மண்டேன்னா ஒண்ணு! #கொரோனா அரசியல்! சீனத்துச்சண்டியர் முண்டா தட்டுகிறார்!

கொரோனா வைரசுக்கு மருந்து கண்டுபிடிக்க முடிகிறதோ இல்லையோ அதைவைத்து படு கேவலமாக அரசியல் செய்வதில் இங்கே கழகங்களுக்குத் தாங்களும்  சற்றும் இளைத்தவர்களில்லை என்று சீனத் தம்பட்டங்கள் கிழிந்து தொங்கிப் போனபிறகும் கூட விடாமல் ஒலித்துக் கொண்டிருக்கிற வேடிக்கை,  விசித்திரத்தைக் கவனிக்கிறீர்களா? 

 

அதென்னவோ டூத் பேஸ்ட் விளம்பரங்களாகட்டும், அந்தநாளைய ராம்ஜேத் மலானிகளாட்டும், இன்று சீனாவாகட்டும் பத்து இல்லையென்றால் பத்தாது போலிருக்கிறது! கேப்டன் அமெரிக்கா என்னவானார் என்பதுள்ளிட்டு ஒரு பத்துக்கேள்விகளை  அமெரிக்காவிடம் கேட்கிறதாம் சீனா! வீடியோ 4 நிமிடம். 

வடகொரிய அதிபர்கிம் ஜாங் உன்  உயிரோடிருக்கிறாரா என்பதையே கேள்விக்குறியாக்கி கண்காது மூக்கெல்லாம் வைத்து பரபரப்புச் செய்திகளை அமெரிக்க ஊடகங்கள் கடந்த மூன்று வாரங்களாக ஊதிப் பெரிதாக்கிக் கொண்டிருந்ததற்கு முற்றுப்புள்ளி வைக்கிற விதமாக கிம் கிறுக்கன் பொது மக்களுக்கு தரிசனம் கொடுத்து விட்டாராம்! தவறான அறுவைச் சிகிட்சை, மூளைச்சாவு, அடுத்துப் பதவியேற்கப்போவது யார், கொரிய தீபகற்பத்தில் போர் மூளுமா இப்படிச் செய்திகளை தந்தி மாதிரி முந்திக்கொண்டு தந்ததெல்லாம் பொய்யாகிப்போய்விட்டது. ஏற்கெனெவே கொரோனா வைரஸ் தொற்றைப் பரவவிட்டதில் உலகாநாடுகளிடம் கெட்டபெயரைச் சம்பாதித்துக்கொண்டிருக்கும் சீனா, கிம் ஜாங் உயிரோடிருப்பதில் கொஞ்சம் நிம்மதிப்பெருமூச்சு விடுகிற மாதிரி! என்னதான் சீனா ராணுவ ரீதியில் பலசாலிதான் என்றாலும், சீனப் பொருளாதாரம் செம அடி வாங்கியிருக்கிற சூழலில் ஒரு போரையும் சமாளிக்கவேண்டுமென்றால் மெத்தக்கனம் தான்! ஆனாலும் தென்சீனக்கடலில் தன்னுடைய முழு ஆதிக்கத்தைக் காட்டிக் கொள்வதற்காக, மலேசியா அருகே அமெரிக்கக் கடற்படைக் கப்பலொன்றை சீனக்கடற்படை வலுக்கட்டாயமாக வெளியேற்றியிருக்கிறது. 

 

சீனத்துச் சண்டியர் எதைப்பற்றியும் கவலைப்ப்டாமல் தொடர்ந்து முண்டா தட்டுகிறார்!  டிஜிட்டல் கரன்சியை பரீட்சார்த்தமாக வெள்ளோட்டம் விட்டிருக்கிறார்கள். பிட் காயின் பற்றிக்  கேள்விப் பட்டிருக்கிறீர்களா? ப்ளாக் செயின் டெக்னாலஜி பகுறி இந்தப்பக்கங்களில் முன்னர் எழுதியது நினைவு இருக்கிறதா? டிஜிட்டல் கரன்சிக்கு மாறுவது உட்பட பிளாக் செயின் டெக்னாலஜிக்கு  மாறுவது பற்றி ஷி ஜின்பிங் கம்யூனிஸ்ட் கட்சி ப்ளீனத்தில் பேசியத்தைக் கூட முன்பு  எஹுதியிருக்கிறேன். இந்த 25 நிமிட வீடியோவைக் கொஞ்சம் பாருங்கள். சிலவிஷயங்கள் புரியவரலாம். 

மீண்டும் சந்திப்போம்.   

சண்டேன்னா மூணு! அதிசயம்! ஆச்சரியம்! அரசியல்!

இந்த வலைப்பக்கங்களில் 2008 முதல் வெவ்வேறு விஷயங்களைக் குறித்து எழுதி வருகிறேன். 1200 பதிவுகளையும் தாண்டியாகிவிட்டது. ஆனால் இரண்டுமாதங்களாக 2009  அக்டோபரில் எழுதிய ஒரு பதிவு, சீனப் பெருமிதத்திற்கு வயது அறுபது! தத்துவம் யாருக்கு வேண்டும்? தொடர்ந்து அதிகமாக வாசிக்கப்படுகிற பதிவாக இருந்துவருவதைக் கவனித்து வருவதில் நிறைய ஆச்சர்யங்கள்! சீனா செய்திகளில் மட்டுமல்ல, வலைப்பதிவுகளிலும் அதிகம் கவனிக்கப்படுகிற விஷயமாக இருக்கிறது என்று எடுத்துக் கொள்வதா? ஆனால் சீனப் பெருமிதத்தை, 2019 அக்டோபரில் சீனா எழுபது என்று நடத்திக் காட்டிய அலப்பறைகளை கொரோனா வைரஸ் தொற்று, அனேகமாக அடித்துக் காலிசெய்து விட்டது என்றே சொல்ல வேண்டியிருக்கிறது. அடி பலம்தான், ஆனால் மீண்டெழுகிற திறமையும் சீனர்களுக்கு அதிகமாகவே இருக்கிறது என்பதையும் சேர்த்தே சொல்லியாகவேண்டும்.

இந்த 6 நிமிட வீடியோ 3 நாட்களுக்கு முந்தையது. இதில் சொல்லப்படும் புள்ளிவிவரங்களும் பழசுதான்! ஆனால் நிலைமை என்னவென்று புரிந்துகொள்ள உதவியாக இருக்கும். அதைவிட As WHO director general Tedros Adhanom Ghebreyesus warned recently: “Countries invest heavily in protecting their people from terrorist attacks, but not against the attack of a virus, which could be far more deadly and far more damaging economically and socially.”  என்று சொன்னது இன்னும் அதிகப் பொருத்தமாக இருக்கும். உலகமயமாக்கல், உற்பத்திச் செலவைக் குறைப்பது என்ற விஷயங்களில் உலகம் சீனாவின் பிடியில் சிக்கியிருப்பதைக் கவனிக்க வேண்டாமா? இன்னமும் கூட மலிவான மருந்துகளை சீனா தான் தயாரித்து உலகச்சந்தையில் தள்ளிக் கொண்டிருக்கிறது. ஆன்டிபயாடிக் மருந்துகளுக்காக அமெரிக்கா சீனாவைத்தான் முழுதும் நம்பி இருக்கிறது என்றால் நம்பமுடிகிறதா? ஆனால் அதுதான் உண்மை! வர்க்கப்போரில் டொனால்ட் ட்ரம்ப் சீனாவின் கைகளை முறுக்கியதாகச் சொல்லப்பட்டது. ஆனால் சீனா அமெரிக்காவுக்கு ஆன்டிபயாடிக் மருந்துகள் உட்பட மருத்துவப் பொருட்களை விற்பதை நிறுத்தி இருந்தால், ஒரு போரின் நாசத்தை விட அதிக சேதாரத்தை அமெரிக்கப்பொருளாதாரத்துக்கு உண்டாக்கி இருக்கமுடியும்.

Moreover, this is not the first time China has considered weaponizing its dominance in global medical supplies and APIs. Last year, Li Daokui, a prominent Chinese economist, suggested curtailing Chinese API exports to the US as a countermeasure in the trade war. “Once the export is reduced,” Li noted, “the medical systems of some developed countries will not work.” That is no exaggeration. A US Department of Commerce study found that 97% of all antibiotics sold in the US come from China. “If you’re the Chinese and you want to really just destroy us,” Gary Cohn, former chief economic adviser to US President Donald Trump, observed last year, “just stop sending us antibiotics.” என்று பிரம்ம செலானி தன்னுடைய செய்திக் கட்டுரையில் மேற்கோள் காட்டியிருப்பது நிஜம்தான்.  இந்திய மருந்துப்பொருள் உற்பத்தியிலும் கூட சீனாவின் மலிவான மருந்து மூலப்பொருட்களைத் தான் முக்கால்வாசி நம்பியிருக்கிறோம்.

பிரம்ம செலானி மேலே சுட்டி கொடுத்திருக்கும் செய்திக் கட்டுரை மீது சரியான கேள்வியைத்தான் எழுப்பியிருக்கிறார். கொரோனா வைரஸ் தொற்று மட்டும் சீனாவாக அல்லாமல் வேறொரு நாட்டில் இருந்து  புறப்பட்டிருந்தால் என்னவாகியிருக்கும்? 

      

Quint  தளத்தின் இந்த 7 நிமிட வீடியோவில் கொஞ்சம் ஓவராகவே குதிக்கிறார்கள். தேவையே இல்லாமல் சீனபூச்சாண்டி காட்டுகிறார்கள்.  இங்கே ஊடகங்களுக்கு அரசியல் இல்லையென்று யார் சொன்னது?

கானா பூச்சாண்டி! 

மணி ஜி 16 மணி நேரம் · 

கல்லூரி முதல் வருடம் என்று நினைவு. ஒரு டைப்ரைட்டிங் இன்ஸ்ட்டியூட் வாசலில் நண்பனின் ( ஒரு) காதலிக்காக காத்திருந்தோம். படிக்கட்டில் யாரோ இறங்கி வரும் சத்தம் கேட்டது. ஆனால் வந்தது அவள் இல்லை. யாரோ அவன். நான் டேய் வேற எவனோடா என்றேன். அந்த ஒரு வார்த்தை பற்றிக்கொண்டது. அவன் என் கன்னத்தில் அறைந்தான். நான் எனக்குத்தெரிந்த ஒரு தாதாவிடம் அடைக்கலம் புகுந்தேன். அறைந்தவனும் அவரும் முன்பே பரம விரோதிகள். அது எனக்குத்தெரியாது. பெரிய பிரச்சனையாகியது. நானெல்லாம் இடுப்பில் சைக்கிள் செயினை கட்டிகொண்டே சுற்றினேன் ;)

ஐயப்பனும் கோஷியும் இன்றுதான் அமேசானில் பார்த்தேன். சினிமா இனிமேல் ஒரு ஊரில் ஒரு ராஜா என்றெல்லாம் கதை விடுதல் நடக்காது. ஒரு சின்ன சம்பவம் அல்லது ஒரு பொறி.ஒட்டி நடக்கும் அல்லது நடந்தவை.. இதை மலையாள திரை மொழி வித்தகர்கள் சரியாக பிடிக்கிறார்கள்.. ஐயப்பனும் , கோஷியும்... .. டோண்ட் மிஸ்..

மணி ஜி Sivakumaran Ramalingam

ஆனையை கண்டா நிறுத்து நான் ஓட்டறேன்னு கோஷி சொல்வான். அதுக்கு ட்ரைவர் ஆனையையான்னு கேப்பார். சம்திங்..க்ளா!ஸ்

ஒரு முன்னாள் ராணுவக்காரன்! ஒரு போலீஸ் எஸ் ஐ! இருவருக்கிடையிலான ego clash தொடர்ந்து கொண்டே போவதான ஒரு கதைக்களம். கொஞ்சம் கூடத் தொய்வில்லாமல் படத்தை பிருத்வி ராஜும், பிஜு மேனனும் கடைசிக் காட்சிவரை நகர்த்திக் கொண்டு போகிறார்கள் என்பதைத் தாண்டி படத்தில் என்ன கதை என்ன சொல்ல வருகிறார்கள் என்பதெல்லாம் கேட்கக் கூடாத கேள்விகள்! மம்மூட்டி, துல்கர் சல்மான் நடித்த சமீபத்தைய காவியங்களைப் பார்த்திருந்தால் மணி ஜி நிச்சயமாக மலையாளத் திரையுலகுக்கு இப்படி ஒட்டுமொத்தமாக சர்டிபிகேட் கொடுத்திருக்க மாட்டார் என்றே நினைக்கிறேன். மணிஜி அந்த field க்குள் இருந்து வியக்கிறார். வெறும் பார்வையாளனாக இருந்து என்னுடைய கருத்தை நான் சொல்கிறேன் என்பதில் அரசியல் எதுவுமில்லை!  

ச்சும்மா ஜாலிக்கு! ஒரு மாறுதலுக்காக. மீண்டும் சந்திப்போம்.    

சீனா எழுபது! ட்வீட்டர்! அக்கப்போர் காங்கிரஸ்!

1949 இல் மா சேதுங் தலைமையில் நடந்ததாகச் சொல்லப் படும் சீனப்புரட்சிக்குப் பின்னால் ஒரு 48 வருட உள்நாட்டுப் போராட்டங்கள் தான் இருந்தது. உண்மையைச் சொல்லப் போனால் குழப்பங்கள், போராட்டங்கள் 1958 வரை நீடித்தன. ஆக, சீன மக்கள் குடியரசு (PRC) என்று அமைக்கப்படுவதாக மாவோ அறிவித்த அக்டோபர்  1 ஆம் தேதிதான் சீனாவின் கம்யூனிஸ்ட் கட்சியின் ஆட்சி துவங்கிய நாளாகக் கருதப் படுகிறது என்று சுருக்கமாக அந்தக் குழப்பமான சீன வரலாற்றை மனதில் வைத்துக்கொள்ளலாம்!

   

இன்று  சீனா எழுபது கொண்டாட்ட அலட்டல்களின் ஒரு சிறு காணொளி இது. வாஷிங்டன் போஸ்ட் தளத்தில் ஒரு 2 மணி நேர வீடியோ தொகுப்பையும் பார்த்தேன். சீனா அறுபது, சீனப்பெருமிதம், சீனப்பூச்சாண்டி என்ற வார்த்தைகளில் இந்தப் பக்கங்களில் 2009 ஆண்டுக் கொண்டாட்டத்தைப் பற்றி எழுதிய போது சீனா ஜப்பானைப் பின்னுக்குத் தள்ளிவிட்டு, அமெரிக்காவுக்கு அடுத்தபடி, உலகின் 2வது மிகப் பெரிய பொருளாதாரமாகவும் ஆனது. மிகப்பெரிய  ராணுவ சக்தியாகவும் இருந்தது, இந்தப் பத்தாண்டுகளில் தனது வர்த்தக உபரி, பல சீன நிறுவனங்கள்  சர்வதேச அளவில் பெரிதாக வளர்ந்திருப்பது, என்பதோடு ஒரு கந்துவட்டி ஏகாதிபத்தியமாகவும் வளர்ந்திருக்கிறது! அதுவும் போக அதன் ஆதிக்கக்கனவுகள் பல்வேறு வடிவங்களில் செயல் படுத்தப் படுவதும் இந்தப்பத்தாண்டுகளின் முன்னேற்றம்.  உலகின் நட்டநடுநாயகம் அமெரிக்காவாக இதுவரை இருந்தது மாறி  இந்த நூற்றாணடு சீனாவுடையது, என்கிறமாதிரியான கனவுத்திட்டங்களில்  தற்போதைய சீன அதிபர் ஜி ஜின்பிங் தீவீரமாக இருக்கிறார் என்பதோடு இந்தவிஷயத்தை நிறுத்திக் கொள்ளலாம். Under these circumstances, the party is promoting its historical message more assiduously than ever, at a time which, though very different from the past, bears distinct echoes of it. The “people’s leader” has overseen growing repression, a resurgence of ideology, and is increasingly invoking the idea of struggle. China is seeking to reshape the international order once more. Xi is already looking ahead to the republic’s centenary, 30 years hence. Might another story be told by then? என்று இந்த பிரிட்டிஷ் நாளிதழ் சொல்வதைப் படிக்க  

   

Howdy Modi நிகழ்ச்சியில் பிரதமர் நரேந்திர மோடிக்கு கிடைத்த புகழ் வெளிச்சம் காங்கிரஸ்காரர்களை இன்னமும் உறுத்திக் கொண்டிருக்கிறது. அமெரிக்க இந்தியர்க ளிடையே டொனால்ட் ட்ரம்ப்பை அறிமுகம் செய்கிற விதமாக அவரிடம் தனக்கு என்னென்னவெல்லாம் பிடித்திருந்தது என்று சொல்லிக் கொண்டே வந்ததில் ஒரு வேட்பாளராக டொனால்ட் ட்ரம்ப் ஆப்கி பார் ட்ரம்ப் சர்க்கார் என்று சொன்னதாக புகழ்ந்து பேசியது அமெரிக்கத் தேர்தல்களில் இந்தியா தலையிடுகிற மாதிரி இருப்பதாக  காங்கிரசின் ஆனந்த் ஷர்மா சொன்னதையே மறுபடியும் சொல்லி ட்வீட்டரில் ஒரு அக்கப்போரை இன்று ஆரம்பித்திருக்கிறார் ராகுல் காண்டி. பிரதமர் என்ன சொன்னார் என்பதை வெளியுறவுத்துறை அமைச்சர் மறுபடியும் விளக்கிச் சொன்ன இந்தச் செய்தியை வைத்து 

Rahul Gandhi

@RahulGandhi

Thank you Mr Jaishankar for covering up our PM’s incompetence. His fawning endorsement caused serious problems with the Democrats for India. I hope it gets ironed out with your intervention. While you’re at it, do teach him a little bit about diplomacy.

Don’t misinterpret what was said: Jaishankar on PM ‘endorsing’ Trump at ‘Howdy, Modi’ event

Asserting India's non-partisan stand to domestic American politics, Jaishankar said PM Modi was merely referring to

இன்றைக்கிருக்கும் சோனி காங்கிரசால் ட்வீட்டரில் இந்தமாதிரி வெட்டி அக்கப்போர்களை மட்டும் தான் நடத்த முடியும் என்பதைப் பார்க்கச் சிரிப்புத்தான் வருகுதையா!

ட்வீட்டரில் இன்னொரு சுவாரசியமான ஒரண்டை! வம்பு!

R.Parthiban

@rparthiepan

நீங்க மணவாளனா? மன'வாளனா?

Translate Tweet

Quote Tweet

மணவாளன்

@Manavalan_

· Sep 30

நம்ம வீட்டு பிள்ளை ல நாப்பது பேரு இருக்காங்க ஒருத்த காதபத்திரமும் மனசுல நிக்கல ஆனா ஒரே ஒரு ஆள் தான் இருக்காரு ஆனா நாப்பது பேரு கண்ணு முன்னாடி வந்து போறாங்க #ஒத்தசெருப்பு @rparthiepan

12:49 PM · Sep 30, 2019  

ஒரு படம் நன்றாக இருக்கிறது என்று சொல்வதற்கு இன்னொரு படத்தை மட்டம் தட்டுவதுதான் ஒரே வழி போல! நட்டக்கணக்கு காட்டுவதற்காகவும் கூட இந்த மாதிரிப் படங்களை சில பெரிய தயாரிப்பாளர்கள் எடுப்பார்கள் என்பது அவருக்குத் தெரியாதோ என்னவோ?

மீண்டும் சந்திப்போம்.