சண்டேன்னா மூணு! எல்லாமே அரசியல்தான்!

மய்யம் கமல் காசர் குறைந்தது மூன்று இடங்களில் பிரசாரம் செய்யவந்து கூட்டமில்லாததால் ரத்துசெய்து விட்டுப்போன கூத்தும் நடந்திருக்கிறது. அரசியலில் இது மிகவும்  சாதாரணமான விஷயம் என்பதால், கமல் காசரோ மய்யமோ அதிகம் பெரிதுபடுத்திக் கொள்ள வேண்டிய விஷயமில்லைதான்!

சிவகங்கை தொகுதியில் சினேகனுக்கு கொலைமிரட்டல் வந்ததாவது  நம்புகிற மாதிரி  இருக்கிறது! ஆனால்  கரூர் தொகுதி காங்கிரஸ் வேட்பாளர் ஜோதிமணியும் 24 மணிநேர ஆயுதம் தாங்கிய போலீஸ் பாதுகாப்பு வேண்டுமென்று கேட்டிருப்பது கொஞ்சம் வேடிக்கையாக இருக்கிறது! 

காங்கிரஸ் தலைவர் ராகுல் காண்டிக்குமே அமேதி தொகுதி கைகழுவிவிடுமோ என்றபயம்! சிறுபான்மை வாக்குகள் அதிகமாக இருக்கும் கேரளா வயநாடு தொகுதியிலும் போட்டி என்ற செய்தி இடதுசாரிகளை உசுப்பி விட்டிருக்கிறது.   

வயநாடு தொகுதியில் CPI வேட்பாளரை எதிர்த்து ராகுல் காண்டி களமிறங்கினால் எதிர்க்கட்சிகளின் ஒற்றுமை சிதைந்துவிடும் என்று CPI கட்சியின் டேனியல் ராஜா குரல் கொடுத்திருக்கிறார். இத்தனைக்கும் இடதுசாரிகள் தொடர்ந்து பலவீனப் பட்டுவருவதையும் இந்தப்பேட்டியில் D ராஜா ஒப்புக் கொண்டிருக்கிறார்! அவரவர் கவலை அவரவருக்கு!

காங்கிரசிடமிருந்து நழுவுகிறதா அமேதி? ராகுலுக்கு வேறு பாதுகாப்பான தொகுதி வயநாடுதானா? இந்த ஆசாமியைத் தானா அடுத்த பிரதமர் என்று இசுடாலின் முன்மொழிந்தார்? முன்மொழிந்த ராசிதான் படுத்துகிறதோ?   

அப்பாவும் மகனும் இமேஜை பூஸ்ட் செய்துகொள்கிறார்களாம்! பார்க்கும் போதே செட்டப் செய்து எடுக்கப்பட்டவை என்று சின்னக் குழந்தைக்குமே புரிகிறபோது எதற்காக இத்தனை முக்கல்?