ஒரு புதன்கிழமை! வழக்கம்போல கேள்விகளுடன்!

நாடும்  நாமும் எங்கே போய்க்கொண்டு இருக்கிறோம் என்பதான கேள்விகளே ஒருபுதன்கிழமை என்று தலைப்பிட்டு எழுதுவதில் இடம்பெறுவதைக் கவனித்திருப்பீர்கள். இன்றைய ஊடகச் செய்திகள். சேனல் விவாதங்களில் டில்லி முழுதுமே பற்றி எரிகிற மாதிரி ஒரே கூக்குரல்! வன்முறைக்குப் பொறுப்பேற்று அமித் ஷா பதவியை ராஜினாமா செய்யவேண்டும் என்பதுதான் சோனியா காங்கிரசுடைய  டக்கு! ஞாயிறு முதல் அமித் ஷா எங்கேபோனார் என்று வரிசையாக ஆறு கேள்விகளைக் கேட்டிருக்கிறார் சோனியா! பப்பு எங்கேபோனார் என்று சொல்லியிருக்கலாமே! 

"We wanted to walk till Home Minister's house and demand his resignation, but police stopped us," says Priyanka Gandhi. "Delhi is your city and it is being destroyed. The government has failed to maintain peace,"  இது ப்ரியங்கா வாத்ராவின் டக்கு! பப்பு எங்கே காணோமே என்று பார்த்தால், வழக்கம்போல வெளிநாட்டுக்கு உல்லாசப்பயணம் போய்விட்டாராம்!

டில்லி சட்டசபையில் அரவிந்த் கெஜ்ரிவால் வன்முறையில் ஆம் ஆத்மி எவரும் இறங்கவில்லை. வெளியிலிருந்து வந்த விஷமக்காரர்கள் வேலை என்று  சொல்லியிருக்கிறார். AAPயின் கோபால் ராயும் டில்லி உயர்நீதிமன்றமும் ஒரேமாதிரியாக பிஜேபியின் கபில் மிஸ்ரா வெறுப்பைவளர்க்கும் விதத்தில் பேசியதுதான் காரணம் என்று சொல்வது மிகவும் விசித்திரம்.

     

சதீஷ் ஆசார்யாவுக்கு டொனால்ட் ட்ரம்ப் வந்துவிட்டுப் போனதில் பித்தம் நாளுக்குநாள் கூடிக்கொண்டே போகிறது என்பது வரைந்துதள்ளும் கார்டூன்களில் வெளிப்படுகிறது!  

இப்ப என்ன செய்வீங்க? இதுக்கு பதில் சொல்லுங்க!

ராஜ கண்ணப்பன்! அதிமுக அமைச்சராக இருந்தவர். சிவகங்கையில் பானாசீனாவை எதிர்த்துப் போட்டியிட்டு தேர்தல் முடிவுகளில் தில்லுமுல்லு நடந்ததாக வழக்கும் தொடுத்தவர். யாதவர் சமூகத்தின் பிரதிநிதியாக அறியப்படுபவர். #சாதிஒழிப்புகட்சி திமுகவில் கடந்த ஞாயிறன்று மதுரை யானைமலை ஒத்தக்கடையில் பெரும் செலவில் கூட்டம் கூட்டி இசுடாலினுக்கு வெள்ளிச்செங்கோல் எல்லாம் கொடுத்து இணைந்திருக்கிறார். கோனார் வாக்குகள் அப்படியே திமுகவுக்கு விழுந்துவிடுமோ என்ற கிலியை அதிமுகவுக்கு ஏற்படுத்தியிருக்கிறார் என்கிற முக்கியமான செய்தியை சொல்லாமல் விடலாமா?

  

டில்லியில் ஷாஹீன் பாக் சாலையை மறித்துப் போராட அனுமதித்தது இப்படி வளர்ந்து மூன்று நான்கு நாட்களாக டில்லி பற்றி எரிகிறது. இங்கே சென்னை வண்ணாரப்பேட்டை  கலவரமும் பரவுகிற அபாயம் இருக்கத்தான் செய்கிறது. அதிசயம் என்னவென்றால் பிரதமர் நரேந்திர மோடி இவைமீது ஒரு உறுதியான நடவடிக்கையை எடுப்பார் என்கிற நம்பிக்கை  இன்னமும்  இருக்கிறது பாருங்கள், அதுதான்!   

மீண்டும் சந்திப்போம்.  

திமுகவின் R S பாரதியும் வண்ணாரப்பேட்டை போராட்டமும்

திமுகவின் அமைப்புச் செயலாளர் R S பாரதியின் ஒரு விஷ(ம)த்னமான பேச்சைப்பற்றி சமூக வலை தளங்களில் பரவலாகவும் பலவிதமாகவும் விவாதிக்கப்படுவது, அவருக்கே நிறைய ஆச்சரியங்களைத் தந்திருக்கலாம்! ஏனென்றால் இதுவரை R S பாரதி என்கிற இந்த நபருக்கு இத்தனை வெளிச்சம் கிடைத்ததில்லை, யாரும் இவரை அவ்வளவு பெரிய ஆளாக சட்டை செய்வதாகவும் எனக்குத் தெரிந்து இல்லை. ஆனாலும் ஏதோ காரணத்துக்காக ஒரு துரும்பு தூணாக்கப்பட்டுக் கொண்டிருப்பதாகவே எனக்குப் படுகிறது.

வீடியோ 12 நிமிடம் 

R S பாரதியை மன்னிப்புக் கேட்க வைத்த பேச்சு என்று தலைப்புக் கொடுத்ததிலும் கூடப் பிழையிருக்கிறது. ஒரு குறிப்பிட்ட பகுதிக்கு மட்டும் வருத்தம் தெரிவித்து ட்வீட்டரில் செய்தி போட்டிருக்கிறார். கோவில் குருக்கள் பற்றிப் பேசியதற்கோ ஊடகங்களைத் தரக்குறைவாக பேசியதற்கோ வருத்தம் தெரிவித்தமாதிரி இல்லை. இப்போது நான் பதிவில் பேசவந்தது R S பாரதி பேச்சோ செலெக்டிவாக தெரிவித்த வருத்தம் என்கிற பசப்போ இல்லை. சமூகவலைத்தளங்களில் இந்தப்பேச்சு என்ன மாதிரியான ஊகங்களை, அப்படியும் இருக்குமோ என்கிற மாதிரியான கான்ஸ்பிரசி தியரிகளைத் தூண்டி விட்டிருக்கிறது என்பது மட்டும்தான்!

Kuttala Rajan  23 மணி நேரம்

R.S.பாரதி DMKவின் திசை திருப்பும் வேலைக்கான பலி கடா.

CAAக்கு எதிரான போராட்டம் இஸ்லாமியர்கள் நடத்தும் முறையும் அவர்களின் தீவிரவாதப் போக்கும் பெரும்பான்மை ஹிந்து ஓட்டு வங்கியை DMKக்கு எதிராகத் திரும்புகிறது.

போராடும் இஸ்லாமியர்களை தன் இஷ்டப்படி கட்டுப்படுத்த முடியவில்லை.

CAAக்கு எதிராக ஹிந்துக்களையும் ஒருங்கிணைக்க முடியவில்லை.

CAA சட்டத்தில் ஹிந்துக்களுக்கும் பிரச்சனை என்ற விஷ வாதத்தையும் ஹிந்துக்களுக்குள் கொண்டு செல்ல முடியவில்லை.

இறுதி ஆயுதமாக பேரிடர் போது இஸ்லாமியர் தொண்டைக் காட்டி ஹிந்துக்களிடம் அனுதாபம் பெறும் முயற்யும் தோல்வி.

இதன் மூலம் நடுநிலை ஹிந்துக்கள் கூட கொஞ்சம் கொஞ்சமாக திராவிடக் கட்சிகளின் பக்கம் இருந்து விலகி ஹிந்து சார்பு கட்சிகள் பக்கம் நகர ஆரம்பித்து உள்ளனர்.

இதன் பின்னரும் CAA போராட்டம் தொடர்வது DMKக்கு நல்லது இல்லை. அதைத் திசை திருப்பும் நிர்பந்தம் DMKவுக்கு. அதற்கான முதல் முயற்சி தான் RS பாரதி. இனி வலை தளங்கள் CAAவை  விட்டு விட்டு RS பாரதியைத் தத்தெடுத்துக் கொள்ளும்.

இன்னும் கொஞ்ச நாளில் CAAக்கு எதிரான போராட்டம் நீர்த்துப் போகும். வரும் நாட்களில் நிகழும் புதிய உப்புக்குப் பெறாத விஷயம் ஒன்று கையில் எடுக்கப்பட்டு ஊதிப் பெரிதாக்கப்படும். CAA போராட்டம் மறக்கடிக்கப்படும்.

CAAக்கு எதிரான போராட்த்தின் இத்தனை நாள் வன்முறை சட்டப்புறம்பான செயல்பாடுகள் மறைக்கப்பட்டு இறுதியாக காவலர் தடியடி மட்டும் அவ்வப்போது நினைவுறுத்தப்பட்டும். நீண்ட நாட்களுக்குப் பின் காவலர் நடவடிக்கை மட்டும் எதிர்மறை எண்ணத்தை உருவக்கும் விதமாக பிம்பத்தை எற்படுத்தும்விதமாக அவ்வப்போது பிரச்சாரம் நடக்கும். உதாரணம் ஜல்லிக்கட்டு போராட்டம்.

ஸ்டாலின் கையில் எடுத்த அனைத்து போராட்டங்களிலும் இது போன்ற எச்சங்களே மிஞ்சும். உருப்படியாக எதுவும் நடந்திருக்காது. 

ஊடகக்காரர்களையும் மிஞ்சுகிற விதத்தில் Conspiracy தியரிகள் அங்குமிங்குமாகக் கிளம்புவதைப் பார்த்து என்ன சொல்வது என்று புரியாமல் திகைத்து நிற்பதைத் தவிர வேறுவழி? 

வீடியோ 50 நிமிடம் 

ஆனால் மதன் ரவிச்சந்திரனுக்கு அஜெண்டா வேறு! நிகழ்ச்சிக்கு ஒரு நாலைந்து பேரைக் கூட்டி வந்து ஒரு சூடான விவாதத்தை நடத்திமுடித்து விடுவது மட்டும்தான்! குறைந்தபட்சம் தனக்காவது திருப்தி அளித்ததா என்றாவது அவர் தன்னைத் தானே கேட்டுக் கொண்டு அடுத்தநிகழ்ச்சிக்குப்போவது அவருக்கே நல்லது என்பதை யார் அவருக்குச் சொல்வது?

        

வண்ணாரப்பேட்டை போராட்டம் என்று சொல்லி விட்டு அதைப்பற்றி பேசுவதற்கு ஒன்றுமே இல்லையா? இன்று உயர்நீதி மன்றம் விதித்த தடையையும் மீறி, சென்னை மட்டுமல்லாமல் கோவை, மதுரை, திருச்சி, நெல்லை என்று பல நகரங்களிலும் இஸ்லாமிய அமைப்புக்கள் தமிழக அரசின்மீது ஒரு அழுத்தத்தைக் கொடுக்க வேண்டும் என்பதற்காக கூட்டமாகக் கூடி, தங்களுடைய பலத்தைக் காட்ட முயற்சிக்கிறார்கள் 

வீடியோ 16 நிமிடம் 

சென்னையில் சேப்பாக்கத்தோடு நிறுத்திக் கொண்டு கூட்டம் கலைந்து விட்டதாக செய்தி சொல்கிறது. இந்த வீடியோவின் கடைசியில் ஆர் கே ராதாகிருஷ்ணன் என்கிற பத்திரிகையாளர் பேசுகிற விதத்தைக் கொஞ்சம் கவனியுங்கள்.

இதுபோன்ற போராட்டங்கள் இஸ்லாமியர்களுடைய எதிர்ப்பு, கவலை, வலிமை இப்படி எதையும் வெளிப்படுத்தப் போவதில்லை. நாங்கள் எவருக்கும் எந்தச் சட்டத்துக்கும் கட்டுப்படமாட்டோம் என்றே போய்க்கொண்டிருப்பது பொதுசமூகத்திலிருந்து அவர்கள் தனிமைப்பட்டு நிற்பதில்தான் போய்முடியப் போகிறது என்பதுதான் இப்போதைக்கு என் வருத்தம்.

மீண்டும் சந்திப்போம்.

            

மண்டேன்னா ஒண்ணு! #ஸ்பெக்ட்ரம் #அரசியல் #வண்ணாரப்பேட்டை

வினை விதைத்துவிட்டுப் போனவன் ஒருத்தன்! அதை அறுவடை செய்து அனுபவிப்பவன் வேறொருவனா? என்னய்யா லாஜிக் இது? கேள்விப்பட்ட பழமொழி வேறு மாதிரி இருந்ததே என்று திகைக்கிறீர்களா? இப்படி நடப்பது நம்மூர் அரசியலில் தான் என்றால் கொஞ்சம் புரியாவிட்டால் கூட தலையை ஆட்டிவிட்டுப் போய் விடுவீர்களா? The Print தளத்தில் சேகர் குப்தா அப்படித் தான் இந்த 25 நிமிட வீடியோவில் நம்முடைய கையைப் பிடித்து இழுக்கிறார்!

ஆதிப்பாவம் என்று கிறித்தவர்கள் சொல்வார்களே அது போல 2G ஸ்பெக்ட்ரம் விவகாரத்தில் ஆ.ராசா செய்ததைத் தொட்டு, இன்றைக்கு ஏர்டெல், வோடபோன்- ஐடியா கம்பெனிகள் திவாலாகிற நிலைமைக்குப் போய்விடுமோ என்ற கவலையில் வேறு சில விஷயங்களையும் சேர்த்துச் சொல்கிறார். 2G ஸ்பெக்ட்ரம் விவகாரம் வெடித்துக் கிளம்பியதில்  ஆ.ராசா, கனிமொழி இருவரை மட்டும் திஹார் சிறையில் வைத்த மன்மோகன் சிங் அரசு, 2011 இல் டெலிகாம் துறையில், ஸ்பெக்ட்ரம் விவகாரத்தில் அடுத்துச் செய்த கோளாறால், இன்றைக்கு ஏர்டெல், வோடபோன்- ஐடியா இரு நிறுவனங்களும் தலா 50000 கோடி ரூபாய்களை அரசுக்குச் செலுத்தியே ஆக வேண்டும் என்று உச்சநீதிமன்றம் அதிரடியாகச் சொன்னதுதான் சேகர் குப்தாவின் இந்த புலம்பலுக்குக் காரணம். நரேந்திர மோடி அரசு இந்தவிஷயத்தில் இன்னமும் தலையிடாமல், அந்த இரு நிறுவனங்களைக் காப்பாற்றாமல் இருக்கிறதே என்கிறார். ஸ்பெக்ட்ரம் விவகாரத்தில் அந்த 1, 76000 கோடி ரூபாய்களையே திரும்பத்திரும்பச் சொல்வதில் உள்குத்து ஏதாவது இருக்குமோ? அதை யோசித்துக் கொண்டே, பதிவின் ஆரம்ப வரிகள் பொருத்தமானதுதானா என்றும் சொல்லுங்கள்!

கொஞ்சம் காமெடி இடைவேளையாக இந்தப் படம் கண்ணில் பட்டது. ஒருகாலத்தில் கலிங்கப்பட்டி இருந்த இருப்பென்ன கிரேக்க வரலாறு பேசியதென்ன? #விதிவலியது

.  

இப்படி நையாண்டி நைனாவாக்கி விட்டார்களே! 

தலைப்பு சரிதானா? கொதிநிலைக்குக் கொண்டு போகிறவர்கள் யார்? அரசியல் ஆதாயம் பெறுகிறவர் யார்? எல்லோருக்குமே தெரிந்த விடைகள்தான்! இந்த 19 நிமிட வீடியோவில் ஒரு முன்னாள் போலீஸ் அதிகாரி அவருடைய பார்வையில் சென்னை வண்ணாரப்பேட்டை களேபரங்களைப் பற்றிச் சொல்கிறார். அவருடைய பார்வை ஒருபக்கம் இருக்கட்டும்! சில சிம்பிளான கேள்விகளுக்குப் பதில் தெரிகிறதா சொல்லுங்கள்!

1. CAA வினால் தமிழ்நாட்டில் யாருக்கு என்ன பாதிப்பு? (இந்தியாவில் என்றே கேட்டிருக்கலாம்)   

2. போராட்டக்காரர்களுடைய கோரிக்கைகளில் ஒன்று - நாடாளுமன்றத்தில் நிறைவேற்றப்பட்ட ஒரு சட்டத்துக்கு எதிராக தமிழ்நாடு சட்டசபையும் கண்டனத் தீர்மானம் நிறைவேற்றவேண்டும்  என்பது. கும்பலாகக் கூடிக் கலவரம் செய்தால் அதற்குப் பணிந்து தமிழ்நாடு சட்டசபையும் கண்டனத் தீர்மானம் நிறைவேற்றிவிட  வேண்டியதுதானா? அப்படியே நிறைவேற்றினாலும் சட்டசபைத் தீர்மானத்துக்கு என்ன மரியாதை என்பது தெரிந்துதான் கேட்கிறார்களாமா?

3. அரசியல் சாசனத்தை, தேசியக்கொடியை காட்டிக் கொண்டு நடத்துகிற வன்முறை, போராட்டம், சவடால் பேச்சுக்கள், இறுதியில்  கேலிக்குரியதாகவே  ஆகிப்போகும் என்பது தெரியாமல் தான் நடக்கிறதா?

மீண்டும் சந்திப்போம்.