்,  டொனால்ட் ட்ரம்ப் வருகையை ஒட்டி இன்று அவருடைய தளத்தில் வெளியிடப்பட்ட வீடியோ இது. 13 நிமிடங்கள் தான்!  மன்மோகன் சிங் பிரதமராக இருந்த சமயத்தில் போடப்பட்ட ஒரு அணு ஒப்பந்தம், எப்படி சந்தோஷப்படுகிற மாதிரி ஆறுவிதமான பயன்களை அளித்தது என்பதை அவர் பார்வையில் விவரிக்கிறார். அதில் ஆறாவதாக அவர் சொல்லும் பயன், (வரட்டுப் பிடிவாதத்தால்) இடதுசாரிகளின் வீழ்ச்சி! கொஞ்சம் சிரிப்பை வரவழைக்கிறது.  ஐமுகூ வெர்ஷன் 1 இல் இடதுசாரிகளுடைய நாடாளுமன்ற பலம் 60+ வெளியில் இருந்து ஆதரவளித்தார்கள், சோம்நாத் சாட்டர்ஜி மக்களவை சபாநாயகராக இருந்தார். அணு ஒப்பந்தத்தில் அமெரிக்க நிறுவனங்களின் Liability விபத்து ஏற்பட்டால் நஷ்டஈடு கொடுப்பதில் வரம்பு விதிக்கப்பட்டது என்பதை வைத்து இடதுசாரிகளும் பிஜேபியும் குதியோகுதியென்று குதித்தார்கள். இடதுசாரிகள் ஆதரவை விலக்கிக் கொண்டார்கள். வெறும் 18 எம்பிக்களை மட்டும் வைத்திருந்த திமுக ஐகுகூ 1 ஐ ஆட்டிப்படைக்கும் சக்தியாக ஆனதுதான் மிச்சம். அமெரிக்க அணு உலை ஒன்று கூட இன்று வரை வரவில்லை என்பது அனாவசியம்.

இங்கே சில விவாதங்களை யூட்யூப் தளத்தில் இருந்து பகிர்ந்து கொள்ளும்போது, அது எத்தனை முறை பார்க்கப் பட்டிருக்கிறது, எத்தனை கமென்டுகள் என்ன மாதிரி வந்திருக்கின்றன முதலான விவரங்களோடு சேர்த்துப் பார்ப்பதையும்  ஒரு வழக்கமாகவே வைத்திருக்கிறேன். தமிழக ஊடகங்களின் யூட்யூப் வீடியோக்களுக்கு வரும் கமெண்டுகள் பெரும்பாலும் 200 ரூபாய் உபித்தனமானவை, ஆபாசமானவை. இங்கே சேகர் குப்தா வீடியோவை எடுத்துக் கொண்டால் இதுவரை 2500+  பார்வைகள் 70 கமென்டுகள் என்பதில்  சேகர் குப்தா சொல்வதில் இருந்த தவறுகளைச் சுட்டிக் காட்டிய கமென்டுகளும் இருந்தன. இதுமாதிரி அரசியல் வீடியோக்களைப் பார்க்கிறவர்களில் விஷயம் தெரிந்து விவாதிக்கக் கூடிய பார்வையாளர்களும் இருக்கிறார்கள் என்பது நன்றாகவே புலப்படுகிறது.

கொஞ்சம் #செய்தி கொஞ்சம் #விமரிசனம் - 4  பதிவில் திருப்பூர் ஜோதிஜி அமெரிக்கர்களைக் குறித்து சில தவறான புரிதல்களோடு இருக்கிற மாதிரி பின்னூட்டம் இருந்தது. அவருக்காகவே டாக்டர் சுப்ரமணியன் சுவாமி, டொனால்ட் ட்ரம்பின் இந்திய வருகை குறித்து சில விஷயங்களைச் சொல்வதாக ஒரு 11 நிமிட வீடியோ. 

டொனால்ட் ட்ரம்ப் இந்திய வருகை 

சிலமுக்கியமான விஷயங்கள் 
வீடியோ 39 நிமிடம் 

அமெரிக்க அரசியலில் டெமாக்ரட்டுகள் எப்போதுமே பாகிஸ்தான் ஆதரவு நிலை எடுப்பவர்கள். ஒபாமா சிலவிஷயங்களில் கொஞ்சம் இந்தியாவுக்கு ஆதரவாக இருந்தமாதிரி ஒரு பிம்பம் உண்டு. ரிபப்லிக்கன் கட்சி பொதுவாக இந்திய உள்விவகாரங்களில் மூக்கை நுழைத்தது இல்லை. ட்ரம்ப் பேச்சளவில் முயற்சிக்கிறார் அவ்வளவுதான்!தவிர ராஜீய உறவு விவகாரங்களில் ஆதரவு அல்லது எதிர்ப்பு என்பது அவரவர் உள்நாட்டு நலன்கள் சார்ந்தே எடுக்கப்படுபவை. இன்றைய சூழலில் பெரும்பாலும் வர்த்தக உறவுகளே ஆதரவு / எதிர்ப்பு நிலையெடுக்கக் காரணிகளாக இருக்கின்றன. இங்கே இந்தியாவில், சில இடதுசாரி உதிரிகள் குதிப்பதை எல்லாம் ஒருபொருட்டாக எடுத்துக்கொள்ளக் கூடாது. 

ஆரிப் மொகமது கான்! ஷா பானோ வழக்கில் உச்ச நீதிமன்றத் தீர்ப்பை முடியடிக்க ராஜீவ் காண்டி அவசரச் சட்டம் பிறப்பித்ததை, முத்தலாக் முறையை எதிர்த்தவர். ராஜீவ் அரசிலும், பின்னர் ஜனதா தல் அரசிலும் கேபினெட் அமைச்சராக இருந்தவர். இஸ்லாம் காலத்துக்கேற்ப சில மாறுதல்களை மேற்கொண்டாகவேண்டும் என்ற கருத்துடையவர். இப்போது கேரள மாநில ஆளுநராக இருக்கிறார். இந்த 3 நிமிட வீடியோவில் ஷாஹீன் பாக் போராட்டக் காரர்கள் ஒரு கும்பலாகச் சேர்ந்து தாங்கள் சொல்கிறபடி தான் கேட்டாகவேண்டும் என்று வலியுறுத்துவதே ஒருவகையில் பயங்கரவாதம் தான் என்று மிக அழுத்தமாகச் சொல்கிறார். என்னமோ இன்று பிஜேபி இவரை ஆளுநராக்கிவிட்டதற்காகச் சொல்வதாக நினைத்துவிடக்கூடாது என்பதற்காகவே பூர்வகதையையும் முதலில் சொன்னேன்.  

மீண்டும் சந்திப்போம்.                


அன்னை பிறந்தாள்! எங்கள் அன்னை பிறந்தாள்!

பாண்டிச்சேரி ஸ்ரீ அரவிந்தாசிரமத்துக்குப் போய்வந்த அனுபவம் உண்டா? அப்படிப் போய் வந்தவர்களுடைய அனுபவம், இனம் புரியாத அமைதியும் பரவசமும் நிறைந்ததாகவே இருந்தது என்பதை யார் யாரோ சொல்லக் கேட்டதுண்டா?

இது ஸ்ரீ அரவிந்தாசிரமத்தின் நுழைவாயில்! தெற்குப் பார்த்த வாசல்! உள்ளே நுழைந்து வலப்பக்கம் பார்த்தால் Service Tree என்றழைக்கப்படுகிற மரத்தின் நிழலில் ஸ்ரீ அரவிந்தர், ஸ்ரீ அரவிந்த அன்னை இருவரும் மகா சமாதியில் எழுந்தருளியிருப்பதைத் தரிசிக்க முடியும். தரிசன நாட்களில் சமாதி அருகே அமர்ந்து கூட்டு தியானம் காலைவேளையில் நடக்கும். ஸ்ரீ அரவிந்தர் மோனத்தவம் செய்த மாடி அறைக்குப்போய் தரிசனம் செய்யமுடியும்! வருடத்தில் இரண்டே நாட்கள் ஸ்ரீ அரவிந்த அன்னையின் அறைக்குப்போய் தரிசனம் செய்கிற வாய்ப்பும் கிடைக்கும். அவ்வளவுதானா? வெறும் பிக்னிக் போய் வருகிற மாதிரி பத்தோடு பதினொன்றாகப் போகிறவர்களுக்கு மட்டும் அப்படியிருக்குமோ, எனக்குத் தெரியாது.ஆனால் ஒரு தாயைத் தேடிப்போகிற குழந்தைமாதிரி நினைத்துக் கொண்டு போகிறவர்களுடைய அனுபவமே வேறுதான்! 

தரிசன நாள் என்பதென்ன? அன்னை புதுச்சேரிக்கு வந்தபிறகு எல்லாப் பொறுப்புக்களையும் அவரிடம் கொடுத்து விட்டு ஸ்ரீ அரவிந்தர் தனியாக மோனத்தவம் இருக்க ஆரம்பித்தார். ஆசிரமத்துக்குள்ளேயே தங்கி இருந்த சாதகர்கள் கூட அவரைச் சந்திக்க முடியாது.தங்களுக்கெழும் சந்தேகங்களை ஒரு நோட்டுப் புத்தகத்தில் எழுதி அன்னையிடம் கொடுக்க, அவரும் ஸ்ரீ அரவிந்தரிடம் காட்டி, பதில்களை வாங்கித் தருவார். வருடத்தின் சிலநாட்களில் மட்டும் ஸ்ரீ அரவிந்தரும், அன்னையும் சாதகர்களுக்கு மட்டுமன்றி, வெளியூரில் இருந்து வரும் அன்பர்களை சந்திக்கிற வாய்ப்பாக உருவானதே தரிசன நாட்கள் என்றழைக்கப்படுகிறது. இன்றைய தரிசன நாள் செய்தியாக

இன்று பிப்ரவரி 21 ஸ்ரீ அரவிந்த அன்னை 
பிறந்தநாள் தரிசனநாள் செய்தி முகப்பு 

 தரிசனநாள் செய்தி 
படத்தைப் பெரிதாக்கி வாசிக்கலாம் 
இங்கே வாசிக்க சௌகரியமாக இருக்கிறதா?

ஸ்ரீ அரவிந்த அன்னை என்று கொண்டாடப்படும் Mirra Alfassa பாரிஸ் நகரில் 21 பிப்ரவரி 1878 இல் அவதரித்தார். 1914 இல் முதல்முறையாக புதுச்சேரிக்கு ஸ்ரீ அரவிந்தரை தரிசிப்பதற்காக வந்தார். 11 மாதங்கள் புதுச்சேரியில் இருந்து விட்டு, முதல் உலகப்போர் மூண்ட தருணம், பிரான்சுக்கே திரும்பினார். அங்கிருந்து ஜப்பானுக்குச் சென்று 4 வருடங்கள் இருந்தார். 1920 ஏப்ரல் 24 அன்று புதுச்சேரிக்குத் திரும்பிய அன்னை, இங்கேயே நிலையாகத் தங்கினார். 

மேலே ஸ்ரீ அரவிந்த அன்னையின் சின்னம் இருந்தது அல்லவா! அதில் மைய வட்டத்தைச் சுற்றி நான்கு இதழ்கள்! அதைச் சுற்றிப் பன்னிரண்டு இதழ்கள்! அவை சொல்வதென்ன? தமிழிலேயே இருப்பதைப் படிக்க முடிகிறதா?

ஆரம்ப காலங்களில், தரிசன நாள் செய்தியாக இதுமாதிரி கார்டும், மலர்ப்பிரசாதங்களும் வழங்கப் பட்டதில் அன்னையே அந்தந்த தருணத்துக்கேற்ற மாதிரி செய்தியை தன் கைப்படவே எழுதி அளித்துக் கொண்டிருந்தார். ஸ்ரீ அரவிந்த அன்னை 1973 இல் மகாசமாதி ஆன பிறகு இப்போதுள்ள வடிவத்தில் அச்சிடப்பட்ட கார்டுடன், சமாதிமீது வைக்கப்பட்ட மலர் இதழ்களை உலரவைத்து ஒரு சிறு பாக்கெட்டாக வழங்குகிறார்கள். தரிசனநாள் செய்தி ஆங்கிலத்திலும்  பிரெஞ்சிலும் இருக்கும். இங்கே ஆங்கிலச் செய்தி மட்டும். 

அன்னை என்னும் அற்புதப் பேரொளி இன்றும் தம்முடன் இருப்பதை உணர முடிகிற அன்பர்கள் கூடி வழிபடுகிற சிறப்பான நாள் இன்று பிப்ரவரி 21 

ஓம் ஆனந்தமயி சைதன்யமயி சத்யமயி பரமே 

"அன்னை என்னும் அற்புதப் பேரொளி"

"அன்னை என்னும் அற்புதப் பேரொளி" இந்தத் தலைப்பில் திருமதி விஜயா சங்கர நாராயணன் எழுதிய நூலை, வெகு நாட்களுக்கு முன் வாசித்த நினைவும், பரவசமும் இந்தப் பதிவை எழுதும் போது முன் வந்து நிற்கிறது.

அம்மா, அம்மா என்று அரற்றுவதைத் தவிர ஸ்ரீ அரவிந்த அன்னையே, உன்னைப் பற்றி, என்ன எழுதிப் புரிந்து கொள்ளவோ, புரிய வைக்கவோ முடியும்? அறியாமையின் உச்ச கட்டமாக, ஆசிரம சாதகர் ஒருவரிடம் அவருக்கேற்பட்ட அனுபவங்களைப் பற்றிக் குழந்தைத்தனமாகக் கேட்ட போது, "எவ்வளவோ இருக்கிறது, அதில் எதைச் சொல்வது?" என்ற கேள்வியே பதிலாக வந்ததை இப்போது நினைத்துப் பார்க்கிறேன்.

ஸ்ரீ அரவிந்த அன்னையை ஏற்றுக்கொள்கிறேன் என்று மேலோட்டமாகவே நாம் சொன்னாலும், "ஒரு கணமாவது நான் ஒருவரைப் பார்த்திருந்தாலும் போதும், அவருடைய வாழ்க்கையின் எல்லாவற்றிற்கும் நான் பொறுப்பேற்றுக் கொள்கிறேன்" என்று ஸ்ரீ அன்னை சொல்லும் சத்திய வாக்கு அங்கே செயல் படுவதை, என்னுடைய அனுபவமாகவே இப்போது பார்க்கிறேன்.

"Remember and Offer" இது தன்னுடைய அடியவர்களுக்கு ஸ்ரீ அரவிந்த அன்னை சொல்லும் ஒரு எளிய முயற்சி. எதுவானாலும், நினைவிற்கொண்டு வந்து, ஆத்ம சமர்ப்பணமாகச் செய்து வரத் தடைகள் நீங்குவதும், காரிய்ம் கை கூடுவதும் இறையருளால் நடத்தப்படும் என்பதை இப்போது நினைத்துப் பார்க்கிறேன்.

புதுவையிலிருந்து வெகு தொலைவில் இருந்த போதிலும், ஆசிரம வாழ்க்கையின் ஒரு அங்கமாக உன்னால் ஏற்றுக் கொள்ளப் பட்ட வெகு சிலருள் ஒருவனாக இல்லாதிருக்கும் போதிலும், ஸ்ரீ அரவிந்தரின் பூரண யோகத்தை பற்றி முழுமையாக அறிந்தவனாக, அனுஷ்டிப்பவனாக இல்லாத நிலையிலும் கூட, இவனது சில அனுபவங்கள், உன்னை என்னுடைய அன்னையாகவே அறிந்து கொள்ளவும், அம்மா, என்னையும் உனது பிரியத்திற்கு உகந்த குழந்தையாக ஏற்றுக் கொள்வாய் என்று உன்னிடத்தில் உரிமையோடு விண்ணப்பித்துக் கொள்ளவும் தூண்டின. ஏற்றுக்கொள்வாய், ஒருபோதும் கைவிட மாட்டாய் என்கிற நம்பிக்கை உன் வாக்கினாலேயே இவனுள் விதைக்கப் பட்டிருப்பதை நன்றியோடு நினைத்துப் பார்க்கிறேன்.

1965-1966 களில் அறியாச் சிறுவனாக, உன்னுடைய உரையாடல்கள் தொகுப்பு ஒன்றில் உன்னுடைய புகைப்படத்தைப் பார்த்தவுடன், என்னைப் பெற்ற தாயாகவே தோன்ற, 'அட இவள் எங்க அம்மா போலவே இருக்கிறாளே' என்று திரும்பத் திரும்ப அதே அனுபவத்தைப் பல முறை அனுபவித்ததுண்டு. அளியன், அன்னை நீ தான், இவனைப் பெற்ற தாயின் சாயலில் இவனுக்குக் காட்சி கொடுத்திருக்கிறாய் என்பது புரிந்து கொள்ளவே வெகு நாட்களாயிற்று.

இடையில், தொழிற்சங்கம், இடது சாரிச் சிந்தனைகள், நாத்திகனாகத் திரிந்த காலம் ஒன்று இருந்தது. தமிழக வரலாற்றில் களப்பிரர் காலத்தை இருண்ட காலமாகச் சொல்வது போல இவனது வாழ்விலும் அது ஒரு இருண்ட காலம்.

1986- 1987 களில் அமுதசுரபி மாத இதழில் திரு. கர்மயோகி அவர்கள் எழுதி வந்த கட்டுரைகள், உலகாயத விளையாட்டில், அன்னையை மறந்து போனவனை மீண்டும் அன்னையிடம் கொண்டு சேர்க்கும் கருவியாக உதவின. Mothers Service Society என்ற அமைப்பின் கீழ் தமிழகமெங்கும் ஸ்ரீ அரவிந்த அன்னை தியான மையங்களை ஏற்படுத்தவும், ஆர்வம் உள்ளவர்கள் ஒன்று கூடி தியானம் செய்வதும், மலர் வழிபாடு செய்வதும் 1980 களின் இறுதியில் பரவலாக நடந்து வந்தன.ஆர்ப்பாட்டம், ஊர்வலம், முரண்பாடுகள் என்றே கிடந்த இவன், அதற்கு நேர் எதிர் மாறான அனுபவத்தைப் பெறுவதற்காக, இந்த மாதிரி கூட்டங்களில் பங்கேற்றதும் நடந்தது.

குடும்பம் ஒரு இடத்தில், பணியில் இருந்தது மற்றோரிடத்தில் என்றிருந்த காலம்.

டாக்டர் சுந்தர வடிவேல் இவனது மகனுக்கு வைத்தியர் என்கிற முறையில் அறிமுகமாகி, நண்பரான காலம். ஸ்ரீ அரவிந்தர் அன்னையிடத்தில் ஈடுபாடு கொண்ட இவரால் தான் ஸ்ரீ அன்னையிடம் இவன் மறுபடி தஞ்சம் அடைய வேண்டும் என்கிற வேட்கையும், ஈர்ப்பும் ஏற்பட்டது. விடுமுறையில் ஊருக்கு வருகிற நாட்களில் கணிசமான நேரம் டாக்டருடன் ஆன்மீகத்தைப் பற்றி விவாதிக்கும் பழக்கமும், இதே போல் ஈடுபாடு உடைய வேறு பலருடைய தொடர்பும் உண்டானது. சத்சங்கத்வே நிஸ்ஸங்கத்வம் என்பதற்கொப்ப, பழைய வரட்டுப் பிடிமானங்களில் இருந்து விடுபட இவை உதவின. அந்த அளவோடு ஒதுங்கியும் போயின.

நம் உடலில் பழைய செல்கள் அழிந்து, புதிய செல்கள் உண்டாகிக் கொண்டே இருப்பது போல, "பழையன கழிதல், அதன் பின் புதியன புகுதல்" என்பதற்கொப்ப ஒவ்வொரு அனுபவமும், அதற்கு முந்தைய அனுபவங்களின் எச்சங்களைத் துடைத்துவிட்டுப் புதிதாய்ப் பிறந்தது.

"வாய்ப்பு என்பது மிகப் பெரிய விஷயங்களைச் சாதிக்கும் தருணம். அதனால் ஒருபோதும் வாய்ப்பைத் தவற விட்டு விடாதே" என்கிறார் ஸ்ரீ அன்னை. எவ்வளவு வாய்ப்புக்களைத் தவற விட்டிருக்கிறேன் என்பது இப்போது தான் கொஞ்ச கொஞ்சமாக உறைக்க ஆரம்பித்திருக்கிறது.

உள்ளது உள்ளபடி சமர்ப்பணத்துடன் சொன்னால், எளிய வார்த்தைகளுக்குள்ளும் பேருபதேசம் கிடைக்கும் என்பதற்கு உதாரணமாக திரு மாதவ் பண்டிட் அவர்கள் எழுதிய Commentaries in the Mother's Ministry என்ற நூலில் இருந்து இந்தப் பகுதியை பார்ப்போமா?

Incalculable Divine
“There are quite a number of stories about the Divine's help arriving at the very moment man gives up his egoistic struggle. There is, for instance, the case of a man who was falling down from the top of a high tree. He cried out to God to save him and God did respond. The falling man landed on a branch of the tree and he exclaimed to himself: “Ah, now I will take care of myself”. That very moment the branch started cracking and our friend got alarmed and called out, “God, I did not mean it!”

The point in this and similar stories is that as long as man depends upon his own strength—which is in fact so puny—or on that of other human sources, the Divine does not enter into the picture. Man is allowed to struggle and realise the limitations of human effort. The inner soul-strength comes to the fore when the external being, in its moment of truth, realises its utter failure to meet the challenges that face it and appeal to the Divine, whether within or above. In a slightly different context, Sri Aurobindo puts it graphically in SAVITRI how in moments of crisis man is forced to look to the Divine:

An hour comes when fail all Nature's means,

Forced out from the protecting Ignorance

And flung back on his naked primal need,

He at length must cast from his surface soul...

When our strength fails, when our human resources fail, when we sincerely call for the Divine's help, the Divine never fails. Only we must have the eye to perceive the Hand of God which may be cloaked in appearance that may be misleading at first sight. The help may not come in the form in which we expect. It may even come in the form of happenings that go counter to our expectations. The ways of the Divine Saviour are mysterious, as complex as the causes of our difficulties. The most unlikely elements play a helpful role. At times even enemies are moved to fraternise with us. We are baffled. We try to find explanations and at times attribute ulterior motives to the benefactors. But the fact remains that individuals are moved to act helpfully, circumstances are shaped favourably—all because the Divine has willed to save.

We may not always understand the manner in which the Will operates. It is not immediately necessary either, to know it. It is enough if we have the faith that the Divine response is certain and when we are helped out, to own gratitude to the Divine. There is often a tendency to attribute the favourable turn to our strength of intelligence and will or to external human agencies. It is well to remember at such moments that men and events are only instrumentations of the Divine Will to protect and save.”

அம்மா! எவ்வளவு தான் தவறுகள் இழைத்திருந்த போதிலும், அகங்காரச் செருக்கோடு நான் நான் என்று இல்லாததை எல்லாம் கற்பிதம் பண்ணிக் கொண்டு திரிந்த போதிலும்,

"நான்" என்பது அகங்காரத்தின் கூப்பாடு அல்ல; உனக்குள்ளே இருக்கிற தெய்வீகமே, உள்ளொளியே உண்மையான நான் என்பதைக் காட்டிக் கொடுத்திருக்கிறாய்.

ஸ்ரீ அரவிந்த அன்னையே! உன்னைச் சரண் அடைகிறேன்.

உனது திருவடிகளையே அடைக்கலமாகப் பற்றிக் கொள்வது முழுமையாகிற வரம் அருள்வாய். கரணங்கள், மனம், ஜீவன் இவை அனைத்தையும் முழுமையாக உன்னிடத்தில் சமர்ப்பிப்பதற்குத் தகுதியும், சக்தியும் அருள்வாய்.

ஒவ்வொரு தருணத்திலும் நீ எனக்களித்திருக்கிற அருளை மறவாமல், நன்றியோடு ஏற்றுக் கொள்கிற பக்குவத்தை அருள்வாய் தாயே!

*quoted text thankfully excerpted from and acknowledged”

“Commentaries on The Mother's Ministry” by Shri M P Pandit, Dipti Publications, Sri Aurobindo Ashram, Pondicherry.

***2009 இல் எழுதியதன் மீள்பதிவு