காங்கிரஸ் போன்ற விஷ விருட்சங்களை வளரவிடப் போகிறோமா?

முந்தைய பதிவில் நண்பர் நெல்லைத் தமிழன் பின்னூட்டத்தில் எழுப்பிய சந்தேகம்  வெள்ளிக் கிழமைக் கேள்வியாக காங்கிரஸ் விஷவிருட்சத்தை மறுபடியும் வளரவிடப் போகிறோமா என்பதாகத்தான் இருக்கும்! 2018 இன் கடைசியில் நடந்த மூன்று மாநிலத்தேர்தல்களில் காங்கிரஸ் வெற்றி பெற்றவுடன் கூட காங்கிரஸ் மறுபடியும் தழைக்க ஆரம்பித்து விட்டது என்று தான் கோட்டை கட்டினார்கள். ஆனால் அடுத்து வந்த நாடாளுமன்றத் தேர்தல்களில் அந்த கனவுக் கோட்டை தரைமட்டமாக்கப் பட்டது.
  

சேகர் குப்தாவுக்கும் கூட முதலில் அந்தமயக்கம் இருக்கத் தான் செய்தது என்பது நேற்றைக்கு The Print தளத்தில் ஜ்யோதி மல்ஹோத்ராவுடன் சேர்ந்து நடத்திய கேள்வி பதில் நிகழ்ச்சியில் தெரிந்தது. ஆனால் இந்த 15 நிமிட வீடியோவில் நூலிழையில் தோற்றிருந்தாலுமே அதுகூடத் தோல்விதான் என்று காங்கிரஸ் கற்றுக் கொள்ளவேண்டியவைகளாக சில விஷயங்களைச் சொல்கிறார். ஆனால் காங்கிரசின் ஆகப் பெரும் பரிதாபமே கற்றுக்கொள்ளத் தெரியாத  ஒரு தற்குறிக் குடும்பத்தை மட்டுமே நம்பியிருப்பதுதான்! சோனியா மற்றும் வாரிசுகளை உதறிவிட்டுத் தன்னைப் புதுப்பித்துக் கொள்ளத் தெரியாத துதிபாடிகளின் கூட்டம் இருந்தால் என்ன? அழிந்தால் என்ன? 

துதிபாடிகளுக்கு ஒரு தெளிவான உள்நோக்கம் இருக்கிறது! உதாரணமாக என்னதான் பானாசீனா போன்ற ஆல் இன் ஆல் அழகு ராஜாக்களுக்கு, காங்கிரசுக்குத் தலைமையேற்க வேண்டும் என்கிற பேராசை இருந்தாலும், செட்டிநாட்டு வாரிசு என்கிற இமேஜை மட்டும் வைத்து சொந்த ஊரில்கூட  வாக்குகளை வாங்க முடியாது! அதேபோல  சோனியா மற்றும் வாரிசுகளுக்கு        புத்தி இல்லை என்றாலும் நேரு, இந்திராவின் வாரிசுகள் என்கிற ப்ராண்ட் மட்டும் இருக்கிறது என்பதால் பரஸ்பரத் தேவை இருக்கிறது என்பது வரை சரி! அது சோனியா காங்கிரசுடைய பிரச்சினை மட்டும்தான்! அதை இந்த தேசமும் சேர்ந்து ஏன் சுமக்க வேண்டும் என்பதற்கு நியாயமான காரணம் எதையாவது சொல்ல முடிகிறதா? 

இந்த 4 நிமிட வீடியோவில் நேற்றைய தேர்தல் முடிவுகளின் கவனிக்கப் பட வேண்டிய விஷயங்களாகக் கொஞ்சம்! இதை மட்டும் வைத்து எந்தவொரு முன்முடிவுக்கும் வந்துவிட முடியாதுதான்!ஆனால்  அங்குமிங்குமாக இடைத்தேர்தல் முடிவுகளை வைத்து  பெரும்பாலான ஊடகங்களும் நாமும் அந்த மாதிரித்தான் ஒரு கற்பனையை வளர்த்துக் கொள்கிறோம்!

The results of the Maharashtra and Haryana assembly elections should not enthuse the BJP leadership much. The results are not as encouraging as the BJP would have wanted them to be. In Maharashtra, the BJP-Shiv Sena will form the government. The combo has crossed the majority mark, though with a reduced tally since 2014. In Haryana, the BJP had aimed at more than 75 of 90 seats. It struggled to even reach the majority mark of 46. The results should be seen as a tragedy for the opposition. In both states, their performance could have been much better, had they gone in with hope and preparation. This was a classic case of an opposition resigned to defeat even before the election. Now it can only regret a lost opportunity. இப்படி ஒரு கற்பனைக் கோட்டையை NDTV தளத்தில் எழுதியிருப்பவர் ஆம் ஆத்மி கட்சியின் அசுதோஷ் 

மராத்தா மக்களுக்குத் தனி  இட ஒதுக்கீடு என்கிற வலுவான கோரிக்கை போராட்டமாக வெடிக்கலாம் என்பதையும் முதல்வர் தேவேந்திர ஃபட்னவிஸ் கடந்த மாதிரி, ஹரியானாவில் ஜாட் மக்கள் வாக்குகள் சென்ற முறை பிளவு பட்ட மாதிரி இந்தமுறை ஆகவில்லை என்பதால் காங்கிரஸ் இம்முறை கொஞ்சம் அதிக சீட் வாங்கியிருக்கிறது என்றொரு காரணத்தை TOI நாளிதழ் சொல்லியிருக்கிறது. ஆனால் பிஜேபி இந்தத் தேர்தலில் 3% அதிக வாக்குகளை வாங்கியிருக்கிறது என்பது Westminster தேர்தல்முறையின் அதீத விசித்திரம் என்பதைக் கவனிக்க மறந்து விடுகிறோம்!

      

இந்த 11 நிமிட வீடியோவில் ரிஷப குலாடி வேறொரு கோணத்தில், ஹரியானாவில் பிஜேபிக்கு ஏற்பட்டிருக்கிற பின்னடைவுக்கான காரணத்தைச் சொல்கிறார். நரேந்திர மோடி என்கிற ஒற்றை மனிதரின் மீதான நம்பிக்கை, அப்படியே இன்னமும் பிஜேபி கட்சியின் மீதான நம்பிக்கையாக மாறி விடவில்லை என்கிறார். பிஜேபிக்கு எதையும் taken for granted என்று எடுத்துக் கொள்ளாமல் கடுமையாக உழைக்கிற, கொள்கை, சித்தாந்தப்பிடிப்புள்ள    ஒரு கட்டுக்கோப்பான ஸ்தாபன அமைப்பு இருக்கிறது! அதையும் மீறி இப்படி தேர்தல் முடிவுகள் அவ்வப்போது வருமானால், அப்படி எதுவுமே இல்லாத  காங்கிரஸ் மாதிரியான  உதிரிகளுக்கு எதிர்காலம் இருக்கிறதென்றா அர்த்தம்? இதுமாதிரி உதிரி நச்சுக் களைகளை விஷவிருட்சமாக வளர விட்டுவிடுவோமா?  

கொஞ்சம் யோசித்துத்தான் பதில் சொல்லுங்களேன்! அதற்காகத் தானே எழுதிவிட்டுக் காத்திருக்கிறேன்!

மீண்டும் சந்திப்போம்.