தேர்தல் திருவிழா! களைகட்டும் அரசியல் காமெடி!

இங்கே கூட்டணிகள் முடிவாகின்றனவோ, இல்லையோ, அரசியல் களத்தில் நிறைய மொக்கைக் காமெடிகள் அம்பலத்துக்கு வந்து கொண்டிருப்பதில் ஒரு குறைவும் இல்லை! 

Seenu Ramasamy‏Verified account @seenuramasamy

என் எல்லாப்படங்களையும் சர்வக்கட்சி தலைவர்களுக்கு சிறப்புக்காட்சியாக திரைபிடல் செய்யவதுண்டு , இம்முறை திரு,உதயநிதி செல்வி தமன்னா நடித்து வரும் 22ல் வெளிவரும் #கண்ணேகலைமானே திரைப்படத்திற்கு அவ்வாய்ப்பில்லை. கூட்டணிகள் தீர்மானிக்கின்றன பிரிவியூ காட்சிகளையும்..

6:45 AM - 20 Feb 2019 from Chennai, India

இப்படி ஒரு ட்வீட் போடுகிற அளவுக்கு என்ன நடந்து விட்டதாம்?

தமிழக அரசியல் கட்சியின் முக்கிய தலைவர்கள் அனைவருடனும் நெருங்கிய தொடர்புவைத்துள்ள இயக்குநர் சீனு ராமசாமி, வழக்கமாக தனது படத்தின் முதல் பிரதி தயாரானவுடன் அனைவருக்கும் பிரிவியூ போட்டுக்காட்டுவது வழக்கம். இம்முறை உதயநிதியின் தந்தை மு.க.ஸ்டாலினின் உத்தரவால், தி.மு.க.வின் நிரந்தர அன்புக்குப் பாத்தியப்பட்டவரான வி.சி.க. தலைவர் திருமாவளவன் தவிர யாருக்கும் போட்டுக்காட்ட அனுமதிக்கப்படவில்லையாம்!  

அனுமதிக்கப்படாத அரசியல்கட்சிப் பிரமுகர்கள் நன்றி சொல்வது காதில் விழுகிறதா சீனு ராமசாமி? 

உபரி தொகை 28 ஆயிரம் கோடி ரூபாயை மத்திய அரசிடம் அளிக்க ரிசர்வ் வங்கி முடிவு என்று பரபரக்கிறார் பதிவர் +உண்மைத்தமிழன் 

கடந்த 5 ஆண்டுகளில் ரிசர்வ் வங்கி தனது வருவாயில் 75 சதவீதம் தொகையை அரசுக்கு அளித்திருந்தது. இப்படி அளிக்கப்பட்ட மொத்த தொகை சுமார் 2.5 லட்சம் கோடி ரூபாயாகும்.

இருப்பினும், இன்னும் கூடுதலாக நிதியை அளிக்க வேண்டும் என்று ரிசர்வ் வங்கியை மத்திய அரசு நிர்பந்தித்து வருவதாக கடந்த ஆண்டின் இறுதியில் தகவல் வெளியானது. இதை மத்திய நிதித்துறை அமைச்சகம் மறுத்திருந்தது.

இந்நிலையில், கடந்த ஆண்டில் முடிவடைந்த இரண்டாம் அரை நிதியாண்டு நிலவரப்படி தன்னிடம் உள்ள தொகையில் 28 ஆயிரம் கோடி ரூபாயை இடைக்கால உபரி தொகையான மத்திய அரசிடம் அளிக்க மத்திய ரிசர்வ் வங்கி இயக்குனரகம் (RBI board) இன்று தீர்மானித்துள்ளது.

- இதுக்காகதாம்பா உர்ஜித் பட்டேலை வேலையை விட்டு வீட்டுக்குப் போன்னு சொல்லி டார்ச்சர் கொடுத்தது என்கிறார். நடராஜன் பொன்னம்பலம் என்பவர் பொறுமையாக, ஐயா! இது வருடாவருடம் ரிசர்வ் வங்கி அரசுக்கு அளிக்கிற டிவிடென்ட், புதுசு இல்லை என்று சொன்ன பிறகாவது திருத்திக் கொண்டிருக்கலாம்! 

திராவிடங்களும் தமிழ்த்தேசியங்களும் மண்டியிட்ட மாங்கா என்ற புள்ளியில் ஒன்று சேர்ந்திருக்கிறார்கள்! 

  

ஆனால் கூட்டணி பிடிக்கலேன்றதுக்கெல்லாமா கட்சியை விட்டு விலகுவாங்க? என்னமோ சொல்றாங்க! சிரிச்சு கிட்டே கேட்டுக்க வேண்டியது தான்!