நாடாளுமன்றத் தேர்தல்! எக்சிட் கணிப்புகள் சொல்வதென்ன?

இந்த நாடாளுமன்றத் தேர்தல்களின் போக்கு என்னவாக இருக்கும் என்பதை காங்கிரஸ் கட்சி சென்ற டிசம்பரில் மத்தியப் பிரதேசம் உள்ளிட்ட மூன்று மாநிலங்களில் ஆட்சியைப் பிடித்ததும் நடந்துகொண்ட விதமே தீர்மானித்து விட்டது என்று சொன்னால் நம்புவீர்களா?

சட்டமன்றத் தேர்தல்கள் முடிந்தவுடன் மாயாவதியும் அகிலேஷ் யாதவும் காங்கிரசுடன் கைகோர்க்கத் தயாராக இருந்துமே கூட, திமிருடன் உதறியது காங்கிரஸ்! காங்கிரசுக்கு அகிலேஷ் மாயாவதி கூட்டணி கொடுத்த மூக்குடைப்பே முடிவு என்னவாக இருக்கும் என்பதற்கு முன்னோட்டமாக இருந்தது. இப்போதைய கணிப்புகளில் ஒன்றைத் தவிர, மற்றவை பிஜேபி 50 இடங்கள் ஜெயிக்கும் என்று சொல்கின்றன. மீதமிருக்கிற 30 இல் அகிலேஷ் மாயாவதி கூட்டணி 28 அதிர்ஷ்டமிருந்தால் காங்கிரசுக்கு அதே 2 என்று poll of polls சொல்கிறதாம்! மேற்குவங்கம், ஒரிசா, பீகார் முதலான இடங்களில் பிஜேபி+ வெற்றிகரமாகக் கால் பதித்து இருக்கிறது.   

  

புலிக்கு பயந்தவர்கள் என்மீது படுத்துக்கொள்ளுங்கள் என்றானாம் ஒருத்தன்! 

மூன்றாவது அணி, மீண்டும் தேவே கவுடா மாதிரித் தங்களில் ஒருவர் பிரதமராக ஆகலாம் என்று கனவு கண்டவர்களில் ஒருவர்கூடத் தேறவில்லை என்பது இந்தத் தேர்தல்முடிவுகளின் மிகப்பெரிய சோகம்! பாடம்! 

ஆக, 1984 இற்குப் பிறகு மீண்டும் நரேந்திரமோடியே பிரதமராக ஆகிறார் என்பது உறுதியாகியிருக்கிறது.  

இந்த முடிவுகளை வாசிக்கும்போது நம்மூர் சேனல்களின் செய்தி வாசிப்பவர்களுடைய முகம் விளக்கெண்ணெய் குடித்தது போல வைத்துக் கொண்டு வாசித்ததே மிகப்பெரிய வேடிக்கை!

   

இதற்கு மேல் சொல்ல ஏதாவது இருக்கிறதா?

மீண்டும் சந்திப்போம்.