இந்தத் தேர்தல் கூத்துகளின் பொதுவான அம்சம்!

இந்தத் தேர்தல் கூத்துகளின் பின்னணியில் பொதுவான அம்சம் என்னவாக இருக்கும், இருந்ததென்று கொஞ்சம் யோசித்துப் பார்த்திருக்கிறீர்களா? ஒவ்வொரு மாநிலத்திலும் ஒவ்வொரு அரசியல் கட்சியும் நரேந்திர மோடி என்கிற ஒரு மனிதர்,  தங்கள் இருப்புக்கே முடிவு கட்டிவிடுவார் என்ற பயத்திலேயே, மோடி எதிர்ப்பு, மோடி வெறுப்பு என்கிற புள்ளியில் ஒற்றை அஜெண்டாவோடு சந்தித்த தேர்தல் அநேகமாக இதுவாகத்தான் இருக்கும். 2014 இல் சோனியா மட்டும் தான் மரண வியாபாரி என்று வெறுப்பை உமிழ்ந்து தன்னுடைய பிரசாரத்தை நடத்தினார். சோனியாவுக்கு இந்த ஒரு விஷயத்தில் மட்டும் நிறையக்  கூட்டாளிகள் சேர்ந்திருக்கிறார்கள் என்பது 2019 தேர்தல்களின் சிறப்பு.  

ANI

@ANI

Bhopal: Police personnel in civil uniform seen wearing saffron scarves at the roadshow of Computer Baba and Digvijay Singh (Congress candidate from the Lok Sabha seat); a policewoman says "we've been made to wear this". #MadhyaPradesh

10:24 AM · May 8, 2019 · Twitter Web Client

#டிக்கிசிங் என்று செல்லமாக அழைக்கப் படுகிற திக்விஜய் சிங் எந்த அளவுக்குப் பயந்துபோயிருக்கிறார், மத்தியப் பிரகேசத்தில் மாநில அரசை சென்ற டிசம்பரில் பிடித்த விஷயம் கொஞ்சநாளைக்கு பப்ளிசிடிக்கு உதவியதே தவிர காங்கிரஸ் அங்கே காலூன்றும் என்பதற்கான அடையாளமாக ஆகிவிடவில்லை என்பதைப் படம்பிடித்துக் காட்டுகிறது இந்தச் செய்தி கூட்டத்துக்கு மஃப்டி போலீஸ், அதுவும் காவித்துண்டைக் கழுத்தில் சுற்றியபடி, என்னவோ காவிகள் எல்லாம் காங்கிரசுக்கு மாறிவிட்ட மாதிரி ஒரு பொய்த்தோற்றம்! பொய்யான வாக்குறுதிகளைக் கொடுத்துவிட்டு காங்கிரஸ் ஆட்சியைப்பிடித்த மூன்று மாநிலங்களிலும் செய்வதறியாமல் திணறிக் கொண்டிருக்கிறது. ஆனாலும் ஊழல் கொடிகட்டிப் பறக்கிறதென்பது வருமானவரிச் சோதனைகளில் அம்பலமான விஷயம்.

இங்கே திமுக ஆதரவு ஊடகங்கள் என்னமோ இப்போதே திமுக ஆட்சியைப் பிடித்து விட்ட மாதிரி, இசுடாலின் கிரீடம் சூட்டிக்கொள்கிற நாள், இடமெல்லாம் குறித்துக் கொண்டு செய்திகள் வெளியிட்டுக் கொண்டிருக்கும் அதே நேரம்,

வருகிற 19 ஆம் தேதி நடக்கவிருக்கிற 4 தொகுதி இடைத் தேர்தல்களுக்கும் தொகுதிக்கு 50 வழக்கறிஞர்கள் வீதம் 200 வழக்கறிஞர்களைக் களம் இறக்கியிருப்பதாகவும் அதே ஊடகங்களில் செய்தி வருகிறது. பாருங்கள், தமிழிசை கூட நக்கலடிக்கிற அளவுக்குத் திமுக ஆதரவுத்தம்பட்டங்கள் கொண்டு போய் விட்டிருக்கிறது. எகோசஇ என்று யாரும் கேட்க மாட்டீர்களா? 

தமிழிசையை ரொம்பநாட்களாகக் கண்டு கொள்ளவே இல்லை என்று யாரும் விரல்நீட்டிக் குற்றம் சொல்லிவிடக் கூடாது இல்லையா?

எப்போ பார்த்தாலும் சும்மாசும்மா அரசியல்வாதிங்களையே குத்தம் சொல்லிக்கினு என்று அலுத்துக் கொள்கிறீர்களா?

மீண்டும் சந்திப்போம்.