ஆட்டுத்தலை+மனித உடல்! = காங்கிரஸ்+ JD(S) கூட்டணி!

கர்நாடக அரசியல் குழப்பங்களில் சபாநாயகருக்கு எந்த விதமான உத்தரவையோ வழிகாட்டுதலையோ காலக் கெடுவையோ விதிக்க  முடியாது என்று உச்சநீதிமன்றம் இன்று தீர்ப்பளித்திருக்கிறது. இப்படி ஒரு தீர்ப்பு வரும் என்று நேற்றே ஒரு கோடிகாட்டப் பட்டிருந்ததையும் கவனித்தால், அதிருப்தி MLAக்கள் ராஜினாமா மீது சபாநாயகர் ஒரு  முடிவை எடுக்கட்டும், அதன் பிறகு அது சரிதானா இல்லையா என்பதை நீதிமன்ற ஆய்வுக்கு எடுத்துக் கொள்ளலாம் என்ற ஒரு தீர்ப்பை அளித்திருக்கிறார்கள். குறை சொல்வதற்கு ஒன்றுமில்லை தான்!  நாளை அறிவிக்கப்பட்டபடி நம்பிக்கை கோரும் தீர்மானம் எடுத்துக் கொள்ளப்படட்டும். ஆனால்  அதிருப்தி MLAக்கள் கலந்து கொண்டே ஆகவேண்டும் என்று கட்டாயமில்லை என்றும் சொல்லியிருப்பது  வேறு பல சுவாரசியமான ஊகங்களைக் கிளப்பியிருக்கிறது.

இங்கே அதிருப்தி MLAக்கள் சார்பில் ஆஜரான வழக்கறிஞர்  முகுந்த் ரோஹ்தகி உச்சநீதிமன்றத்  தீர்ப்பை விள்க்குகிறார்.இன்று உச்ச நீதிமன்றத்தில் மீண்டும் விசாரணைக்கு வந்த வழக்கில், எம்.எல்.ஏக்களின் ராஜினாமாவை ஏற்குமாறு சபாநாயகருக்கு உத்தரவிட முடியாது என்று உச்சநீதிமன்றம் தீர்ப்பு அளித்துள்ளது. ராஜினாமா கடிதத்தை ஏற்க குறிப்பிட்ட கால அவகாசம் எதனையும் நிர்ணயிக்க முடியாது என்று நீதிமன்றம் திட்டவட்டமாக தெரிவித்துவிட்டது. மேலும், நாளை நடைபெறும் நம்பிக்கை வாக்கெடுப்பில் கலந்து கொள்வது அதிருப்தி எம்.எல்.ஏக்களின் விருப்பம் என்றும் அவர்களை கட்டாயம் கலந்து கொள்ளுமாறு கட்டாயப்படுத்த முடியாது என்றும் தீர்ப்பில் தெரிவிக்கப்பட்டுள்ளதாக செய்திகள் சொல்கின்றன. ஆக ஆட்டம் கர்நாடக சபாநாயகருக்கே மறுபடி திருப்பப்பட்டிருப்பதில் சில சுவாரசியமான கேள்விகள் எழுகின்றன.

 

கர்நாடக சபாநாயகர் உச்சநீதிமன்றத் தீர்ப்பைப் பற்றி மிகவும் பவ்வியமாக, அதாவது மிகுந்த கவனத்தோடு சொல்வது எந்த அளவுக்கு உண்மையானது என்று நாளை அநேகமாக இந்த நேரத்துக்குள் தெரிய வரும் என்றே  நினைக்க வேண்டியிருக்கிறது.

ANI

@ANI

DK Shivakumar, Congress on SC's verdict on Karnataka rebel MLAs case: This landmark judgement has given strength to democratic process. Some BJP friends are trying to misguide that whip is not valid but the party can issue a whip & take necessary action as per anti-defection law.

 1:12 PM · Jul 17, 2019 · Twitter Web Client    

இது காங்கிரசின் காசுக்கார MLA  DK சிவகுமாருடைய வாதம். கட்சித்தாவல் தடைச் சட்டமே இங்கே கேலிக்குரிய ஒன்றாக ஆகிக் கொண்டிருப்பதில், இவருடைய வாதம், சட்டஞானம் எடுபடுமா என்பது முதல் சந்தேகம். நாளை நம்பிக்கை வாக்கெடுப்பு நடப்பதற்குள் சபாநாயகர் ராஜிநாமாக்கள் மீது வடிவெடுத்து விடுவாரா? அதற்குப் பிறகல்லவா தகுதிநீக்கம் மீது தனியாக முடிவெடுக்க வேண்டும்? இது அடுத்த சந்தேகம்.

இந்த இரண்டும் தனி டராக்கில்! நம்பிக்கை வாக்கெடுப்பை நாளை அறிவித்தபடி காலை 11 மணிக்கே எடுத்துக் கொள்ளப் போகிறார்களா? அல்லது தள்ளிப்போடுவதற்கு கால அவகாசம் எந்த வழியிலாவது தேடப் போகிறார்களா? ANI செய்திக்கு வந்த பதில்களில் இது ஒன்று முக்கியமானது, அப்படி ஒரு சாத்தியம் இருப்பதையும் சொல்வதாக

Bharatan

@Bharatan4

Replying to

@ANI

Read the judgement, those MLAs are not requir ed to attend assembly, hence no violation of whip. I don't know why

@BJP4Karnataka

@BSYBJP

@PMuralidharRao

are not thinking to give no confidence motion on speaker, if no-confidence motion on CM is getting delayed.

1:18 PM · Jul 17, 2019 · Twitter for Android

இப்போதுள்ள சூழலில் அதிருப்தி MLAக்களில் சரிபாதிப் பேராவது மனம்மாறி சட்டசபைக்கு வந்து நம்பிக்கை கோரும் தீர்மானத்துக்கு ஆதரவளித்தால் மட்டுமே குமாரசாமி தலை தப்பும்! இப்போது அவர்களிடம் இருக்கிற எண்ணிக்கை வெறும் 101 மட்டுமே! எதிர்த்து வாக்களிக்க பிஜேபிக்கு 105+2 என்று 107 எண்ணிக்கை இருக்கிறது.  

ஆயா ராம் கயா ராம்   என்று இதுமாதிரி நிறத்தை மாற்றிக் கொள்கிற வேலையை ஆரம்பித்து வைத்தது ராஜஸ்தானில் தான் என்றாலும், அதை secular காங்கிரசும் செகுலர் ஜனதா தளமும் சேர்ந்து கர்நாடகாவில் அமைத்த கூட்டணி, கட்சித் தாவலை விட இன்னமும் பெரிய அசிங்கம். நாளைக்கு என்ன நடந்தாலும் அதிக அளவில் சேதப்படப்போவது  காங்கிரஸ் கட்சி மட்டுமே!

ஆட்டுத்தலையை மனித உடலில் ஒட்டின கதை புராணத்தில் வேண்டுமானால் இருக்கலாம்! ஆனால் அதேமாதிரி எதிரிகளாகக் களம் இறங்கிய தேவே கவுடாவின் JD(S)  கூட்டணியும் stable ஆக இருக்கும் என்று நம்புவதுஎந்த அளவு தவறாக  இருக்கும் என்பதைக் கடந்த 14 நாத ஆட்சியே சொன்னது!

கட்சித்தாவலைத் தடுக்கமுடியாத  கட்சித்தாவல் தடைச் சட்டம்  இருந்தால் என்ன? போனால் என்ன? இந்தக் கேணத்தனமான சட்டத்தை ரத்துசெய்து விடுவது இப்போதைக்குத் தெரிகிற ஒரு நல்ல ஆரம்பமாக இருக்கும்! 

  

ஆட்சேபம் தெரிவிப்பவர்கள் முதலில் இந்தக் கட்சித்தாவல் தடைச்சட்டம் கொண்டுவரப்பட்ட கதை, பின்னணியைத் தெரிந்து கொண்டு பேச வரலாம்!

மீண்டும் சந்திப்போம்.