இட்லி வடை பொங்கல்! #67 உண்மையைக் கையாளுவது! ஊடகப்பொய்கள்! மீண்டும் பப்பு!

கொரோனா தொற்றைக் கையாளுவதை விட கொரோனா வைரஸ் பற்றி ராகுல் காண்டி மாதிரியான திடீர் மேதாவிகள் வெளியிடும் அறிக்கைகள், அரசுக்கு ஆலோசனைகள் இவற்றைக் கையாளுவது எப்படி என்பதுதான் உண்மையிலேயே இப்போது தலையாய பிரச்சினை என்றால் நம்புவீர்களா?  ஊடக விவாதங்களைக் கொஞ்சநாள் காதில் வாங்கிக் கொள்ளாமல் கழித்துவிட்டு இப்போது மறுபடியும் கேட்க ஆரம்பித்ததில் எனக்கு எழுந்த பிரச்சினை அதுதான்!

 

சேகர் குப்தாவுக்கும் என்னைப்போலவே கொஞ்சம் தடுமாற்றம் இருந்திருக்கும் போல .இந்த 13 நிமிட வீடியோவில் செய்திகளை எப்படிப்புரிந்து கொள்வது என்பதை  டாம் க்ரூஸ் படமொன்றில் வருகிற You Can't handle the Truth  வசனத்தை வைத்து விளக்க முயற்சி செய்திருந்தது கொஞ்சம் சுவாரசியம்! யாருமே உண்மையை நம்புவதற்குத் தயாராக இல்லை, ஆனால் மோசமான செய்தியை அப்படியே ஏற்றுக் கொள்கிற மனோநிலையில் தான் இருக்கிறார்கள் என்ற ரீதியில் சேகர் குப்தா கொரோனா வைரஸ் தொற்று புள்ளிவிவரங்கள் பற்றிச் சொல்கிறார் . சின்ன வீடியோதான், கொஞ்சம் பாருங்களேன்! 

Banu Gomes 48 நிமிடங்கள் · 

Elon Musk [ Tesla ] 1000 வென்டிலேட்டர்கள் வாங்கி இருப்பதாகவும்..அவற்றை ..காலிஃபோர்னியா மருத்துவமனைக்கு கொடுக்க இருப்பதாகவும் அறிவித்து..3 வாரங்கள் ஆகிவிட்ட நிலையில் வென்டிலேட்டர்கள் எதுவும் தங்களுக்கு வரவில்லை என்று மருத்துவமனை சொன்னதாக...CNN செய்தி வெயிட்டிருந்தது .

இதை பார்த்த Elon Musk..உடனடியாக... '' நீங்கள் அனுப்பியிருந்த வென்டிலேட்டர்கள் நன்றாக இயங்குகின்றன. உதவியதற்கு நன்றி'' என்று .மருத்துவமனையிலிருந்து தனக்கு வந்த e mail-ஐ ட்விட்டரில் வெளியிட்டதோடு..இன்னும் CNN எல்லாம் செய்தி ஊடகமாக இயங்குவது ஆச்சரியமளிக்கிறது ! என்றும் கூறி இருக்கிறார். உண்மை தான்.

இதில் ..வேடிக்கை என்னவென்றால்...Twitter-ரே பெரிய பொய் சொல்லி தான். Twitter செய்கிற அரசியலுக்கும், அதன் அப்பட்டமான அரசியல் சார்புகளுக்கும் ...அதனை.. CNN-ன் பெரியண்ணன் என்று கூட சொல்லலாம் :D

சீன வைரஸ் பேரிடர் ..பலவற்றையும் / பலரையும் வெளிப்படுத்தி புரியவைத்துக் கொண்டிருக்கிறது.
#ElonMusk #Tesla #CNN #ChineseVirus

CNN கிடக்கட்டும்! சாதாரண செய்திகளைக் கூட இங்கே நம்மூர் சேனல்கள் எப்படித் தலையைப் பிய்த்துக்கொண்டு மோடி எதிர்ப்பு செய்திகளாக மாற்றலாம் என்று 24 மணிநேரமும் பாடுபடுகிறார்கள் என்பதைக் கொஞ்சம் பாருங்களேன்! ஊடகங்கள் பொய்யிலே பிறந்து பொய்யிலே வளர்பவை என்பது தனியாகச் சொல்லித்தான் தெரிய வேண்டுமா? !!

  

நீலம் பாண்டே இன்றைய The Print தளத்தில் இப்படிப்படம் போட்டுச் சொல்வது ஒன்லைனராகச் சொல்வதானால் பப்பு ரிடர்ன்ஸ் என்பதுதான்! எந்தச் செய்தித்தாளிலும் பார்க்கவில்லையே என்று பிராண்டிக் கொள்ளாதீர்கள்! நேரு மற்றும் வாரிசுகளின் செயல்பாடுகளே கொஞ்சம் விசித்திரமானவை பலநேரங்களில் மிகவும் விபரீதமானவை என்பதை நேரு குடும்ப வரலாறே சொல்லும். அந்தவகையில் சோனியாG இன்றைக்கு டம்மிப்பீஸ் மன்மோகன் சிங் தலைமையில் ஒரு குழுவை அமைத்திருக்கிறார். ராகுல் காண்டி இடம்பெற்றிருக்கிறார். வழக்கமாக எல்லா விஷயங்களிலும் இடம் பிடிக்கும் A K அந்தோணி, அஇந்தக்குழுவில் கமது படேல் மற்றும் குலாம் நபி ஆசாத் இவர்களுக்கு இதில் இடமில்லை. பணப்பசி பானாசீனா, ஜெய்ராம் ரமேஷ்  இந்தக்குழுவில் இடம் பெற்றிருப்பது சும்மா லுலுலாயிக்கு! மன்மோகன் சிங் சேர்மனாம்! அடுத்த இடம் ராகுல் காண்டிக்கு!   Though former Prime Minister Manmohan Singh has been appointed chairman of the committee, with Rahul’s name coming after him on the list, Congress leaders didn’t miss the message — that Rahul has virtually taken direct control of the party affairs after sidelining veterans who were close to Sonia Gandhi since her entry in politics in 1998. என்னாது? ராகுல் காண்டி கட்சியை மீண்டும்  கைப்பற்றி விட்டாரா என்றெல்லாம் கற்பனைக்குதிரையைத் தட்டிவிடாதீர்கள்! செய்தியின் முக்கியமான அம்சம் அகமது படேலைக் கழற்றிவிட்டது, ராகுல் காண்டியின் விசுவாசிகளை வைத்து நிரப்பியிருப்பது என்பது மட்டும்தான்!  The Consultative group is full of members from Rahul Gandhi’s team, including Randeep Singh Surjewala, K. C. Venugopal, Jairam Ramesh, Manish Tewari, Praveen Chakravarty, Gaurav Vallabh, Supriya Shrinate and Rohan Gupta.

        

காங்கிரஸ் கட்சி இனிமேலும் உயிர்த்தெழும், பிழைத்துவிடும் என்று இதற்கு மேலும் கூட  நம்புகிற அப்பாவிகள், நம்புவதற்கான காரணம் ஏதாவது இருந்தால் வந்து சொல்லலாம். தடையில்லை!

மீண்டும் சந்திப்போம்.     

M.P. அரசியல்! காங்கிரஸ் கட்சி ஒழிந்து போகவேண்டும், ஏன்?

கரோனா வைரஸ் தொற்றைக் குறித்து தேவையில்லாத வீண் வதந்திகள், செய்திகளைப் புறக்கணிக்கும்படி நண்பர்களை வேண்டிக்கொள்கிறேன். சுகாதாரத்துறை சொல்லும் யோசனைகளைக் கடைப் பிடித்தாலே நோய்த்தொற்றை ஆரம்பத்திலேயே தடுத்து நிறுத்திவிடலாம். ஹேண்ட் சானிடைசர் அல்லது லைஃபாய் சோப்பை வைத்துக் கைகளைப் பலமுறை சுத்தம் செய்துகொள்ள வேண்டியது முக்கியம். மத்திய பிரதேச காங்கிரசில் நடக்கும் கூத்து என்ன என்பதைக் கொஞ்சம் பார்த்து விடலாமா?

மத்தியப்பிரதேசத்தில் இன்னொரு கருநாடகமா என்று இரண்டு நாட்களாகக் குழம்பிக் கிடந்த காங்கிரஸ் ஊசலாட்டம் ஒரு பரிதாபமான கிளைமேக்ஸை நெருங்கிக் கொண்டிருக்கிறது. மத்தியப்பிரதேச காங்கிரசுக்குப் பொறுப்பாகவும் திறமையாகவும் செயல்பட்ட ஜோதிராதித்ய சிந்தியா காங்கிரசின் அடிப்படை உறுப்பினர் பொறுப்பு உட்பட எல்லாவற்றிலுமிருந்து விலகிக் கொள்வதாக சோனியாவுக்கு கடிதம் அனுப்பிவிட்டார். 

அவருடைய ஆதரவாளர்களான 20 சமஉ க்களும் தங்களுடைய ராஜினாமாவைத் தயாராக வைத்துக் கொண்டிருப்பதாக NDTV பரிதாபமாக நேரலையில் சொல்லிக் கொண்டிருக்கிறது. கர்நாடகாவில் நடந்த மாதிரியே நேற்றிரவு முதலமைச்சர் கமல்நாத் நடத்திய கூட்டத்தில் அனைத்து அமைச்சர்களுடைய ராஜினாமா கடிதங்கள் பெறப்பட்டு, அதிருப்தியாளர்களுக்கு இடம் கொடுக்கிற மாதிரி, ஜோதிராதித்ய சிந்தியாவுக்கு ராஜ்ய சபா சீட் கொடுப்பதாகவும் பேசப்பட்ட பேரம், சமாதானம் எடுபடவில்லை என்று தெரிகிறது. NDTV ஒரு படி முந்திப்போய்  ஜோதிராதித்ய சிந்தியா இன்றைக்கு பிஜேபியில் சேருகிறார், ராஜ்யசபா சீட்டும் பெறுகிறார்  என்று ஆரம்பத்திலிருந்தே சொல்ல ஆரம்பித்து விட்டது. ஆக, 15 மாதகால கமல்நாத் தலைமையிலான காங்கிரஸ் ஆட்சி முடிவுக்கு வருகிறது என்பதில் பிஜேபியைக் குறைசொல்லிப் பயனில்லை.

மத்தியப்பிரதேசத்தில் தேர்தல் வெற்றிக்கு முன்புவரை அடக்கியே வாசித்துக் கொண்டிருந்த பழம்பெருச்சாளி கமல்நாத், வெற்றிக்கு உழைத்த ஜோதிராதித்ய சிந்தியாவை ஓரம் கட்டினார். அவர்வசமிருந்த மாநில காங்கிரஸ் தலைமைப் பொறுப்பையும் தன்வசமாக்கிக் கொண்டார் என்பதில் ஆரம்பித்த பிரச்சினை வளர்ந்து "…this is a path that has been drawing itself out over the last year".  "While my aim and purpose remain the same as it has always been from the very beginning, to serve the people of my state and country, I believe am unable to do this anymore within this party," என்று கசப்புடன் தனது ராஜினாமா கடிதத்தில் சொல்கிற அளவுக்குப் போனதில் பிஜேபியின் பங்கென்ன? அதை விட மிகக்கேவலம், தனது ராஜினாமா கடிதத்தை ட்வீட்டரில் வெளிப்படுத்தியதற்காக, காங்கிரஸ் கட்சி அவரைக் கட்சியிலிருந்து வெளியேற்றியிருப்பது தான்!

காங்கிரஸ் கட்சியின் மிகப்பெரிய பலவீனமே அதற்குத்  தானாகவும் தெரியாது! உண்மை  விசுவாசிகள் சொன்னாலும் ஏறாது! இதற்கு என்ன காரணம் என்று யோசித்துப் பார்த்ததுண்டா? சோனியா காங்கிரஸ் தலைவராக வந்த நாட்களிலிருந்தே அவருடைய நோக்கம் முழுக்க முழுக்கப் பணம் பணம் பணம் என்பதாகத்தான் இருந்து வருகிறது என்பது 2004 - 2014 இந்தப் பத்தாண்டுகளில் வெடித்த ஊழல் புகார்களிலேயே தெளிவாகத் தெரிந்தது. கமல்நாத் இந்த பலவீனத்தைப் பயன்படுத்திக் கொண்டார் என்பது மாநில முதல்வரான கொஞ்சநாட்களிலேயே எழுந்த ஊழல் புகார்களில் வெளிப்பட்டதே, நினைவுக்கு வருகிறதா? 

கட்சித்தலைமையின் பணத்தாசை இப்போது யெஸ் பேங்க் விவகாரத்திலும் வெளிப்பட்டிருக்கிறதே, அதை கவனிக்கிறீர்களா? காங்கிரசை முற்றிலும் ஒழித்துத் தலைமுழுக வேண்டியதன் அவசியத்தை இங்கே இந்தப் பக்கங்களிலேயே பலமுறை சொல்லிவருகிறேன்! இன்னும் ஒருமுறை உரக்கச் சொல்வதற்கான சந்தர்ப்பத்தை, பழம்பெருச்சாளி கமல்நாத் ஏற்படுத்தித் தந்திருக்கிறார். 1984 டில்லியில் சீக்கியர்களைக் கொன்று குவித்த ரத்தக்கறை இன்னும் கமல்நாத் மீது இருப்பதை மறந்துவிட முடியுமா?

மீண்டும் சந்திப்போம்.