வெள்ளிக்கிழமைக் கேள்விகள்! என்னத்த கேள்வி கேட்டு என்னத்த பதில் சொல்ல?

அரசு என்ன செய்தாலும் அதை எதிர்ப்பது எங்கள் உரிமை, போராட்டம், கலகங்களைத் தூண்டுவது மட்டும் தான் எங்கள் வேலை என்றிருக்கும் இடதுசாரி உதிரிகள் கூட இப்போதெல்லாம் அரசியல் சாசன முகவுரையை மேற்கோள் காட்ட ஆரம்பித்திருக்கிற வினோதத்தைக்  கவனித்திருக்கிறீர்களா? கடமைகள், பொறுப்பு இப்படி எதுவுமே இல்லாமல் உரிமைக்குரல் மட்டும் எழுப்புகிற ஓசிச்சோறு ஆசாமிகளை இந்தியத் திருநாட்டில் தான் பார்க்க முடியும் என்பதை அறிந்து வைத்திருக்கிறீர்களா? எதையும் விளையாட்டாக, லீவு நாள் கொண்டாட்டமாக மட்டுமே போராட்டங்களை நடத்தத் தயாராக இருக்கிற மாணவர்களையும் கெடுத்து, தங்களுடைய அரசியல் அஜெண்டாவை, ஜனநாயக வழிகளில் நடத்தாத திராணியில்லாத காங்கிரசும், இடதுசாரிகளும் கேஜ்ரிவால் போன்ற உதிரிகளும் CAA / NRC / NPR இப்படி எல்லாவற்றையும் எதிர்த்துப் போராட்டங்களை, கலகங்களைத் தூண்டிக் கொண்டே இருப்பதன் பின்னணி என்னவென்றாவது யோசித்துப் பார்த்ததுண்டா?     

CAA / NRC விவகாரங்களைக் குறித்து இந்த 29 நிமிட வீடியோவில் பானு கோம்ஸ் எளிமையாக விளக்குகிறார். கொஞ்சம் கேட்டுத் தான் பார்க்கலாமே! இதன் பின்னணியில் தேர்தல் அரசியல் கணக்குகள் மட்டும் தான் இருக்கிறது என்பதுகூடப் புரியாத அத்தனை அப்பாவியா நீங்கள்? !! 

புதுடில்லியில் ஷாஹீன் பாக் என்ற இடத்தில் CAA / NRC / NPR எதிர்ப்புக்  குரல்கள் தொடர்ந்து கொண்டே இருக்கிறதே! என்ன காரணம் என்பதை PGurus தளத்தில் அட்சய் சந்தர் படம் போட்டே சொல்கிறார்!   

Subramanian Swamy 

@Swamy39

Shift Shaheen Bagh protesters to makeshift camps: Subramanian Swamy to PM Modi - https://goo.gl/alerts/voG68 #GoogleAlerts

கீச்சை மொழிபெயர்

Shift Shaheen Bagh protesters to makeshift camps: Subramanian Swamy to PM Modi

The sit-in has led to long traffic snarls at arterial roads, especially the highway which connects Delhi to Noida, affecting lakhs of commuters

    

இடைஞ்சல் செய்வதொன்றே இந்தப் போராட்டத்தின் நோக்கம்! என்ன செய்ய வேண்டுமென்று டாக்டர் சுப்ரமணியன் சுவாமி வழி சொல்கிறார்! பிஜேபியில் இருந்து கொண்டே டெல்லி தேர்தல்களில் washout ஆக வழிசொல்கிற துணிச்சல் அவருக்கே உண்டானது! 

MNS என்று தனிக்கடை நடத்துகிற ராஜ் தாக்கரே U டர்ன் அடித்து பிஜேபி பக்கம் நெருங்குகிறாராம்! கார்டூனிஸ்ட் சதீஷ் ஆசார்யாவுக்கு வேறு நல்ல யோசனை தெரிந்தால் ராஜ் தாக்கரேவிடம் சொல்லட்டுமே! யார் தடுத்தார்களாம்? !!

  

கார்டூனிஸ்ட்டுகளுக்கும் கூடக் கவிஞர்கள் மாதிரிப் பொய்யிலேயே  படம் வரைய லைசன்ஸ் இருக்கிறதா என்ன? IMF, பணமதிப்பிழப்போடு முடிச்சுப்போட்டு, காங்கிரஸ்காரன் மாதிரியே சொன்னதா என்ன? !!  

இந்தப்பக்கங்களில் திரைப்பட விமரிசனம் என்று மிகக் குறைவாகவே இருக்கும்! காரணம் பெரிதாக எதுவும் இல்லை. ஒரு மாறுதலுக்காக நம்ம வால்பையனோட  சேக்காளி எழுதின திரை விமரிசனம்!  

Rajan Radhamanalan  3 மணி நேரம் · 

Evil Skeptic மாதிரியான கான்செப்ட்ட தொட விரும்பற ஒரு கதை கன்வின்சிங்கா சொல்லப்படாமப் போறது ஒரு துரதிர்ஷ்டம் தான்; ஒருகட்டத்துல அதோட நோக்கமே போலித்தனமானதோனு சந்தேகம் வர வெச்சுடுது.

ராட்சசன் அளவுக்கு சைக்கோ மாரலி கரப்ட் கிடையாது. ஆனா வெறும் பொழுதுபோக்கு நோக்கத்தோட எடுக்கப்பட்ட ராட்சசன்ல கூட வில்லனுடைய தோள் மேல ஆடியன்ஸ் பயணிக்கல; கதை நெடுக சுவாரசியத்துக்குத் தேவையான பதட்டத்தக் கடத்துச்சு. ஆனா இதுல உள்ள நமத்துப்போன லாஜிக்குகளும் & சோதாவான கேரக்டர்களும் சைக்கோவோட கொலைகளப் பாத்து ஆடியன்ஸ் கைதட்ற நிலைமைய உண்டாக்கிடுது.

சைக்கோ/ சோசியோபாத்களுக்கு கண்டிப்பா ஒரு மோசமான குழந்தைப் பருவம் இருக்கணும்ன்ற பலவீனமான ஐடியாவ மிஷ்கினும் தூக்கிட்டு வருவாப்டினு எதிர்பாக்கல. சைக்கோலருந்து இளையராஜாவ கழிச்சுட்டு பாத்தா நடுநிசி நாய்கள் தான் மீதி இருக்கும்.  

விமரிசனத்தைப் படிப்பதற்கு முன்னாலேயே, இதைப் பார்ப்பதைத் தவிர்க்கத்தான் நினைத்திருந்தேன்! விமரிசனம் பார்த்தபிறகு....... எண்ணம் உறுதியானது.

இங்கே கேள்விமேல் கேள்வியாக இருப்பதற்கு, யாரேனும் வந்து பதில்சொல்வார்கள் என்ற நப்பாசை கூடத்தான் இல்லை! அதுக்கென்னவாம் இப்போ? !!

மீண்டும் சந்திப்போம்.        

  

மண்டேன்னா ஒண்ணு! #அரசியல் தமிழகம் தனிரகம் தான்!

தமிழ்நாட்டின் அரசியல் காலத்தைக் கொஞ்சம் கூர்ந்து கவனித்தீர்களானால் நாட்டின் எந்தப்பகுதியோடும் ஒட்டாமல் எதையும் ஏற்காமல் தனித்தீவாகவே வைக்க முயற்சிகள் காலம்காலமாக நடந்துவருவதை பார்க்க முடியும். பிராந்தியவாதம், பிராந்தியக்கட்சிகள் செய்து வரும் திரிசமன் இது என்பதைத் தனியாகச் சொல்ல வேண்டியதே இல்லை. 1962 களில்  தலைதூக்க ஆரம்பித்த இந்த விஷவிருட்சம் சுமார் 60 ஆண்டுகளுக்கும் மேலாக வளர்ந்து வலுவாக வேர் பிடித்திருப்பதில், அகற்றுவதன்பது மிகவும் கடினமான காரியம். நண்பர் மாணிக்கம் சிலகாலமாக கழகங்கள் இல்லாத தமிழகம் என்று கொடிபிடித்து வருவதில், கருத்து உடன்பாடு இருந்தாலும் செயல்வடிவத்தில் அதைச் சாதிப்பது எவ்வளவ் கடினமானது என்பதை அனுபவபூர்வமாகக் களத்திலேயே பார்த்ததுதான்!

  

கட்சிகளை உடைப்பதில் தகப்பன் காலத்திலிருந்தே அனுபவம் நிறைய இருந்த இந்திரா காண்டியே, மாநிலக் கட்சிகளுடன் கூட்டு வைத்துக் கொள்ள வேண்டிய அவலத்துக்குத் தள்ளப்பட்டது சமகால வரலாறுதான்! இந்திரா காலத்தில் PMRY போன்ற மத்திய அரசுத்திட்டங்களில் காசுபார்ப்பது காங்கிரஸ் காரனுக்கென்றும் IRDP போன்ற திட்டங்களில் மாநிலக் கூட்டாளி காசுபார்ப்பதென்றும் ஒரு அறிவிக்கப்படாத கூட்டணி தர்மத்தை, பொதுத்துறை வங்கிகளில் கொள்ளை அடிப்பதற்கு நடைமுறைப்படுத்தின பழைய காலம். மாநிலத்தில் தனிக்கொள்ளை!மத்தியிலே கூட்டுக கொள்ளை! என்பதாக கூட்டணி தர்மத்தில் மத்தய மாநில உறவுகள் தெளிவாக வரையறுக்க படுகிற காலமும் பிறகு வந்தது! UPA 1 & 2 (2004-2014)  

ஆனால் மாமியாரை மிஞ்சிய மருமகளாக சோனியா நிழல் பிரதமராக இருந்த 10 ஆண்டுகளின் கதையே வேறாக! மாநிலக்கட்சிகள் தங்களுடைய திறமையைப் பயன்படுத்தி காங்கிரசுக்கு சம்பாதித்துக் கொடுத்து விட்டு அவர்களும் சம்பாதித்துக்கொள்ளலாம் என்பதே கூட்டணி தர்மமாக இருந்ததை ஐமுகூ வெர்ஷன் 1 & 2 வில் பார்த்த ஞாபகம் இருக்கிறதா? இப்போது அகில இந்தியத் தலைமையோடு (சோனியா & வாரிசுகள்) நெருக்கமான உறவில் இருக்கும் திமுக, தன்னுடைய இருப்பைக் காப்பாற்றிக் கொள்வதற்காக, கூட்டணியை முறிக்காது என்பதுதான் கள யதார்த்தம் என்றாலும் கூட்டணியில் விரிசலா, விரிசல் வருமா என்பதெல்லாம் கொஞ்சம் அதிகப்படியான கற்பனை!

இதில் புரிந்துகொள்ள வேண்டிய முக்கியமான விஷயம், காங்கிரசுக்கு இன்னமும் கூட நாடெங்கிலும் வாக்கு வங்கி ஒன்று இருந்தாலும், ஜனங்களிடமிருந்து மிகவும் அந்நியப்பட்டுப்போன பலவீனமான ஸ்தாபன அமைப்பு, காசுபார்ப்பதில் நாற்காலிக்காக அடித்துக் கொள்வதில் மட்டுமே குறியாக இருக்கும் தலைவர்கள் என்று சோனியா காண்டியின் தலைமையை ஏற்பதற்குத் தயங்கும் மாநிலக்கட்சிகள் என்றாகிக் கொண்டிருப்பதிலும் கூட திமுக  தனித்து நிற்பதைக் கவனிக்க முடிகிறதா? மம்தா பானெர்ஜி மாதிரி தைரியமாகத் தனித்தே களமிறங்குவது, திமுகவுக்கு சாத்தியமே இல்லை. விசிக, இடதுகள், மதிமுக மாதிரி பைசா பிரயோசனமில்லாத உதிரிகளையும் கட்டியழ வேண்டிய நிலைமையில் தான் உள்ளாட்சித் தேர்தல்களில் 44% வாக்குகளை வாங்கியதாகச் சொல்லப் படுகிற திமுக இருக்கிறது என்பது மாநிலக் கட்சிகளுடைய வீச்சும் செல்வாக்கும் தேய்ந்து கொண்டே வருகிறது என்பதற்கான மிகச்சிறந்த உதாரணம்.

காங்கிரஸ்காரனால் சோறுதண்ணி இல்லாமல் கூட இருக்க முடியும்! !ஆனால் பதவி நாற்காலி இல்லாமல் உயிர் வாழமுடியாது என்பதை இந்தப்பக்கங்களில் பல முறை சொல்லி வந்திருக்கிறேன். மஹாராஷ்டிராவில் சிவசேனாவுடன் கூட்டணி அமைத்து மந்திரிகளான மிதப்பில் குறிப்பிட்ட அரசு பங்களா தான் வேண்டும்! அந்தக்குறிப்பிட்ட இலாகாதான் வேண்டும் என்கிற குடுமிப்பிடி சண்டை ஓயாததில் ஒரு காங்கிரஸ் தலைவரே சிவசேனாவை ரொம்பவமே நெருக்காதீர்கள் உள்ளதும் போய்விடும் என்று எச்சரிக்கை செய்திருக்கிறார். திமுகவைப்பற்றிப் பேசும் போது எதற்கு மஹாராஷ்டிரா உதாரணம்? பிச்சையெடுப்பவனுக்கு எதைப்பிச்சைபோட வேண்டும் என்று அதிகாரம் செய்கிற உரிமை இல்லை! beggars can't be choosers!

ரவீந்திரன் துரைசாமி பார்வையில் ஒரு 32 நிமிட உரையாடல்  கொஞ்சம் யோசித்துப்பார்க்க உதவியாக.

மீண்டும் சந்திப்போம்.  

இன்றைக்கென்ன செய்தி விசேஷம்? #நெல்லை கண்ணன்

பிரதமர் நரேந்திர மோடி இந்த வருட சுதந்திர தினத்தன்று அறிவித்தபடியே, ஜெனெரல் பிபின் ராவத், முப்படைகளின் ஒருங்கிணைந்த தலைவராக (Chief of Defence Staff) ஆக இன்று பொறுப்பேற்றிருக்கிறார். ராணுவத்தளபதியாக இன்று ஓய்வு பெறுகிற நிலையில் ஜெனெரல் பிபின் ராவத் அடுத்த மூன்றேகால் வருடங்களுக்கு முப்படைகளையும் ஒருங்கிணைக்கிற தலைமைப் பொறுப்பில் இருப்பார்.

ரிபப்லிக் டிவியின் நேற்றைய விவாதத்தில் பிபின் ராவத்தின் நியமனம் பாகிஸ்தானிகளுக்கு கலக்கம் தருகிற மாதிரி இருந்ததாகச் சொல்கிறார்கள். பாக்கிகளுக்கு எப்படி இருந்ததோ தெரியாது, நம்மூர் சோனியா காங்கிரஸ்காரர்களுக்கு செந்தட்டி தடவிய மாதிரி எரிகிறதாம்! ஒரு காங்கிரஸ்காரர் ஜனாதிபதி பிபின் ராவத்தைப் பதவிநீக்கம் செய்யவேண்டும் என்கிறார். காங்கிரஸ் செய்தித்தொடர்பாளர் மனீஷ் திவாரி வரிசையாக 4 ட்வீட்களில் காங்கிரசின் எரிச்சலை வெளிப்படுத்தியிருக்கிறார்.  ஒரு விஷயம் மட்டும் தொடர்ந்து உறுதியாகிக் கொண்டே வருகிறது! காங்கிரஸ் எதை எதிர்த்தாலும், அது இந்த நாட்டுக்கு மிக நல்லது என்பது தான் அது!  

நம் நாட்டில் இப்போது தரைப்படை விமானப்படை, கடற்படை ஆகியவற்றுக்கு தனித்தனியாகத் தளபதிகள் உள்ளனர். ஆனால், போர்க்காலங்கள், அவசர நேரத்தில் இந்த மூன்று தளபதிகளையும் ஒருங்கிணைத்துச் செயல்படுத்த, வழிநடத்தத் தலைமைத் தளபதி என்று இல்லை, இதற்கான நடைமுறைச் சிக்கல்கள் எழுந்தன. இது கார்கில் போரின்போது உணரப்பட்டது.

இதுகுறித்து ஆய்வு செய்ய அமைக்கப்பட்ட வளர்ந்த நாடுகளில் இருப்பது போல முப்படைக்கும் தளபதி (Chief of Defence Staff CDS) பதவியை உருவாக்க வேண்டும் என பரிந்துரைத்தது பிரதமர் மோடி தலைமையில் பாதுகாப்பு விவகாரங்களுக்கான அமைச்சரவை கூட்டம் கடந்த 24 ம் தேதி நடைபெற்றது. இதில் புதிதாக முப்படை தலைமை தளபதி பதவியை உருவாக்க ஒப்புதல் வழங்கப்பட்டது.

இந்த புதிய தலைமைத் தளபதியாக ஓய்வு பெற்ற ராணுவத் தளபதி பிபின் ராவத் நியமிக்கப்பட்டுள்ளார் என்று இந்து தமிழ்திசை செய்தி சொல்கிறது. பிபின் ராவத் தலைமைத் தளபதியாக என்ன செய்வார் என்பதையும் மத்திய அரசு தெளிவுபடுத்தியிருக்கிறது. இப்படிக் கூடுதல் விவரங்களை இங்கே பார்க்கலாம். 

சிவகங்கைச் சின்னப்பையன் என்று சொன்னவர் செத்துப் போய்விட்டார். ஆனாலும் அந்த சின்னப் பையன் இமேஜை இன்றும் மறக்காமல் குத்திக் காட்டுகிறார்களே! என்ன செய்ய?!  

  

சதீஷ் ஆசார்யா என்ன சொல்ல வருகிறார்? D K  சிவகுமார் செய்த பாவங்களுக்காக சிலுவை சுமக்கிறார் என்றா?

  

நெல்லை கண்ணன் என்கிற காங்கிரஸ் கிறுக்கன் என்னதான் அப்படிப் பேசிவிட்டாராம்? எனக்கும் ஆரம்பத்தில் ஆச்சரியமாகத்தான் இருந்தது.  முதல் 5 நிமிடங்களுக்குள்ளாகவே வன்மமும் விஷமமும் வெளியே கொட்டப்படுகிறது. காங்கிரஸ்காரன் என்றால் தெரிந்தே பாவங்களைச் செய்கிறவன்தானா?

இந்தமாதிரி கிறுக்கர்களை ச.ட்டமும் காவல்துறையும் என்ன செய்யப்போகிறது? அதை நீங்கள் தான் சொல்ல வேண்டும். பேசவேண்டிய நேரத்தில் பேசாமல் இருந்து விடும் தவறைத் தொடர்ந்து செய்யப் போகிறோமா?

மீண்டும் சந்திப்போம்.  

மண்டேன்னா ஒண்ணு! #அரசியல் என்றாலே பொய்தானா?

இந்திய ஜனநாயகம் என்னமோ ஒரு அரசியல் சாசனம் வகுத்துத் தந்திருக்கிற, எதுவானாலும் விவாதித்து முடிவு செய்கிற ஒரு நாடாளுமன்ற ஜனநாயகம் என்று தவறான கற்பிதத்தில் இருக்கிறீர்களா என்ன? ஆனால் சோனியாவின் வாரிசுகள் ராகுல் காண்டியும் சரி, ப்ரியங்கா வாத்ராவும் சரி, அடுக்கடுக்காகப் பொய்களை அள்ளிவீசுவதுதான் சரியான நடைமுறை என்று நினைத்துக்கொண்டு அரசியல் செய்கிற மாதிரி இருக்கிறது! நடப்பவைகளைக் கவனிக்கிறீர்களா?

உபி போலீஸ் தன்னிடம் கடுமையாக நடந்து கொண்டார்கள். கழுத்தைப்பிடித்துத் தள்ளினார்கள் என்று என்று பப்பி ப்ரியங்கா ஒரு புளுகை அவிழ்த்து விட்டதை காங்கிரஸ்காரர்கள் ஒருசிலரே நம்பினார்கள் என்றால் என்ன சொல்ல? பப்பிக்கமைந்த Gaப்பு ராபர்ட் வாத்ரா உடனே பப்பியின் வீரத்தைப் புகழ்ந்து ட்வீட் செய்ய, இப்படி  நடந்த கேணத்தனமான காங்கிரஸ் காமெடியைப் பார்ப்பதற்கு முன்னாலேயே பிரகாஷ் ஜவடேகர் இந்தியாவின் மிகப்பெரிய பொய்யர் பட்டத்தை ராகுல் காண்டிக்கு கொடுத்து விட்.டார். ஆனால் காங்கிரசுக்குள் யார் அதிகமாகப் பொய் சொல்வது, யார் இங்கே கழகங்கள் பாணியில் எழவு வீடு தேடிப்போய் அரசியல் செய்வது என்பதில் பப்பு ராகுலுக்கும் பப்பி ப்ரியங்காவுக்கும் அறிவிக்கப்படாத போட்டி ஒன்று நடந்து கொண்டிருப்பதை, மேலே 7 நிமிட வீடியோவில் சுருக்கமாகச் சொல்லிவிட்டுப் போய்விடுகிறார்கள்!        

  

இது நேற்றுமுன்தினம் காங்கிரசின் 135 வது அனிவெர்சரி கூட்டத்தில் பிரியங்காவை நோக்கிப் பாய்ந்து வருகிறார் ஒருவர். தடுக்க முயலும் பாதுகாப்பு அதிகாரிகளைத் தடுத்துவிட்டு, ப்ரியங்கா அந்தநபருடன் போட்டோவுக்குப் போஸ் கொடுக்கிறார் என்பது முதல்முறையல்ல, பலமுறை அரங்கேற்றப் படும் நிகழ்ச்சிதான். ராகுல் காண்டிக்கு போட்டியாக தானும் இருப்பதை ப்ரியங்கா அவ்வப்போது இந்த மாதிரி ஸ்டண்ட் அடித்துக் காட்டுவதுதான்! சோனியா காண்டி மகனுக்கு மட்டுமே ஆதரவு கொடுக்கிற மாதிரித் தான் தற்போதைய நிலவரம். 

சோனியா வாரிசுகள், முலாயம்சிங் வாரிசு அகிலேஷ், கன்ஷிராம் வாரிசு மாயாவதி, பிஹாரில் லொள்ளு பிரசாத் யாதவ் வாரிசு இவர்களெல்லாம் என்ன மாதிரி அரசியல் செய்கிறார்கள்? சேகர் குப்தா இந்த 22 நிமிட வீடியோவில் கொஞ்சம் சுவாரசியமாக அலசுகிறார். எவரும் ஒரு அர்த்தமுள்ள அரசியலைக் களத்தில் நின்று செய்யவில்லையே என்பது அவருடைய அங்கலாய்ப்பு.

பொய்முகம் காட்டுகிறவர்களுக்குக் களத்தில் இறங்கி அரசியல் செய்யத்தெரியவில்லை என்பது ஆகப்பெரிய பரிதாபம்! தங்களைத்தவிர ஆளப்பிறந்தவர்கள் இங்கே எவருமில்லை என்கிற மிதப்பில் மட்டுமே திரிகிற கூட்டம் காங்கிரஸ் மட்டுமே அல்ல, அதே மாதிரியான மிதப்பு  தான் மாநில அளவில் மட்டுமே துள்ள முடிகிற மாநிலக்கட்சிகளுக்கும் இருக்கிறது.

    

FirstPost தளத்துக்காக மஞ்சுள் வரைந்த இந்த கார்டூன் கள யதார்த்தத்துக்கு நெருக்கமாக இருப்பதாக எனக்குப் படுகிறது.

இந்தப்பதிவில் பேசப்பட்ட விஷயங்கள், பகிரப்பட்ட வீடியோக்கள், கார்டூன்கள் பற்றி என்ன நினைக்கிறீர்கள்? சொல்ல வந்த விஷயம், குழப்பமில்லாமல் சொல்லப்பட்டதா? பதிவை எழுதியவருடன் கருத்து  உடன் படமுடிகிறதா? முடியவில்லையா?

கொஞ்சம் சொல்லுங்களேன்! காத்திருக்கிறேன்.

மீண்டும் சந்திப்போம்.         

      

இரு வேறு விவாதங்கள்! இரண்டும் வேறு விஷயங்களில்!

ஒருவழியாக தமிழக பிஜேபிக்குள் இருந்த முரண் பாடுகள் வெளியே வெடித்ததில் பாரிவேந்தர் நடத்தும் பல்கலைக்கழகத்தில் டய மண்டுவுக்கு கௌரவ டாக்டர் பட்டம் பாதுகாப்புத்துறை அமைச்சர் ராஜ்நாத் சிங் வழங்குவதாக இருந்த நிகழ்ச்சி தடுத்து நிறுத்தப் பட்டிருக்கிறது. தமிழக பாஜக நிர்வாகிகளில் எவருக்கும் இல்லாத சொரணை, கீழ்மட்டத் தொண்டர்கள் மத்தியில் பெரும் கொந்தளிப்பாக வெளிப்பட்டதில் ராஜ் நாத்சிங் நிகழ்ச்சியை ரத்து செய்துவிட்டார். ஆக தனக்கான தேசிய அங்கீகாரத்துக்காக காய்களை நகர்த்திவந்த வைரமுத்து மூக்குடைபட்டு நின்றதுதான் மிச்சம்.

   

#MeToo விவகாரத்தில் வைரமுத்து மீது பாலியல்சீண்டல் புகாரை வெளிப்படையாகச் சொன்ன பாடகி சின்மயி ட்வீட்டரில், தன்னுடைய எதிர்ப்பை மறுபடி ஆரம்பித்து விட்டார் என்பதில் ஆச்சரியப்பட ஒன்றுமே இல்லை. வைரமுத்து தனக்கிருந்த செல்வாக்கை வைத்து தன் மீது எழுப்பப்பட்ட புகாரை ஒன்றுமில்லாமல் செய்து விட்ட கோபம் இப்படி வெளிப்படுவது இயல்புதான். வீடியோ 59 நிமிடம். மதன் ரவிச்சந்திரன் கலக்குகிறார்.  

வேறொருவர் கையால் டாக்டர் பட்டம் பெறுவதில் டய மண்டுவுக்கு விருப்பமில்லை என்பதாக ஒரு செய்தி இருக்கிறது. கிஷோர் கே சுவாமி ஒரு ட்வீட்டர் செய்தியில் கேட்ட மாதிரி இந்தச் செய்தியை வைத்து எந்தவொரு சேனலும் விவாதம், நிகழ்ச்சியை நடத்த முன்வரவில்லை இப்படி ஒரு தலைகுனிவு டயமண்டுக்கு ஏற்பட்டது என்ற செய்தியைக் கண்டு கொள்ளவில்லை.

பிபின் ராவத் சொன்னதில் எந்தத்தவறுமே இல்லை. ராணுவத்தளபதியாக கருத்துச் சொல்லக்கூடாதா? இந்த மாதிரியான விவாதமே மிக மிக அனாவசியம். விஷமத்தனமான உள்நோக்கம் கொண்ட விவாதம் 50 நிமிடம். புதிய தறுதலைகளாக இத்தகைய ஊடகங்கள் சேனல்களில் உருவாகிவருகிற நபர்களைக் குறித்து எச்சரிக்கையோடு இருக்கவேண்டியது அவசியம்.

மீண்டும் சந்திப்போம்.      

இருவேறு விவாதங்கள்! புரிந்துகொள்வதென்ன?

நேற்றைக்கு இங்கே சென்னையில் திமுக +உதிரிகள் பேரணி(போரணி?)  ஒன்றை நடத்தி முடித்து விட்டார்கள். குடியுரிமை சட்டத்திருத்தத்தை எதிர்த்து சிறிது கோஷங்கள் போடப்பட்டன. மேடையில் இருந்த பானாசீனா, வீரமணி, வைகோ உள்ளிட்ட பிரமுகர்கள் எவரும் வீரவுரை ஆற்ற அழைக்கப்படவில்லை. மிகக் குறுகிய நேரத்திலேயே இசுடாலின் நன்றி உரையோடு பேரணி முடித்துவைக்கப்பட்டது. மேம்போக்காகப் பார்க்கையில் திமுகவுக்கு இது அரசியல் ரீதியாக இன்னொரு பிரசாரம், அவ்வளவுதான்! 

வின் நியூஸ் சேனலில் நேற்றிரவே மதன் ரவிச்சந்திரன் திமுக பேரணி தோல்வியா? அலுங்காத சென்னை அதிராத டெல்லி என்ற தலைப்பில் ஒருமணிநேர விவாதத்தை சுறுசுறுப்பாக  நடத்தி முடித்துவிட்டார் என்பதற்கு மேல் சொல்வதற்கு வேறு ஏதாவது இருக்கிறதா?

ஒரு சட்டமசோதாவில் சொல்லப்படாத விஷயங்களைத் திரித்து ஒரு குறிப்பிட்டபகுதியினரிடையே அச்சத்தைத் தூண்டமுடியுமா? முடியும் என்பதை குடியுரிமை சட்டத் திருத்தம் மீது கிளப்பிவிடப்பட்ட புரளிகள், பொய்கள் அதைத் தொடர்ந்த கலவரங்கள் என்று நன்றாகவே நிரூபித்துக் காட்டப்பட்டிருக்கிறது. திருமதி நிர்மலா சீதாராமன் நிதானமாக இந்த 41 நிமிட நேர்காணலில் விளக்குகிறார்.

ஒரே விஷயம் தான்! இருவேறு கோணங்களில் பார்க்க உதவியாக இருவேறு விவாதங்கள்.

மீண்டும் சந்திப்போம்.            

சண்டேன்னா மூணு! #அரசியல் ராகுல் காண்டி! டாக்டர் சுவாமி! உ.நிதி!

ஜார்க்கண்ட் மாநிலத் தேர்தல் பிரசாரங்களிலும் சரி, அகில இந்திய அரசியலிலும் சரி, மறுபடி ராகுல் காண்டியை  முன்னிறுத்துகிற விதமாக சோனியா முனைந்திருப்பது, தெரிகிறதா? ஆயிரம் தான் பிரியங்காவும் ஊட்டுக்கார் வாத்ராவும் காங்கிரசைக் கைப்பற்ற விரும்பினாலும், சோனியாவின் சாய்ஸ் பப்புதான் என்பது பல சந்தர்ப்பங்களிலும் நிரூபிக்கப் பட்டிருப்பது போலவே இப்போதும் கூட நடந்து வருவதை டாக்டர் சுப்ரமணியன் சுவாமியைத் தவிர வேறு யார் இத்தனை தெளிவாகச் சொல்லி விட முடியும்? சொல்லுங்கள் பார்க்கலாம்!

கடந்த சிலநாட்களாகவே ராகுல் காண்டியின் உளறல் அளவுக்கு மீறிப் போய்க்கொண்டிருக்கிறது. ராகுல் காண்டி பேசுவதற்கெல்லாம் என்ன மரியாதை கிடைக்கும்?  இந்த 9 நிமிட வீடியோவில் டாக்டர் சுவாமி நறுக்குத் தெறித்தாற்போல பதில் சொல்கிறார். மணிக் கணக்கில் காங்கிரஸ்காரர்கள் பேசுவதற்கெல்லாம் விடை இங்கேயே கிடைத்துவிடுகிறதோ? பாருங்களேன்!

காங்கிரஸ்காரர்களுடைய யோக்கியதை என்ன? திரும்பிப் பார்ப்பதற்கு உதவியாக சுமார் எட்டு வருடங்களுக்கு முன்னால் துக்ளக் ஆண்டுவிழாவில் ஆசிரியர் சோ பேசியது கிடைக்கிறதே! வீடியோ 48 நிமிடம் முதல் பத்து நிமிடங்களிலேயே சோ உங்களுக்குச் சொல்லவேண்டியதைச் சொல்லி விடுகிறாரே! இது என்ன அதிசயம்!

டாக்டர் ஜாகிர்  ஹுசைன் என்று ஒரு ஜனாதிபதி இருந்தாரே, நினைவிருக்கிறதா? காங்கிரஸ் கட்சியில் இருந்த கல்வியாளர். பீகார் கவர்னர்   துணை ஜனாதிபதி அப்புறம் ஜனாதிபதி என்றானாலும் அமைதியாக, இஸ்லாமிய மக்களுடைய கல்வியில் அதிக அக்கறையுடன் செயல்பட்டு வந்தவர். தேசிய முஸ்லிம் பல்கலைக்கழகம் என்று 1920 இல் உத்தரப் பிரதேசத்தில் ஆரம்பித்து 1925 வாக்கிலேயே டில்லிக்கு இடம் பெயர்ந்து ஜாமியா மில்லியா இஸ்லாமியா என்ற பெயருடன் வளர்ந்த பல்கலைக் கழகத்தின் வளர்ச்சியில் டாக்டர் ஜாகிர்  ஹுசைன் பங்கு மகத்தானது. ஆனால் அங்கேயும் அரசியல் புகுந்து மாணவர்களையும் ஆசிரியர்களையும் ஆட்டுவிக்கிறது. குடியுரிமைச் சட்டத்திருத்த மசோதாவுக்கு எதிராக மாணவர்கள் ஆரம்பித்த போராட்டத்தில் வன்முறையும் இருந்தது போலவே போலீஸ் தடியடிப் பிரயோகமும் நடந்தது. 

பல்கலைக்கழக நிர்வாகம் வெகு அசாதாரணமாக ஒரு அறிக்கை வெளியிட்டிருக்கிறது. சென்ற   வெள்ளிக் கிழமை நடந்த வன்முறைக்கும்                JMIயில் பயிலும்  மாணவர்களுக்கும் சம்பந்தமில்லை. சுற்று வட்டாரத்தில் இருந்து வந்த அந்நியர்கள்தான் வன்முறை  நடத்தியது என்கிறார்கள்! மத்திய அரசின் நிதியுதவியோடு நடக்கிற JMI, JNU மாதிரியான பல்கலைக்கழகங்களில் மாணவர்களை அரசியலுக்கு இழுத்து கலவரங்கள்உ , போராட்டங்கள் நடத்தி வருவதன் பின்னணியில் யார்யார் இருக்கிறார்கள் என்பதை இந்தப்பக்கங்களில் பலமுறை பார்த்திருக்கிறோம். 

குறுகிய ஆதாயங்களுக்காக இங்கே அரசியல்வாதிகள் என்னென்ன செப்படி வித்தைகள் காட்டுவார்கள், கலகத்தைத் தூண்டுவார்கள் என்பது தெரிந்த விஷயம் தான்! பிள்ளையையும் கிள்ளிவிட்டுத் தொட்டிலையும் ஆட்டி விடுகிற வேலையை மம்தா பானெர்ஜி,ராகுல் காண்டி முதற்கொண்டு இன்றைக்கு அரசியலுக்கு வந்திருக்கிற உ''னாநிதி வரை தொடர்ந்து கொண்டே இருப்பார்கள், நாமும் வேடிக்கை பார்த்துக் கொண்டே இருக்கத்தான் வேண்டுமா என்ன?

மீண்டும் சந்திப்போம்.            

#1130 பழ கருப்பையா! புலி பல்டியும் அடிக்கும்! Sit down!

இங்கே பழ கருப்பையா  மாதிரியானவர்களுக்குக் கூட திடீர் திடீரென புத்திக் கொள்முதல் செய்து கொள்கிற நேரம் வாய்த்துவிடுவதைப் பார்க்கையில்  உண்மையிலேயே சிரிப்புத்தான் வருகிறது. ஆனால் சீரழிந்து போன அரசியல் சிரிக்க வேண்டிய விஷயம் தானா? ஜனநாயகம் பற்றி பழ. கருப்பையா சொல்கிற சில விஷயங்களை யோசிக்க வேண்டாமா? செந்தில் பாலாஜி போன்றவர்களைப் பற்றி அவர் சொல்வதில் தவறு இருக்கிறதா?

போகிப்பண்டிகை என்று ஆகாவரிகளைக் கழித்துக் கட்டுகிற மாதிரி அரசியலிலும் ஆகாதவைகளைக் கழித்துக் கட்ட ஜனங்களாகிய நாம் உறுதி கொள்கிற போது, ஜனநாயகம் செழித்து வளர்கிற வாய்ப்பும் கூடவே உருவாகிறது. அரசியலில் களைகளின் ஆதிக்கமே மிகுந்திருக்கிறதென்றால்,குற்றம் நம்முடையதே! பழ கருப்பையாவிடம் இருக்கிற பெரிய கோளாறு என்னவென்றால் கொஞ்ச நேரம் பேசவிட்டால், எங்கெங்கேயோ இழுத்துக் கொண்டு போய் ஆளைவிட்டால் போதும் சாமி என்றாக்கி விடுவார். இதை இந்த 29 நிமிட வீடியோவிலேயே அனுபவிக்க முடியும். அனுபவித்துத் தான் உணரலாமே!

புலிகள் (என்று சொல்லிக் கொள்பவர்கள்) பசித்தால் புல்லும் தின்பார்கள்! பூசாரி உடுக்கடித்தால்  தலை கீழாக பல்டியும் அடிப்பார்கள் என்று நக்கலடிக்கிறார் சதீஷ் ஆசார்யா! சரிதானே என்கிறீர்களா? ஆனால் உடுக்கடிப்பவர் யாரென்று சொல்லவில்லையே! 

மக்களவையில் குடியுரிமைச் சட்டத் திருத்த மசோதாவுக்கு ஆதரவாக வாக்களித்து விட்டு, ராஜ்யசபாவில் ஆதரித்தோ எதிர்த்தோ வாக்களிக்காமல் வெளிநடப்புச் செய்தார்களாம்! டாக்டர் சுப்ரமணியன் சுவாமி வேறு, மறுபடியும் ஹிந்துத்வ சக்திகள் ஒன்றுசேரவேண்டும் என்று புதுக்கரடியை ஆரம்பிக்கிறார்.

      

R பிரசாத் வரைந்திருக்கிற இந்த கார்டூனோடு பொருத்திப் பாருங்கள்! சிவசேனா  தமாஷா மிக நன்றாகப் புரியவரலாம்! 

இந்தியா உலகின் கற்பழிப்புத் தலைநகரமாக மாறி விட்டது என்று ராகுல் காண்டி உளறியதோடு நிறுத்திக் கொள்ளவில்லை. அப்படிச் சொன்னதற்காக மன்னிப்புக் கோரவும் போவதில்லை என்று சூளுரை செய்திருக்கிறார். திமுகவின் கனிமொழி வந்து வக்காலத்து வாங்குகிற அளவுக்குப் பரிதாபமான நிலையில் இருக்கிற ஒருத்தருக்கு இத்தனை வீம்பு ஆகாதுதான்! என்ன செய்ய? அதலபாதாளத்தில் விழுந்தே தீருவேன் என்று பிடிவாதம் பிடிக்கிற ஆசாமிகளுக்கு என்ன புத்தி சொல்வது? அதெல்லாம் போகட்டும்! இந்த வீடியோவின் ஆரம்பத்தில் TR பாலு கனிமொழியிடம் உட்காரும்மா என்று சொல்வதும் கனிமொழி அதைக் காதில் வாங்கிக் கொள்ளாமல் பேச ஆரம்பித்ததையும் கவனித்தீர்களா?

செய்தியின் முழுப்பரிமாணத்தையும் புரிந்துகொள்ள இந்த 26 நிமிட வீடியோவைப் பார்த்து விடுங்களேன்!

மீண்டும் சந்திப்போம்.  

         

  

பாகிஸ்தான் அதிசயம்! தடுமாறும் மும்பை அரசியல்!

ஏதோ பெயரளவுக்கே அரசியல் சாசனம், சட்டம், பத்திரிகை சுதந்திரம், மனித உரிமைகள் என்று இருக்கிற பாகிஸ்தானில் கூட உச்சநீதிமன்றத் தலைமை நீதிபதி ஆசீப் சயீத் கோசா  ராணுவத்தளபதி க்வாமர் ஜாவேத் பாஜ்வாவின் பதவி நீட்டிப்பு செய்யப்பட்ட விதம் சரியானது அல்ல என்று அரசின் அறிவிப்புக்கு இடைக்காலத் தடைவிதித்ததுடன் நாளை விசாரணைக்கு எடுத்துக்கொள்வதாகவும்  அறிவித்திருக்கிறார் என்கிறது செய்தி.

CJP ஆசீப் சயீத் கோசா   

The chief justice observed that "the summary and approval of army chief's extension is not correct".The court issued notices to defence ministry, federal government and Gen Bajwa, who is due to retire on November 29 (Friday). The hearing was adjourned until Wednesday. ஜெனெரல் பாஜ்வாவின் பதவி நீட்டிப்பை எதிர்த்து மனுச் செய்த The Jurists Foundation அதை வாபஸ் பெறத்தாக்கள் செய்த மனு இன்றைக்கு தலைமைநீதிபதி முன் விசாரணைக்கு வந்தபோது அதை நிராகரித்ததோடு, பாகிஸ்தான் அரசியல் சாசனப்பிரிவு  184 (3) இந்த கீழ் suo moto பொதுநல வழக்காக எடுத்துக் கொண்டு அரசுக்கும் ஜெனெரல் பாஜ்வாவுக்கும நோட்டீஸ் அனுப்ப உத்தரவிட்டிருப்பதாக DAWN நாளிதழ் சொல்கிறது. அதை விட தலைமை நீதிபதி உள்ளிட்டு மூன்று நீதிபதிகள் கொண்ட அமர்வில் பாகிஸ்தானின் அட்டர்னி ஜெனெரலைக் கேள்விகளால் துளைத்தெடுத்திருக்கிறார்கள். படிக்கவே மிகவும் சுவாரசியமாக இருக்கிறது.   

அஜித் பவார் இடையிலேயே கைவிட்டு ஓடிப்போன பிறகு பிஜேபியின் தேவேந்திர ஃபட்னவிஸ் 2வது முறையாகவும் தனது ராஜினாமாக் கடிதத்தை ஆளுநரிடம் கொடுத்திருக்கிறார். முந்தைய ஐந்தாண்டுகளில் கைசுத்தமான ஆட்சியை வழங்கியவர், பதவிவெறி, பணத்தாசை பிடித்த மூன்று கும்பல்களால் பதவியிறங்க வேண்டிவந்தது சந்தோஷப்படவேண்டிய செய்தி இல்லைதான்! ஆனால் நம்மூர்த்தி தேர்தல் முறை, சட்டங்களை வைத்துக் கொண்டு நல்ல மாற்றங்களுக்கு ஆசைப்பட முடியாது என்பதுதான் சுரீரென்று உறைக்கிற பெருவலி. சரத் பவார் மாதிரியான ஊழல் பெருச்சாளிகளெல்லாம் அரசியல் சாணக்கியராகக் கொண்டாடப்படுவது மிகப்பெரிய கொடுமை.

சுவாசிக்கப்போறேங்க தளத்தில் இன்றைய இந்தியன் எக்ஸ்பிரஸ் நாளிதழில் சுஹாஸ் பல்ஷிகர்  இன்று அரசியல் சாசன தினம் என்பதை ஒட்டி எழுதியிருக்கிற ஒரு செய்திக் கட்டுரை, அரசியல் சாசனமும் சட்டங்களும்  நம்மூர் அரசியல்வாதிகளிடம் சிக்கிக் கொண்டு என்ன பாடுபடுகிறது என்பதை மஹாராஷ்டிர அரசியல் நிகழ்வுகளை வைத்து விளக்குகிறது. அரசியலைப் புரிந்துகொள்ள விரும்புகிற நண்பர்கள் படித்துப் பார்க்கலாம்.என்று சொல்லியிருந்ததை இன்னொருமுறை நினைவு படுத்துகிறேன்.

மீண்டும் சந்திப்போம்.           

இன்றைய செய்திகளில் கொஞ்சம் அரசியல்!

மஹாராஷ்டிரா அரசியலில், அரசு அமைப்பதில் ஆறப்போட்டே சிவசேனாவை ஒருவழி செய்து விடலாமென்று சரத் பவார் முடிவு செய்து விட்டார் போல இருக்கிறது. காங்கிரசுக்கும் வேறுவழி இல்லை. சரத் பவாருடன் ஒட்டிக் கொண்டிருந்தால் மகாராஷ்டிராவில் கொஞ்சநஞ்ச சீட்டாவது கிடைக்கும். சொந்தக்காலில் நிற்கிற தெம்பும் தைரியமும் இந்திரா காலத்திலேயே கொஞ்சம் கொஞ்சமாகக் குறைந்து, இப்போது அடியோடு இல்லாமலேயே போய்விட்டது. மஹாராஷ்டிராவில் என்ன மாதிரி அரசியல் செய்வது என்பதில் காங்கிரஸ் திக்குதிசை தெரியாமல் தடுமாறி நிற்கிறது. அந்த நாட்களில் பர்கா தத் காங்கிரசுக்கு இலவச அரசியல் ஆலோசனை அள்ளித் தந்த  மாதிரி, ஹிந்துஸ்தான் டைம்ஸில் இன்றைக்கு ஒரு பெண்மணி கடவுளாகக் கொடுத்திருக்கிற வாய்ப்பைத் தவறவிட்டால், காங்கிரசை அந்தக் கடவுளாலும் கூடக் காப்பாற்றமுடியாது என்று எழுதியிருக்கிறார்!!

நம்பக்கூடாதவர்களை நம்பி சவுண்டு விட்டதில்  சிவசேனா இருப்பதையும் கோட்டை விடப்போகிறது என்பது பிஜேபியின் தேசியப் பொதுச் செயலாளர் ராம் மாதவ் இனிமேல் சிவசேனா பிஜேபி கூட்டணிக்குத் திரும்புவது சாத்தியமே இல்லை என்று சென்ற வியாழனன்று ஒரு தொலைக்காட்சிக்கு அளித்த பேட்டியில் சொன்னபோதே வெட்டவெளிச்சமாகி விட்டது. ஆனால் இன்றைக்கும் கூட சிவசேனா வீம்பைக் கைவிடாமல் பழைய நினைப்பிலேயே பேசி வருவது கேலிக்கிடமாகி வருவது ஒரு பக்கம்! அதன் MLAக்களே உத்தவ் தாக்கரேவை எதிர்த்துப் போர்க்கொடி தூக்கும் நிலைமை இன்னொரு பக்கம்! ஆக ஒரு இயக்கமாக அல்லது அரசியல் சக்தியாக இருப்பதையும் சிவசேனா கோட்டை விடப் போகிறது! ஒரு மாநிலக் கட்சியாக, உதிரியாக இருந்துகொண்டே அகில இந்திய அரசியலையும் ஆட்டிப்படைக்கலாம் என்று கனவு காண்பது, இப்படி அஸ்திவாரமே கலகலத்து போய்விடுவதில் தான் முடியும் என்பதற்கு சந்திரபாபு நாயுடு முதல் ஏகப்பட்ட உதாரணங்கள் இங்கேயே உண்டு!

உள்துறை அமைச்சகத்தின் தீவீர பரிசீலனைக்குப் பிறகு  சோனியா மற்றும் வாரிசுகளுக்கு SPG பாதுகாப்பு விலக்கிக் கொள்ளப்பட்டிருக்கிறது. Z+ பாதுகாப்பை CRPF கமாண்டோக்கள் தொடர்ந்து வழங்கி வருகிறார்கள்.  நாடாளு மன்றத்தின் குளிர்காலக் கூட்டத்தொடர் இந்தவாரம் திங்கள் முதல் தொடங்கியதில், அரசியல் செய்வதற்கு வேறு விஷயங்களே இல்லாத காங்கிரசும் திமுக முதலான கூட்டாளிகளும் இரு அவைகளிலும் ரகளை செய்துவிட்டு வெளி நடப்பு செய்திருக்கின்றன. என்ன வேண்டுமானாலும் செய்துகொள்ளுங்கள், முடிவெடுத்தது எடுத்ததுதான் என்று மத்திய அரசு இந்த விஷயத்தில் நாடாளுமன்றத்தில் எந்தவிதமான வாக்கு வாத அக்கப்போர்களிலும் சிக்கிக் கொள்ளாமல் அமைதியாக இருப்பது இன்றைய செய்தி விசேஷம்.

மேற்கு வங்கத்தில்   சுமார் 90 சட்டமன்றத் தொகுதிகளில் வெற்றிவாய்ப்பைத்  தீர்மானிக்கிற 31% முஸ்லீம் வாக்குவங்கி சிந்தாமல் சிதறாமல் தனக்கே கிடைக்க வேண்டும் என்று மம்தா பானெர்ஜி / திரிணாமுல் காங்கிரஸ் ஏகபோக உரிமை கொண்டாடுவதில் பெரிய ஓட்டை விழுகிற மாதிரி அசாதுதீன் ஒவைசியின் AIMIM கட்சி மேற்கு வங்கத்திலும் களம் இறங்கியிருப்பதில் சிறுபான்மை தீவிரவாதம் பிஜேபியிடம் பணம் பெறுகிறது  என்று மம்தா பானெர்ஜி பேசியிருப்பது கடுமையான சர்ச்சையை கிளப்பியிருக்கிறது. தகப்பன் நேரு கொஞ்சம் பூசி மெழுகினாற்போல செகுலரிஸம் பேசியதை 1980களில் இந்திராவும் அடுத்து ராஜீவ் காண்டியும் அப்பட்டமாக சிறுபான்மையினரைக் குளிர்விப்பது மட்டும் தான் லட்சியம் என்று முஸ்லிம் வாக்குவங்கியைக் குறிவைத்த சீரழிவின் அடுத்த கட்ட நகர்வு இது. #FirstPost தளத்தில் இன்று ஸ்ரீமாய் தாலுக்தார் எழுதியிருக்கிற செய்திக்கட்டுரை மேற்கு வங்க அரசியல் களேபரங்களின் நடப்பு நிலவரத்தைத் தோலுரித்துக் காட்டுகிறது. Without naming him and the AIMIM, Mamata said in Cooch Behar on Monday: "A political party…. like in some Hindus, there is extremism, there are some people who have emerged even among minorities who are extremists. They take money from the BJP, keep in mind. They take money from the BJP, there is such a party, their home is in Hyderabad, not here." என்கிறது டெலிகிராப் நாளிதழ். 

மீண்டும் சந்திப்போம். 

இட்லி வடை பொங்கல்! #51 கர்தார்பூர்! மஹாராஷ்டிரா! தடுப்புச்சுவர்!

இந்திய மக்களின் உதிரத்தால் எழுதப்பட்ட 1947 பிரிவினைக் கோட்டின் வடுக்கள் இன்றும் ஆறவிடாமல் பாகிஸ்தான் தொடர்ந்து இந்தியாவுக்குள் பயங்கர வாதச் செயல்களை ஊக்குவித்து வருகிற நிலையில் சீக்கியர்களுடைய குருவான குரு நானக் தேவ் ஜியின்  550 வது பிறந்த நாளை ஒட்டி கர்தார்பூர் காரிடார் என்று இரு சீக்கிய குருத்வாராக்களுக்கிடையிலான பயணம் இன்று பிரதமர் நரேந்திர மோடியாலும் அந்தப்பக்கம் பாகிஸ்தான் பிரதமர் இம்ரான் கானாலும் முறையாகத் தொடங்கி வைக்கப் பட்டிருக்கிறது.

   

இந்தியாவில் பஞ்சாப் மாநிலம் குர்தாஸ்புரில் இருக்கும் தேரா பாபா நானக் குருத்வாராவில் இருந்து, பாகிஸ்தானுக்குள் சுமார் 5 கிலோமீட்டர் உள்ளே இருக்கும் கர்தார்பூர் சாஹிப் என்று அழைக்கப்படும் குருநானக் தேவ் ஜி அடக்கமான குருத்வாராவுக்கு சீக்கியர்கள் புனிதப்பயணம் மேற்கொள்ள உதவியாக இந்த கர்தார்பூர் காரிடார் முன்னாள் பிரதமர் வாஜ்பாயும் பாகிஸ்தான் பிரதமர் நவாஸ் ஷெரீப்பும் 1999 வாக்கிலேயே ஒப்பந்தம் செய்து கொண்டிருந்தாலும், செயல்வடிவத்துக்கு வர இத்தனை காலம் ஆகியிருக்கிறது. 

Geeta Mohan گیتا موہن गीता मोहन

@Geeta_Mohan

This is what would welcome visitors into #KartarpurSahib. A bomb and a board saying India dropped the bomb in 1971 but the Gurudwara remained "unheart" (unhurt) and India's "evil" designs didn't materialise. #IndoPak MoU states #KartarpurCorridor will not be used for propaganda.

7:04 AM · Nov 8, 2019·Twitter for Android 

பாகிஸ்தான் இந்த விஷயத்திலும் நஞ்சைக் கலக்கிற மாதிரி விஷமத்தனங்களைச் செய்யவும், காலிஸ்தானி பிரிவினைவாதத்தை விசிறிவிடவும் முயற்சி செய்யும் என்பது வெளிப்படையாகத்  தெரிந்தாலும் சீக்கிய மக்களுடைய உணர்வுகளுக்கு இந்திய அரசு மதிப்பளித்து இந்தப் பயணத்தை நடத்த அனுமதித்திருக்கிறது.  

Maharashtra Governor B.S. Koshyari on Saturday evening invited the Bharatiya Janata Party (BJP) -- the single-largest party -- to indicate its willingness to form the next government, barely four hours before the tenure of the state Assembly expires at midnight பிஜேபியை ஆட்சியமைக்க மஹாராஷ்டிரா ஆளுநர் அழைப்பு விடுத்திருப்பதாகத் தற்போதைய செய்தி! 

ரஷ்யாவின் பிடியில் கிழக்கு அமெரிக்க அரவணைப்பில் மேற்கு என துண்டாடப்பட்ட ஜெர்மனி மறுபடி ஒன்றாக இணைவதற்கு அச்சாரமாக இருந்தது முப்பதாண்டுகளுக்கு முன்னால் இதே நாளில்  பெர்லின் தடுப்புச் சுவர் இடிக்கப்பட்ட நிகழ்ச்சி இருந்ததென்று  முந்தைய பதிவில் கொஞ்சம் விரிவாகவே சொல்லியிருந்தேன். 

ஐரோப்பிய ஒன்றியத்தில் மிக வலிமையான பணக்கார நாடாக ஜெர்மனி இருப்பது  EUவில் உள்ள இதரநாடுகள் எதற்குமே பிடிக்கவில்லை என்பது ஒருபக்கம். உள்நாட்டு அரசியல் குழப்பங்கள் இன்னொருபக்கம்! ஒன்றாக இணைந்ததில் தீர்க்கப்படாத பிரச்சினைகள் என்று ஜெர்மனி, உள்ளே வெளியே இருபுறத்திலும் சமாளிக்க வேண்டியவை ஏராளம் என்று செய்திகள் சொல்கின்றன. உதாரணத்துக்கு இங்கே  Revisiting the Berlin Wall: Political and economic divisions continue to haunt Germany 

       

மீண்டும் சந்திப்போம்.